December 2025

إزاي الشبكة بتتعامل مع الـ Congestion؟

4G, 5G, General /

إزاي الشبكة بتتعامل مع الـ Congestion؟ لما الشبكة تزحم وتدخل في Congestion، بتبقى شبه الطريق الدائري الصبح . الإشارات بتتكدس، المكالمات ممكن تقع، والداتا تمشي ببطء شديد. طيب الشبكة بتتصرف إزاي علشان ما يحصلش شلل تام؟ تعال نشرحها خطوة بخطوة: 1. Resource Optimization – توزيع الموارد صح الشبكة بتحاول توزع الترافيك على الترددات المتاحة (Frequency Reuse) بتعمل Load Balancing بين الـ Cells أو الـ Sectors القريبة ساعات بيحصل Traffic Steering بين 3G و 4G أو حتى Wi-Fi Offload لتخفيف الضغط 2. Admission Control – فلترة من على الباب لو في Congestion، الشبكة ممكن تمنع محاولات جديدة للدخول (زي ما الأمن يمنع ناس تدخل مول مليان) بتحافظ على الخدمات الحرجة زي مكالمات الطوارئ أو مكالمات الـ VIP 3. Quality of Service (QoS) Prioritization – الأولوية للأهم الشبكة بتدي أولوية للترافيك الحساس (صوت، مكالمات طبية، إلخ) بتحط الداتا العادية أو الترافيك الأقل أهمية في درجة أقل 4. Handover to Other Cells – الهروب للجار لو الخلية مزنوقة، بيحصل Forced Handover للمستخدمين على الخلايا المجاورة لو فيها سعة فاضية ده بيقلل الضغط ويمنع سقوط المكالمات 5. Dynamic Resource Allocation – موارد متحركة الشبكة ممكن تعيد توزيع الترددات أو تخلي بعض القنوات الاحتياطية تدخل الخدمة وقت الزحمة الزتونةالـ Congestion مش نهاية العالم، لكن لو الشبكة مش مجهزة تدير الضغط، المستخدم هيهرب.الحل مش بس تزود مواقع، لازم تخطط صح، تدير الموارد بذكاء، وتحافظ على جودة الخدمة حتى في وقت الذروة.

إزاي الشبكة بتتعامل مع الـ Congestion؟ Read More »

يعني إيه Drive Test؟ وإيه الفرق بين TEMS و Nemo؟

General /

يعني إيه Drive Test؟ وإيه الفرق بين TEMS و Nemo؟ لو حبيت تعرف صحة الشبكة بعينك، مش هتكتفي بتقارير الـ KPIs. هنا بييجي دور الـ Drive Test، كأنه كشف دوري للشبكة على الأرض، مش على الورق. إيه هو الـ Drive Test؟ ببساطة، بنركب أجهزة قياس (مثل الموبايلات الاحترافية أو الـ scanners) في عربية، ونلف في المناطق المختلفة بنقيس الإشارة، الجودة، التغطية، سرعة الداتا، الهاند أوفر، إلخ الهدف: نشوف المستخدم بيحس بإيه فعلياً، ونحدد مناطق الضعف أو الـ Black Spots TEMS vs Nemo – مين فيهم أحسن؟ 1. TEMS Investigation شركة Ascom (دلوقتي جزء من Infovista) أقدم وأشهر حل في السوق بيدعم كل السيناريوهات تقريباً: Voice, Data, VoLTE, 5G, Scanner واجهته كلاسيكية، وتقاريره قوية ومفصلة شائع جداً في معظم شركات الموبايل 2. Nemo Outdoor شركة Keysight (كانت Anite قبل كده) تصميم حديث ومرن في الإعدادات بيتميز في سهولة التعامل وسرعة التحديثات، خصوصاً مع تكنولوجيا 5G واجهته أسهل لبعض الفرق الميدانية، وفيه شوية Flexibility زيادة في التحكم مين الأفضل؟الحقيقة، مفيش “أحسن مطلق”، كل شركة بتختار حسب راحتها وخبرتها وسيناريو الشبكة.الاتنين بيطلعوا نفس البيانات الأساسية، لكن كل واحد ليه ستايله في التقارير والتفاصيل. الزتونة Drive Test مش رفاهية، ده عين الشبكة على الأرض TEMS: ملك السوق القديم، قوي وتفصيلي Nemo: واجهة حديثة وسريعة، وسهل في التعامل الأهم من الأداة هو مين اللي بيحلل الداتا وبيطلع القرارات الصح #WaleedElsafoury#وليد_الصافوري

