December 2025

589581118 1377058123787663 2218768110175563785 n.webp

هو إيه الاطوال الموجية المستخدمة في الفايبر؟

Transmission /

هو إيه الاطوال الموجية المستخدمة في الفايبر؟ وليه كل شبكات الاتصالات في العالم بتستخدم 1310 و1550 و1625 نانومتر بالذات؟ الفكرة ببساطة إن الفايبر مصنوع من زجاج ليه مناطق معينة الفقد فيها قليل جدًا اسمها Optical Windows. ودول اللي بيحددوا الطوال الموجية اللي الشبكات تقدر تشتغل عليها بكفاءة. 1310 nm ده أول طول موجي اتبنى عليه الفايبر. الفقد فيه حوالي 0.35 dB/km. ممتاز للمسافات المتوسطة ومقارنة بباقي الطوال هو الأقل في الـ Dispersion. بيستخدم في الأنظمة القديمة وبعض الروابط قصيرة ومتوسطة المسافة. 1550 nm ده العمود الفقري الحقيقي لكل شبكات الترانسمشن الحالية. الفقد فيه قليل جدًا (حوالي 0.2 dB/km) وعشان كده مناسب لمسافات طويلة وسعات عالية جدًا. أغلب أنظمة 10G – 40G – 100G – DWDM شغالة على 1550 لأنه الأفضل عمليًا. 1625 nm الطول الموجي الخاص بالاختبار والـ Monitoring. بنستخدمه في OTDR لإنه بعيد عن الطوال الأساسية، وبالتالي تقدر تعمل Test من غير ما تقطع الخدمة أو تأثر على الترافيك. طيب ليه مش بنستخدم أطوال موجية تانية؟ لإن خارج الـ Windows دي الفايبر بيبقى الفقد فيه عالي جدًا، والإشارة بتضعف بسرعة ومش هتوصل لمسافة مفيدة. غير إن كل أجهزة الترانسمشن والـ optics العالمية مصممة على الثلاثة دول. الزتونة: 1310 للمسافات المتوسطة وقلة الـ Dispersion 1550 الأفضل على الإطلاق وأقل فقد 1625 للـ Testing ودول الطوال الموجية اللي مبني عليها معظم شبكات الفايبر في العالم

هو إيه الاطوال الموجية المستخدمة في الفايبر؟ Read More »

589602359 1378493070310835 5343529372755280698 n.webp

هو إيه اللي لازم مهندس الاتصالات يعرفه عشان يشتغل في مجال شبكات الموبايل؟

Career /

هو إيه اللي لازم مهندس الاتصالات يعرفه عشان يشتغل في مجال شبكات الموبايل؟ الموضوع مش بس “شبكات” وخلاص… ده مسار كامل لازم تكون ماسكه خطوة بخطوة من أول الـ 2G لحد الـ 5G، ومن التخطيط لحد التحليل بعد التشغيل. تعالى نرتّب الصورة كاملة: أولاً: أساسيات شبكات الموبايل لازم تبقى فاهم المبادئ اللي كل الأجيال مبنية عليها: • Access – Core – Transmission • الفرق بين الـ Circuit Switching والـ Packet Switching • معنى Frequency – Bandwidth – Frame – Timeslot • والـ KPIs العامة اللي أي شبكة بتقاس بيها لو الأساسيات دي مش واضحة… لازم تتعلمها ثانيًا: الـ 2G (GSM) رغم إنه قديم… لكنه أساس. تعرف: • Structure: BTS – BSC – MSc…. • Channels: BCCH – TCH – SDCCH…. • Handover and call scenarios and its steps • أهم الـ KPIs • وازاي الشبكة بتتعامل مع الصوت ده بيفتحلك الطريق لفهم الـ Layers الأحدث. ثالثًا: الـ 3G (UMTS) جيل وسيط مهم جدًا. تعرف: • NodeB – RNC… and 3G bands • Codes – Scrambling – Spreading • Power Control • Handover types and scenarios • أهم الـ KPIs والـ Call Flow رابعًا: الـ 4G (LTE) أول جيل كلّه IP. هنا لازم تبقى ماسك: • eNB structure • OFDMA – SC-FDMA • LTE Frame Structure • Bearers و QCI • Scheduling • أنواع الهاند أوفر • الـ KPIs الأساسية (Attach – Throughput – ERAB – Drop) ده الجيل اللي عليه أغلب الشغل الحالي. خامسًا: الـ 5G (NR) لازم تبقى فاهم: • gNB • Subcarrier Spacing • Numerology • MIMO – Beamforming • NSA vs SA • 5QI • Call Flows الخاصة بالـ 5G • وأساسيات الـ Core الجديد (AMF – SMF – UPF) ده الجيل اللي الشركات بتجري عليه دلوقتي. سادسًا: Planning مهندس شبكات الموبايل مش بس بيتابع… لازم يعرف يخطّط. ده يشمل: • Link Budget • Coverage & Capacity Planning • الفروق بين Bands مختلفة • اختيار مواقع المحطات • Design Tools • وازاي تطلع خطة شبكة كاملة من A to Z سابعًا: Post Processing هنا الشغل الحقيقي بيبان. لازم تعرف: • Drive Test Tools • Post Processing Software • ازاي تقرأ الـ Maps والـ Layer Analysis • حل مشاكل التغطية والـ throughput • تحليل Handovers • تحسين الـ parameters • التعامل مع الـ KPIs على مستوى Cell وCluster ده اللي يحولك من مهندس بيعرف نظري… لمهندس يحل مشاكل بجد. الزتونة: عشان تشتغل في شبكات الموبايل لازم تمشي على 3 مراحل: فهم أساسيات كل جيل → التعرف على تخطيط الشبكة → احتراف التحليل والأوبتميزيشن. وكل النقاط اللي فوق دي… هي ببساطة المهارات اللي بتميز مهندس الشبكات المحترف عن أي حد تاني. واللي عايز يبدأ الطريق ده بشكل كامل، كل اللي محتاجه موجود في كورس الـ Mobile Package بتاعي: من 2G لحد 5G + Planning + Post Processing بأسلوب عملي ومباشر. لمعلوكمات أكتر تواصل معانا على واتساب w.me/201004066730

