إزاي بتتنفّذ Voice Calls في شبكة الـ 5G؟
وهل الـ 5G جاب طريقة جديدة للصوت ولا لسه بيعتمد على الأجيال اللي قبله؟
رغم إن الـ 5G اتصمم أساسًا للداتا،
الصوت لسه خدمة أساسية،
وعشان كده فيه أكتر من سيناريو لتنفيذ المكالمة حسب نوع الشبكة وانتشارها.
أولاً: EPS Fallback (5G → 4G)
ده أول حل استخدمته الشركات مع بداية الـ 5G.
الفكرة:
• الموبايل يكون متصل 5G
• أول ما يعمل مكالمة
• الشبكة ترجعه تلقائي على 4G
• المكالمة تتم عن طريق VoLTE
الميزة:
• سريع في التنفيذ
• مش محتاج IMS 5G كامل
العيب:
• Delay في بدء المكالمة
• فقدان تجربة 5G أثناء المكالمة
وده شائع جدًا في شبكات 5G NSA.
ثانيًا: VoNR (Voice over New Radio)
ده الحل الحقيقي للصوت في 5G.
الفكرة:
• المكالمة تتم بالكامل على 5G
• من غير الرجوع لـ 4G
• باستخدام IMS مع 5G Core
الميزة:
• Setup أسرع
• Latency أقل
• جودة صوت أعلى
• دعم Use Cases مستقبلية
العيب:
• محتاج 5G SA
• محتاج IMS متكامل
• مش كل الأجهزة بتدعمه حاليًا
ثالثًا: CS Fallback (نادر في 5G)
ده سيناريو شبه منقرض،
وبيظهر في حالات انتقالية جدًا.
الفكرة:
• الرجوع لشبكة 2G أو 3G
• تنفيذ المكالمة بنظام Circuit Switching
ده حل مؤقت وغير مفضل،
وغالبًا بيتم إلغاؤه مع إيقاف 2G/3G.
رابعًا: OTT Voice (غير تابع للشبكة)
زي:
WhatsApp – Telegram – Teams
ده مش Voice Service من الشبكة نفسها،
لكن بيستخدم داتا 5G.
الميزة:
• مش محتاج IMS
• بيشتغل على أي شبكة
العيب:
• جودة غير مضمونة
• مفيش QoS حقيقي من الشبكة
طيب إمتى نستخدم كل سيناريو؟
• 5G NSA → EPS Fallback
• 5G SA + IMS → VoNR
• شبكات قديمة → CS Fallback
• تطبيقات إنترنت → OTT Voice
الزتونة:
الصوت في 5G ليه أكتر من شكل حسب نضج الشبكة.
EPS Fallback حل انتقالي،
VoNR هو المستقبل الحقيقي،
وأي شبكة عايزة تستفيد من 5G بالكامل
لازم تمشي في طريق 5G SA + VoNR.
#5G #VoNR #EPSFallback #Voice #MobileNetworks #WaleedElsafoury #وليد_الصافوري #الزتونة