يعني إيه Drive Test؟ وإيه الفرق بين TEMS و Nemo؟ Read More »

يعني إيه VSWR وReturn Loss وCable Loss؟

General /

يعني إيه VSWR وReturn Loss وCable Loss؟ لو تخيلنا الإشارة زي ميه ماشية في ماسورة، أي مقاومة أو تسريب في الطريق بيأثر على الكمية اللي بتوصل في الآخر. في عالم الترانسمشن، عندنا 3 مصطلحات أساسية بتوصف لنا الصحة دي. 1. VSWR – Voltage Standing Wave Ratio مقياس بيقولك قد إيه الإشارة بتترجع تاني من الهوائي أو من أي جزء في السيستم لو الرقم قريب من 1:1 → الوضع ممتاز، مفيش تقريباً إشارة راجعة القيمة المثالية أقل من 1.5:1 كل ما VSWR يعلى، معناه إن في Reflect كبير، وده بيقلل الكفاءة، وممكن يبوظ الترانسمتر 2. Return Loss بيقيس نفس فكرة الانعكاس، بس بطريقة مختلفة (بالـ dB) كل ما Return Loss يعلى (قيمة رقمية موجبة أكبر)، الوضع أحسن مثال: Return Loss 20 dB يعني انعكاس قليل جداً بيقولك بشكل مباشر قد إيه الإشارة راجعة بسبب عدم تطابق الـ Impedance 3. Cable Loss الإشارة وهي ماشية في الكابل بتفقد شوية من طاقتها بسبب مقاومة الكابل نفسه بيقاس بالـ dB لكل متر أو لكل طول معين مثال: لو عندك كابل طوله 50 متر بخسارة 0.3 dB لكل 10 متر، يبقى الإجمالي حوالي 1.5 dB Loss لازم ناخد بالنا منه خصوصاً في اللينكات الطويلة الزتونة VSWR قليل → انعكاس قليل → كفاءة أعلى Return Loss عالي → انعكاس قليل → كفاءة أعلى Cable Loss قليل → إشارة أقوى وEffective أكثر التلاتة دول شبه تحاليل الدم للشبكة، يقولولك لو في مشكلة قبل ما المستخدم يشتكي. #WaleedElsafoury #وليد_الصافوري #VSWR #ReturnLoss #CableLoss

يعني إيه VSWR وReturn Loss وCable Loss؟ Read More »