هو إيه اللي لازم مهندس الاتصالات يعرفه عشان يشتغل في مجال شبكات الموبايل؟ Read More »

589642474 1379245996902209 7287377667096295303 n.webp

هو إيه هي وظايف الترانسمشن؟

Career /

هو إيه هي وظايف الترانسمشن؟ وإيه المجالات اللي ممكن تشتغل فيها لو فهمت الفايبر والمايكروويف والـ Core Transport كويس؟ الترانسمشن مش وظيفة واحدة… ده مجال كامل جوا شركات الموبايل، والـ ISPs، والـ Vendors، وكل جزء فيه ليه دور واضح ومسؤوليات محددة. أولاً: Transmission Planning Engineer ده اللي بيصمّم شبكة الترانسمشن نفسها. • يحدد نوع الربط بين المواقع (Fiber / Microwave) • يحسب Link Budget • يختار الترددات والمسارات • يحدد السعات المطلوبة • يرسم Network Topology (Ring – Tree – Mesh) ده العقل اللي بيبني الشبكة قبل ما تتنفّذ. ثانيًا: Transmission Implementation Engineer ده اللي بينفّذ التصميم على أرض الواقع. • تركيب الهوائيات • توصيل الفايبر • اختبار اللينكات • Splicing و OTDR • ضبط المايكروويف • تسليم الموقع شغال حسب الـ Specs ده اللي بينقل الخطة من ورق لواقع. ثالثًا: Transmission Operation & Maintenance (O&M) ده خط الدفاع الأول عن الشبكة. • متابعة اللينكات • التعامل مع الأعطال • فتح Trouble Tickets • التنسيق مع الفرق الميدانية • Monitoring للـ KPIs • حل مشاكل الـ Fiber cuts أو Microwave drop المهندس هنا حافظ الشبكة ومتابع نبضها 24/7. رابعًا: Transmission Optimization / Performance هنا بقى مستوى أعلى شوية. • تحليل الـ KPIs على مستوى الشبكة • تحسين المسارات • ضبط الترددات والـ Channel Width • تقليل الـ Latency وتحسين الـ Throughput • مراجعة الـ Designs القديمة وتطويرها المجال ده بيظهر فيه المهندسين اللي ليهم خبرة فعلية. خامسًا: Core Transport / IP Transmission المهندس هنا بيدمج بين الترانسمشن وعلوم الشبكات. • IP/MPLS • QoS • Routers – Switches • Traffic Engineering • التعامل مع الـ Core paths ده غالبًا المسار اللي ناس كتير بتتطور له بعد خبرة. الزتونة: وظايف الترانسمشن كتير، وكل وظيفة منهم محتاجة معرفة قوية بالـ Fiber، Microwave، Network Design، والـ KPIs. وأول خطوة عشان تشتغل في أي واحدة من الوظايف دي هي إنك تدرس Transmission Package اللي بيعلمك المايكروويف والفايبر وكل الأساسيات اللي هتحتاجها في السوق. لو مهتم ابعتلنا على ال واتساب 00201004066730