إزاي بقيس الـ Quality في أجيال الموبايل المختلفة؟

4G, 5G /

إزاي بقيس الـ Quality في أجيال الموبايل المختلفة؟ يا معلم، لما بنسمع كلمة “كواليتي” في الشبكات، أول حاجة بتيجي في دماغنا هي: “يا ترى الشبكة دي هتديني صوت صافي؟ داتا سريعة؟ ولا هتبقى ضايعة زي الشبكات اللي بنسيبها على طول؟” في 2G (الجيل التاني): بنقيس الكواليتي أساسًا باستخدام حاجة اسمها BER (Bit Error Rate) أو معدل الخطأ في ال bits. كل ما الرقم ده يقل، كل ما الصوت يبقى أوضح والداتا تمشي بدون غلطات. كمان بنبص على الـ RxQual (استقبال الجودة)، وده مؤشر بيقولنا إيه وضع الإشارة عند الموبايل. في 3G: هنا الموضوع بيبقى شوية أعقد. بنبص على حاجة اسمها Ec/No، وده بيقيس نسبة الإشارة المستقبَلة من الخلية مقارنة بالـ Noise وال interference. كل ما النسبة تكون أعلى، كل ما الشبكة تكون أنظف. كمان عندنا RSCP (Received Signal Code Power)، اللي بيقولنا الإشارة وصلت قوتها قد إيه عند الموبايل. في 4G: اللي بيتصدر هنا هو RSRP (Reference Signal Received Power)، ده بيقيس قوة الإشارة المرجعية، ومعاه RSRQ (Reference Signal Received Quality) اللي بيقيس الجودة عن طريق دمج القوة مع مستوى الـ interference والـ noise. ولو جينا للداتا، بنبص على SINR (Signal to Interference plus Noise Ratio)، وده اللي بيحدد السرعة وجودة الداونلود والآب لود. في 5G: الدنيا دخلت في حتة تانية خالص. بقى عندنا برضه SS-RSRP, SS-RSRQ, و SS-SINR، بس بتركيز على الـ Synchronization Signals عشان نقدر نعمل قياسات أدق وأسرع. والحلو إن في 5G الموضوع مش بس قوة وجودة، لأ ده كمان بيبقى فيه حسابات latency وأداء Massive MIMO، وكل حاجة بتتحسب بدقة عالية جدا . الزتونة: كل جيل له مقاييسه الخاصة للكواليتي، لكن في الآخر الهدف واحد: نوصللك صوت صافي، داتا سريعة، وتعيش حياتك Online بدون وجع قلب. ولو حسيت الشبكة مش تمام، افتكر إن في مهندسين في الباكجراوند شغالين على تحسين الأرقام دي عشان حضرتك تفتح فيديوهات القطط وأنت مطمن .

إزاي بقيس الـ Quality في أجيال الموبايل المختلفة؟ Read More »

قياسات الـ Power في كل جيل موبايل.. إزاي الشبكة بتسمعك؟!

4G, 5G /

قياسات الـ Power في كل جيل موبايل.. إزاي الشبكة بتسمعك؟! أول ما تفتح موبايلك وتكلم صاحبك، الشبكة بتسمعك إزاي؟ السر في الـ Transmission Power أو الباور اللي الموبايل بيبعتها عشان يوصل صوتك لأقرب برج (Site). كل جيل موبايل له قواعده الخاصة في موضوع الباور. تعالوا نفهمها واحدة واحدة! 2G (GSM): في الـ GSM، أقصى باور للموبايل حوالي 33 dBm (يعني تقريباً 2 وات). الـ BTS (البرج) بيبعت أوامر للموبايل يخليه يعلي أو يوطي الباور كل 480 ملي ثانية تقريباً، حسب المسافة وجودة الإشارة (اللي بنسميها Power Control). 3G (UMTS): الباور هنا أقل شوية: الموبايل يوصل لحد 24 dBm (حوالي 0.25 وات). ليه؟ عشان في 3G بنعتمد أكتر على تكنولوجيا CDMA والـ Soft Handover، فالتداخل مهم نقلله، والموبايل ميشتغلش باور زيادة بدون لازمة. 4G (LTE): في الـ LTE، بنوصل برضه لحوالي 23 dBm. الموضوع هنا فيه Smart Scheduling، يعني الشبكة بتتحكم في الباور وكمان في الموارد (Resource Blocks). كل ما تكون قريب من البرج، بتشتغل باور أقل، وكمان بنقلل استهلاك البطارية. 5G NR: الباور للموبايل يفضل قريب من 23 dBm. بس هنا بقى القصة فيها شوية فنيات حلوة، زي استخدام Massive MIMO وBeamforming، اللي بيخلي الباور أقل بس التركيز أعلى، يعني كأنك بتوجه كشاف نور على نقطة معينة بدل ما تنوّر الأوضة كلها. طب البرج بيفكر في إيه؟ البرج (eNodeB أو gNodeB) دايمًا بيحاول يظبط الباور عشان يحقق توازن بين التغطية، جودة الخدمة، والتداخل مع المواقع التانية. الزتونة: كل جيل موبايل بيقلل الباور شوية عشان يقلل التداخل ويحافظ على البطارية، وفي نفس الوقت يضمن إن صوتك يوصل بوضوح. عشان كده، وانت ماشي، موبايلك شغال يعلّي ويوطي في الباور من غير ما تحس #WaleedElsafoury #وليد_الصافوري

قياسات الـ Power في كل جيل موبايل.. إزاي الشبكة بتسمعك؟! Read More »

SDN Architecture Diagram.

SDN: Software Defined Networking

General, Telecom basics /

SDN: Software Defined Networking لو قلنا إن الشبكات التقليدية شبه عمارة قديمة، كل حاجة فيها ثابتة وصعبة تتغير، يبقى الـ SDN عامل زي العمارة الذكية اللي تقدر تتحكم فيها من الموبايل، تفتح وتقفل النور، تتحكم في التكييف، وتوزع الأوامر وانت قاعد على القهوة . إيه فكرة الـ SDN أصلاً؟ زمان، الشبكات كانت الـ Control Plane (العقل اللي بياخد القرارات) والـ Data Plane (اللي بينقل البيانات) لازقين في بعض جوه نفس الجهاز (Router أو Switch). لو تحب تغيّر في حركة البيانات أو السياسات، لازم تنزل بنفسك على كل جهاز وتظبطه يدوي… عملية متعبة جداً! هنا ييجي الـ SDN، ويقولك: “لأ، خليني أفصل الـ Control Plane عن الـ Data Plane.” إزاي بيشتغل؟ Control Plane: بقى مركزي، موجود في حاجة اسمها SDN Controller. ده العقل المدبّر اللي بيشوف الشبكة كلها من فوق ويقرر يوجّه البيانات فين وإزاي. Data Plane: الأجهزة نفسها (Switches, Routers) بقت مجرد منفذين أو “عمال” بينفذوا اللي جاي لهم من الـ Controller. المزايا تحكُّم مركزي وسهل مرونة عالية، تقدر تغيّر السياسات في لحظتها أتمتة (Automation) للـ Provisioning والتعديل تقليل التكاليف التشغيلية مناسب جداً للـ Cloud والـ Virtualization التحديات محتاج تأمين عالي جداً للـ Controller لسه جديد على بعض المؤسسات، فبيحتاج مهارات مختلفة ممكن يحصل bottleneck لو الـ Controller فشل الزتونة لو الشبكات التقليدية شبه تاكسي لازم تتكلم مع السواق وتقوله لف يمين، SDN شبه أوبر… التطبيق (Controller) شايف الخريطة كلها، بيقرر وبيوجّه العربية، وانت مرتاح! #WaleedElsafoury #وليد_الصافوري

SDN: Software Defined Networking Read More »

أنواع الـ Protection في شبكات الفايبر: خليك مطمّن!

Transmission /

أنواع الـ Protection في شبكات الفايبر: خليك مطمّن! زمان لما كان الكابل بيقطع، الدنيا كلها كانت بتوقف… تلاقي السيرفرات بتعيّط، والـ NOC بتزعّق، والـ customers بيولّعوا في الـ call center! عشان كده، اتطورت حاجة اسمها Fiber Protection فيه كذا نوع من الحماية في شبكات الفايبر، وأشهرهم: 1+1 Protection ده أسهل وأسرع نوع. بيبقى عندك خطين شغالين في نفس الوقت (Working + Protection). الـ traffic بيتبعت على الاتنين مع بعض، والـ receiver بياخد الأحسن. ميزة: Switching بيحصل في لحظة (hitless)، بس بيستهلك كابلات أكتر. 1:1 Protection فيه خط شغال أساسي (Working) وخط احتياطي (Protection)، بس مش شغالين في نفس الوقت. لو حصل failure، الترافيك بيتحوّل يدوي أو أوتوماتيك للخط التاني. 1:N Protection هنا خط واحد احتياطي بيخدم كذا خط أساسي. يعني مثلاً عندك 4 خطوط شغالين، وخط واحد بس احتياطي. لو خط أساسي وقع، الخط الاحتياطي بياخد مكانه. ميزة: موفر في التكلفة، بس لو وقعت أكتر من وصلة في نفس الوقت، يبقى ربنا يستر! Ring Protection (SNCP أو MSP Ring) ده اللي بنشوفه كتير في الـ metro networks. الخطوط بتكون عاملة دايرة (Ring)، ولو حصل قطع في أي حتة، الترافيك يلف في الاتجاه التاني. ميزة: موثوق جدًا، وبيديك مرونة أعلى في التوسيع. الزتونة: لو شغلك critical ومش مستحمل downtime، لازم تختار نوع الحماية المناسب. كل ما تزود حماية، كل ما تدفع أكتر… بس وقتها تبقى نايم مرتاح، وعندك “Plan B” جاهز دايمًا. #WaleedElsafoury#وليد_الصافوري#Fiber_Optics#Network_Protection#Telecom_Tips