هو إيه هي وظايف الترانسمشن؟ Read More »

593867035 1383539659806176 9068482141929975038 n.webp

هو إيه أساسيات تنظيم الوقت؟

General /

هو إيه أساسيات تنظيم الوقت؟ وليه في ناس بتذاكر أو تشتغل ساعات طويلة… وبرضه الإنتاجية قليلة؟ السر مش في كمية الوقت… السر في طريقة تنظيمه. أولاً: اعرف انت بتعمل إيه فعلاً قبل ما تنظّم وقتك… لازم تعرف وقتك بيروح فين. تابع يومك لمدة يومين أو تلاتة: بتذاكر قد إيه؟ بتضيع وقت قد إيه؟ بتتشتت امتى؟ مجرد الوعي ده بيغيّر كتير. ثانيًا: الأولويات قبل المهام مش كل حاجة لازم تعملها دلوقتي. رتّب الأولويات حسب: • المهم والعاجل • المهم ومش عاجل • غير مهم وابدأ بالمهم… مش بالمريح. ثالثًا: حدد وقت لكل مهمة المهام اللي مالهاش وقت… بتفضل مفتوحة للأبد. اكتب: النهارده الساعة 7 – مذاكرة فصل معين الساعة 9 – فيديو الساعة 10 – مراجعة الوقت بيدي التزام. رابعًا: اشتغل بالبلوكات قسم وقتك لـ Blocks كل بلوك 45–60 دقيقة شغل مركز وبينهم 10 دقايق راحة ده أفضل من 3 ساعات ورا بعض من غير تركيز. خامسًا: قلّل المشتتات موبايلك… هو أكبر عدو للتركيز. قبل ما تذاكر أو تشتغل: • اقفل الإشعارات • استخدم وضع الطيران • أبعد الموبايل عنك التركيز مش مهارة، ده بيئة. سادسًا: خلّي الأسبوع ليه خطة اكتب كل أسبوع: • هتذاكر إيه • هتخلص قد إيه • إيه الأهداف الأساسية وخلي اليوم مجرد تنفيذ للخطة… مش ارتجال. سابعا: الترفيه خلي في وسط جدولك وقت الترفية والخروج والراحة مش كله جد في جد الزتونة: تنظيم الوقت مش ورقة و قلم… ده طريقة تفكير: اعرف يومك رايح فين… ركّز على المهم… حدد وقت… قلّل المشتتات… واشتغل بخطة. ساعتها هتنجز في ساعتين… اللي ناس تانية ما بتعملهوش في يوم كامل.

هو إيه أساسيات تنظيم الوقت؟ Read More »