أنواع الـ Protection في شبكات الفايبر: خليك مطمّن! Read More »

إيه العوامل اللي بتحدد الـ Data Rate اللي بيشتغل بيها الموبايل؟

4G, 5G, Telecom basics /

إيه العوامل اللي بتحدد الـ Data Rate اللي بيشتغل بيها الموبايل؟ النهاردة هنتكلم عن حاجة تهم أي حد بيشتغل في الـ RF أو الـ Core أو حتى الـ Drive Test، وهي: الموبايل ليه بيبعت ويستقبل داتا بسرعة مختلفة من مكان لمكان ومن وقت للتاني؟ الـ Channel Bandwidth كل ما التردد (العرض) اللي بيشتغل عليه الموبايل يكون أكبر، كل ما نقدر نحشر فيه bits أكتر. يعني مثلاً في الـ LTE لو شغال على 20 MHz، هيبقى الـ rate أعلى بكتير من لو شغال على 5 MHz. الـ Modulation Scheme لو الشبكة سمحت للموبايل يشتغل بـ modulation عالي زي 256QAM، هيقدر ينقل bits أكتر في كل رمز (symbol). لكن لو الشبكة أو الإشارة ضعيفة، هنرجع لـ QPSK أو 16QAM، وساعتها السرعة هتقل. الـ MIMO (Multiple Input Multiple Output) لو الموبايل بيدعم MIMO 4×4 مثلاً، يقدر يستخدم كذا antenna للـ downlink أو uplink، وده بيزود الـ throughput بشكل كبير. الـ Scheduling & Resource Allocation الشبكة بتقرر تدي الموبايل قد إيه من الـ PRBs (Physical Resource Blocks) في كل TTI (Transmission Time Interval). لو الشبكة زحمة، هيقل نصيبك، وبالتالي السرعة تقل. الـ Signal Quality (SINR/CQI) لو الـ SINR عالي، الشبكة تقدر تديك modulation أعلى وresource أكتر. لو الإشارة تعبانة، الشبكة تقلل السرعة علشان تحافظ على الاستقرار. الـ Backhaul Capacity لو الشبكة نفسها وراها link تعبان (مثلاً link microwave محدود أو fiber مش كفاية)، مش هتقدر تديك كل السرعة النظرية. UE Capability مش كل الموبايلات زي بعض! في موبايلات بتدعم carrier aggregation وMIMO أعلى، وفي موبايلات لا. الزتونة: سرعة الداتا اللي بتاخدها مش بس بتعتمد على الشبكة، ده كمان على الموبايل بتاعك، جودة الإشارة، والـ resources اللي الشبكة بتديها لك. #WaleedElsafoury #وليد_الصافوري

إيه العوامل اللي بتحدد الـ Data Rate اللي بيشتغل بيها الموبايل؟ Read More »

يعني إيه Telecom Cloud؟!