594381787 1384224603071015 6711896579622877024 n.webp

تعالى أقولك المقالات اللي بتتكلم عن ال 6G تتوقع أيه عنه

6G /

تعالى أقولك المقالات اللي بتتكلم عن ال 6G تتوقع أيه عنه هو إيه اللي المفروض يغيّره الـ6G عن الـ 5G اللي موجود حاليًا؟ وإزاي الجيل الجديد يبقى مختلف بجد، مش مجرد سرعة أعلى وخلاص؟ الـ 5G قدم سرعات عالية و Latency قليل… لكن برغم كل ده، فيه حاجات لسه مش قادر يعملها. والـ 6G جاي يعالج الفجوات دي. أولاً:نطاقات ترددية جديدة الـ 5G واقف عند نطاقات Sub-6 و mmWave (حوالي 24–39 GHz). الـ 6G هينقل اللعبة لنطاق التيراهيرتز (THz). ده معناه: • سعات ضخمة جدًا • سرعات خرافية توصل لعشرات الـ Gbps • لكن مدى قصير جدًا… محتاج خلايا أكتر واستهلاك طاقة أعلى بس بصراحة أظن ده لسه عليه شوية ثانيًا: الاتصالات الحسّاسة للزمن (Extreme Low Latency) الـ 5G وصل لـ Latency حوالي 1 ms. الـ 6G هدفه تحت 0.1 ms. وده اللي يفتح الباب لحاجات زي: • real-time holograms • remote surgery بدون تأخير • التحكم الكامل في الروبوتات لحظيًا ثالثًا: دمج الذكاء الاصطناعي في الشبكة نفسها الـ 5G بيستخدم AI في التحليل فقط. الـ 6G هيبقى AI جوه الـ RAN و جوه الـ Core. يعني: • self-optimized networks بشكل أفضل من الحالي • self-healing • إدارة تلقائية للـ Resources • توقع الأعطال قبل حدوثها الشبكة نفسها هتبقى “بتفكر” رابعًا: الـ Sensing Communications الـ 6G مش بس هيبعت داتا… هيقدر “يشوف” البيئة المحيطة. • يحدد المسافات • يكتشف الحركة • يتعرف على الأجسام وده مفيد للسيارات الذاتية، الأمن، والروبوتات. دي ميزة مش موجودة في الـ 5G. خامسًا: التكامل بين الأرض والفضاء الـ 5G استخدم LEO Networks كحل إضافي. الـ 6G هيخلّي الستالايت جزء أساسي من المعمارية. • دمج كامل بين الأقمار والموبايل • تغطية عالمية وده موجود حاليا بس بأنظمة منفصلة واللي بيفكروا فيه حاليا فكرة الدمج بين الأتنين سادسًا: الطاقة والكفاءة الـ 6G هيشتغل بطاقة أقل للـ bit الواحد. وده مهم جدًا مع الترددات العالية. الهدف: شبكة عالية الأداء… بس مش بتسحب كهرباء بشكل مبالغ فيه. الزتونة: الـ 6G مش مجرد “5G أسرع” هو جيل جديد تمامًا مبني على: • ترددات أعلى بكتير • Latency شبه معدوم • ذكاء اصطناعي مدمج • sensing + communication • دمج حقيقي مع الستالايت • كفاءة أعلى واستهلاك أقل يعني شبكة مش بس بتوصل إنترنت… شبكة بتفكّر، وتتوقع، وتتعامل مع العالم زي ما الروبوتات والأنظمة الذكية محتاجاه.

تعالى أقولك المقالات اللي بتتكلم عن ال 6G تتوقع أيه عنه Read More »

595328210 1387097822783693 3864572531322279454 n.webp

هو إيه هو الـ XR في الجيل السادس؟

6G /

هو إيه هو الـ XR في الجيل السادس؟ وليه كل الشركات بتتكلم عنه كأحد أهم Use Cases في الـ 6G؟ الـ XR هو اختصار Extended Reality وهو مزيج بين: AR + VR + MR لكن بجودة أعلى بكتير، وتأخير أقل، وتجربة شبه واقعية بالكامل. اللي الـ 5G قدر يعمله كان مجرد بداية… لكن الـ 6G هو اللي هيخلّي الـ XR ينط من مرحلة “التجربة” لمرحلة “الاستخدام الفعلي”. أولاً: الـ XR في 6G هيبقى عمله إزاي؟ الـ 6G هيقدر يقدم: • فيديو 3D فوري بجودة ضخمة • تفاعل لحظي بين المستخدم والبيئة • دمج الـ sensing مع الـ rendering • دقة أعلى في التتبع والـ motion • واقع هجين Hybrid Reality بمستوى قريب من الحقيقة بمعنى إنك هتقدر: • تحضر اجتماع كأنه غرفة فعلاً • تعمل تدريب عملي في بيئة محاكاة • تزور مكان من غير ما تتحرك • تستخدم VR بوضوح يكاد يساوي عين الإنسان ثانيًا: ليه الـ 6G هو اللي هيحقق الـ XR الحقيقي؟ لأن فيه مشاكل جوهرية في 5G: • الـ latency مش كفاية للـ VR الحقيقي • الـ jitter بيأثر على التجربة • محدودية الـ throughput • ضعف الـ uplink في حالات الفيديو والتفاعل الـ 6G بيحل ده كله. ثالثًا: متطلبات الـ XR في 6G 1. Latency أقل من 1ms عشان حركة راسك تبان في النظارة فورًا… لو حصل تأخير 10ms هتحس بدوخة وتشويش. 2. Uplink قوي جدًا لإن الـ XR محتاج يرفع بيانات الحركة والتفاعل بشكل مستمر… مش زي الفيديو العادي اللي كله Download. 3. Throughput ضخم المحتوى هيبقى 8K + 16K ومش بس صورة… ده 3D + real-time textures. 4. Terahertz Spectrum الـ XR محتاج bandwidth كبير جدًا وده مش ممكن يحصل بدون انتقال نطاقات الـ THz. 5. Edge Computing عالي السرعة عشان كل المعالجة لازم تحصل على الـ Edge مش في الـ Cloud وإلا التجربة هتقف لحظيًا. 6. AI داخل الشبكة نفسها عشان يتوقع حركة المستخدم ويعمل rendering قبل ما الحركة تحصل فعلًا. الزتونة: الـ XR في الـ 6G مش مجرد نظارة VR محسّنة… ده تحول كامل في طريقة استخدام البشر للفضاء الرقمي. Latency أقل من 1ms، THz spectrum، قوة Uplink، Edge Computing، وذكاء اصطناعي جوه الشبكة.

هو إيه هو الـ XR في الجيل السادس؟ Read More »

ld2

بوست مجمع لكل الأسئلة المكررة

Career, General /

بوست مجمع لكل الأسئلة المكررة -أيه أحسن قسم وأحسم مجال ليه شغل في هندسة؟ -أيه مجالات شغل قسم الاتصالات؟ – فيلد الموبيل كويس ولا وحش؟ – أيه مجالات شغل البنات في قسم الاتصالات؟ – أيه مجالات شغل الموبيل؟ أيه الشهادات والكورسات المطلوبة لشغل الموبيل؟ – ال ITI كويسة ولا مضيعة وقت؟ – كل حاجة محتاج تعرفها عن مشاريع التخرج ” اختياره – فريق العمل – التنفيذ – العرض – ……” – أفتح بيزنس خاص بيا ولا أشتغل مهندس في شركة؟ – أزاي تعدي مناقشة مشروع التخرج بأمتياز؟ – ليه بنبعت ال CV كتير ومحدش بيرد علينا؟ – هل في فرق بين الجامعات الخاصة والحكومية في الشغل؟ – مهارات أساسية لازم تكون عندك عشان تلاقي وظيفة في شركة كبيرة وكويسة – ليه أعدادي هندسة أصعب سنة وأزاي أتغلب عليها؟ – من أفضل الطرق اللي تلاقي بيها وظيفة بسرعة – هل لازم يكون معايا واسطة عشان ألاقي شغل كويس في مجال الموبيل؟

بوست مجمع لكل الأسئلة المكررة Read More »

1765185998718

هو إيه هي ترددات التيراهيرتز (TeraHertz Bands)؟

6G /

هو إيه هي ترددات التيراهيرتز (TeraHertz Bands)؟وليه العالم شايف إنها هتبقى قلب الجيل السادس 6G؟وإيه مميزاتها وعيوبها فعلًا من ناحية عملية؟ التيراهيرتز ببساطة هي الترددات اللي بين 100 GHz لحد 3 THz،ودي منطقة أعلى بكتير من الـ mmWave اللي شغال عليها الـ 5G حاليًا.يعني إحنا داخلين على طيف جديد بالكامل…أوسع، أسرع، وأدق. أولاً: ليه هنحتاج ترددات التيراهيرتز في الـ 6G؟ لأن الـ 6G جاي يقدم Use Cases حجم الداتا فيها أكبر بكتير من قدرة أي شبكة حالية،زي:• XR و Holograms بجودة شبه واقعية• اتصالات لحظية تحت 1ms• Massive sensing• ذكاء اصطناعي مدمج في الشبكة• سرعات بمئات الجيجابت الكلام ده مش هيشتغل على Sub-6 ولا حتى mmWave…محتاج Bandwidth ضخم جدًاوده مش موجود غير في نطاق التيراهيرتز. ثانيًا: مميزات الـ TeraHertz Bands 1. سعات ضخمة جدًاالنطاق نفسه واسع، فممكن نشغل عشرات الـ GHz من الـ bandwidth،وده يدي سرعات رهيبة توصل لمئات الجيجابت. 2. دقة عالية في تحديد المواقع (High Accuracy Positioning)بسبب الطول الموجي القصير جدًا،تقدر تحدد مكان المستخدم بدقة السنتيمترات. 3. قدرة على الدمج بين الاستشعار والاتصالالـ THz ممكن يشتغل كـ Communication + Radar في نفس الوقت،وده مهم في السيارات الذاتية والروبوتات. 4. مثالي لتطبيقات الـ XR والـ Metaverseلأن محتوى الفيديو 3D يحتاج Bandwidth مهول. ثالثًا: عيوب الـ TeraHertz Bands 1. مدى قصير جدًاالإشارة بتضعف بسرعة،ومش هتكمل غير عشرات الأمتار فقط.محتاج عدد كبير جدًا من الخلايا الصغيرة. 2. اختراق ضعيف جدًاتهرب من أي عائق:• حائط• زجاج• جسم إنسانيعني لازم Line of Sight شبه كامل. 3. استهلاك طاقة عاليالأجهزة اللي تستقبل وترسل في نطاق THz هتستهلك طاقة ضخمة لو ما حصلش تحسينات في الشرائح (Chipsets). 4. تكلفة البنية الأساسيةهتحتاج نشر Massive Small Cells عشان الشبكة تبقى شغالة بشكل فعلي. رابعًا: طيب لو فيها كل العيوب دي… ليه هنستخدمها؟ لأن كل جيل جديد بيعتمد على طبقات متعددة من الترددات:• الترددات المنخفضة للتغطية• المتوسطة للـ capacity• التيراهيرتز للـ super capacity الـ THz مش هتعوض Sub-6 أو mmWave،لكن هتبقى “طبقة إضافية” للـ applications اللي محتاجة أداء غير مسبوق. الزتونة:ترددات التيراهيرتز هي الطبقة اللي هتدي الـ 6G سرعات خرافية،ودقة عالية، وقدرة على الدمج بين الاتصال والاستشعار.لكن مدى قصير، اختراق ضعيف، وتكلفة أعلى…وده معناه إنها مش لكل السيناريوهات،لكنها المفتاح لأي تطبيق مستقبلي محتاج Bandwidth مهول وزمن استجابة شبه صفر.