5G, 6G /

يعني إيه Telecom Cloud؟! تخيل معايا إنك بتدير شبكة موبايل كبيرة، فيها سوفت سويتشات، سيرفرات billing، HLR، PCRF، VAS، وكل دا كان زمان بيشتغل على أجهزة هاردوير ضخمة في سنترالات، وكل سيرفر ليه مكانه وصيانته وشغله… دلوقتي بقى كل ده ممكن يتنقل للسحابة! Telecom Cloud ببساطة هو إن شركات الاتصالات بدأت تنقل مكونات الشبكة (اللي كانت زمان hardware-based) إلى بيئة افتراضية (cloud-based) تشتغل من أي مكان، وتدار بطريقة أذكى وأكتر مرونة. الفكرة باختصار: بدل ما كل خدمة تبقى على سيرفر فيزيائي → بنعملها Virtual Function وتشتغل على الCloud. بدل ما أزود hardware لما عدد المستخدمين يزيد → بعمل scaling بالسيرفرات اللي في الcloud في دقايق. بدل ما الشبكة تكون static → بقت Dynamic, Automated & Programmable. مكونات Telecom Cloud الأساسية: 1. NFV (Network Function Virtualization): تحويل الوظايف الشبكية (زي HSS، MME، EPC) لوظايف افتراضية. 2. SDN (Software Defined Networking): إدارة الشبكة عن طريق سوفتوير بدل ما تكون معتمدة على الهاردوير. 3. Orchestration & Automation: إدارة الخدمات وتوزيعها بشكل أوتوماتيكي. 4. Edge Cloud: جزء من الCloud بيبقى قريب من المستخدم عشان يقلل الLatency في خدمات زي الـ5G وIoT. إيه فايدته؟ توفير في التكلفة. مرونة وسرعة في إطلاق الخدمات الجديدة. إدارة أسهل وتوسع أسرع. أساس لازم لأي شبكة 5G حقيقية. الزتونة: Telecom Cloud هو التطور الطبيعي لشبكات الاتصالات، بيخلي الشبكة أخف، أسرع، أذكى، وأرخص! واللي مش هيركب الموجة دي بدري، هيتأخر كتير في سباق الـDigital Transformation.

يعني إيه Telecom Cloud؟! Read More »

عني إيه Transmission Planning Engineer؟

Career, Transmission /

عني إيه Transmission Planning Engineer؟لو بنتكلم عن شريان الحياة في أي شبكة موبايل أو فايبر أو حتى مايكروويف… يبقى بنتكلم عن الترانسمشن! ورا الشريان ده فيه دايمًا مهندس اسمه Transmission Planning Engineer، شغال في صمت لكنه مسؤول عن إن الشبكة تشتغل بكفاءة من غير لخبطة أو عنق زجاجة (Network Bottlenecks). وظيفته الأساسية؟المهندس ده مسؤول عن تصميم الشبكة اللي بتنقل الترافيك (الصوت، الداتا، الفيديو…) بين مواقع الشبكة وبعضها، وخصوصًا بين الـ RAN (المواقع) والـ Core Network (مركز الشبكة). بيعمل إيه تحديدًا؟  يحدد أفضل طرق الربط (Fiber / Microwave / SDH / DWDM / IP/MPLS…) يخطط لسعات الروابط (Capacity Planning) بحيث تبقى مناسبة لعدد المستخدمين المتوقع. يختار المسارات الأنسب من حيث الكفاءة والاعتمادية (Redundancy / Protection). بيشتغل دايمًا مع فرق الـ Radio والـ Core عشان يضمن التكامل الكامل. بيحط في اعتباره النمو المستقبلي (Scalability) ويجهز له من بدري. أدواته؟برامج زي Pathloss, Google Earth, AutoCAD, وMS Excel + أحيانًا برضو GIS tools وPlanning Tools خاصة بالمشغل. هل شغله مكتبي؟80% تخطيط على اللابتوب + 20% ممكن ينزل مواقع عشان مسح ميداني أو يراجع التصميمات على الطبيعة. أهم مهارة؟عينه لازم تبقى دايمًا شايفة بعيد! يعني بيخطط للي هيحصل بعد سنة واتنين مش بس النهاردة. وكمان لازم يكون عنده فِكر شبكي Network Thinking مش مجرد مهندس توصيلات. ليه الوظيفة دي مهمة؟لأن أي ضعف أو خطأ في تخطيط الترانسمشن = شبكة بطيئة أو Down. يعني ببساطة العميل هيزهق وهيغير الشبكة، واحنا مش عايزين كده #الزتونة:لو بتحب التحليل والتخطيط ودماغك فيها تفكير شبكي واستراتيجي، شغل الترانسمشن بلانينج هيعجبك. مش بس بتربط المواقع ببعض، انت بترسم خريطة الحياة لكل الـ Data اللي بتتنقل في الشبكة #WaleedElsafoury #وليد_الصافوري#Telecom #TransmissionEngineer #شبكات_اتصالات #Planning #Microwave #Fiber #NetworkDesign 

عني إيه Transmission Planning Engineer؟ Read More »