هو إيه هي ترددات التيراهيرتز (TeraHertz Bands)؟ Read More »

597494319 1388475225979286 7315405718449977372 n.webp

هو إيه الفرق بين Delay و Latency و Jitter؟

Telecom basics /

هو إيه الفرق بين Delay و Latency و Jitter؟ وإمتى كل واحدة منهم بتأثر على جودة الشبكة الفعلية؟ المصطلحات دي ناس كتير بتخلط بينها… مع إن كل واحد له معنى مختلف تمامًا، وبيأثر على تجربة المستخدم بطريقة غير التانية. أولاً: Latency ده الوقت اللي الباكت بتاخده عشان تتحرك من نقطة لنقطة. يعني: من أول ما تبعت الطلب… لحد أول بايت يوصل. مثال: Ping = 30 ms ده Latency. هي أهم مقياس لأي تطبيق لحظي زي: • الألعاب • المكالمات • الفيديو • XR والـ 6G Use Cases كل ما الـ Latency تقل… التجربة تبقى أنعم. ثانيًا: Delay ده مصطلح عام يشمل أي نوع من أنواع التأخير في الشبكة. ممكن يكون: • Processing Delay • Transmission Delay • Queuing Delay • Propagation Delay يعني الـ Latency جزء من الـ Delay، لكن الـ Delay نفسه أوسع وأشمل. لو عندك ازدحام في الـ Router… ده Delay. لو المسافة كبيرة جدًا… برضه Delay. لو الـ Packet بتتقعد في Buffer… ده Queuing Delay. ثالثًا: Jitter ده بقى “اختلاف الـ Delay من باكت للتانية”. يعني لو أول باكت وصلت بعد 20 ms واللي بعدها وصلت بعد 35 ms واللي بعدها 25 ms… يبقى عندك Jitter عالي. المشكلة مش في التأخير نفسه… المشكلة إنه مش ثابت. Jitter بيبوّظ: • مكالمات VoIP • Video streaming • Gaming • أي حاجة Real-time لأن الصوت أو الصورة محتاجة وصول ثابت ومنتظم للباكتس. الزتونة: • Latency: الوقت اللي الباكت بتاخده عشان توصل. • Delay: أي نوع من أنواع التأخير في الشبكة. • Jitter: عدم انتظام التأخير من باكت للتانية. Latency = إحساس البطء Jitter = إحساس التقطيع Delay = السبب الأساسي اللي عمل الاتنين والشبكة القوية هي اللي تقدر تتحكم في الـ 3… مش في واحد بس.

هو إيه الفرق بين Delay و Latency و Jitter؟ Read More »