January 2026

الجيل السادس 6G.. إيه الجديد؟! وأنا بشرب قهوتي الصبح، جالي سؤال كده في دماغي: “يعني بعد كل اللي شفناه في 5G، فيه إيه تاني ممكن ييجي مع 6G؟!” تعالوا نحط الموبايل على جنب ونفكر سوا بطريقة مبسطة، فنية، ولطيفة   إيه اللي متوقع نشوفه في 6G؟  سرعات خرافيةالناس بتتكلم عن سرعات توصل لـ 1 تيرا بت في الثانية! يعني تقدر تنزل فيلم 8K قبل ما تغمض وتفتح  لكن السرعة دي مش بس للمستخدم العادي، لأ دي أساسية لتطبيقات زي الواقع الممتد (XR) والواقع الهولوجرامي.  زمن تأخير أقل من خيال كاتب أفلام الخيال العلمياحنا في 5G بنتكلم عن Latency حوالي 0.5 ميلي ثانية.في 6G؟ ممكن نوصل لأقل من كده! ده هيسمح بعمليات جراحية عن بُعد وكأن الدكتور جنب المريض بالضبط.  اتصالات ذكية مدعومة بالذكاء الاصطناعي (AI-Native Networks)الشبكة نفسها هتبقى ذكية، تتعلم وتتكيف حسب الحركة والاستخدام. يعني الشبكة هتبقى عاملة زي السواق الشاطر اللي بيعرف الزحمة فين ويمشيك من الطرق الفاضية.  تغطية في كل مكان.. حرفيًا6G هيضم أقمار صناعية صغيرة (LEO Satellites) علشان التغطية توصلللمناطق الصحراوية، الجبال، وحتى المحيطات.يمكن ده مش اكيد بس ليه لا  نقل البيانات بأنظمة تيراهيرتز (THz)بديل جديد للموجات الميليمترية، التيراهيرتز هيوصلنا لسرعات ونطاقات تردد خيالية… بس التحديات الفنية كبيرة، زي اختراق الحواجز والعوائق.صحيح لسه الموضوع تحت البحث بس مين عارف بكرة في أيه؟  دعم الحواس الرقمية (Internet of Senses)يعني تخيل تقدر “تحس” بشيء بيحصل على الإنترنت – ريحة، طعم، إحساس بالملمس؟! الموضوع لسه تجريبي، لكن 6G ممكن يفتحله الباب.  الزتونةلو 5G فتح لنا باب التحول الرقمي، 6G ناوي يكسر الحيطان ويفتحنا على عصر تاني خالص…لكن قدامنا شوية سنين (تقريبًا لحد 2030) علشان نشوفه في الواقع. لحد ما نوصل، خلينا نكمل في 5G ونستعد للسحر الجاي! 

The Evolution of Core Networks: EPC vs 5GC –لما الشبكة بقت Platform مش مجرد Pipes في عالم الموبايل، الكور نتورك هو “المخ” اللي بيدير كل حاجة من أول ما تشغل الموبايل لحد ما تبعت ميم على واتساب.ومع كل جيل جديد من الشبكات، الكور بيتطور مش بس علشان يمشي البيانات أسرع… لكن علشان يفهم أكتر، ويتعامل بذكاء أكتر. خلينا نرجع خطوة ورا: إيه حكاية EPC؟ في شبكات 4G، الكور اسمه Evolved Packet Core – EPC، وده كان مبني على architecture واضح وتقليدي: كل وحدة (node) ليها وظيفة سابتة: MME: بيهندل الـ signaling SGW/PGW: بينقلوا البيانات HSS: مسؤول عن الـ subscriber data التواصل ما بينهم كان point-to-point، والبروتوكولات معظمها Diameter و GTP. الشغل كان linear… شبه خط إنتاج: كل حاجة ماشية في سكة معينة ومفيش مرونة كبيرة. دخلت 5G وقالت: لأ، احنا عايزين نعملها SaaS style! مع ظهور 5G Core – 5GC، الدنيا اتقلبت: بقى فيه حاجة اسمها Service-Based Architecture (SBA) كل وظيفة في الكور (زي الـ AMF، SMF، UPF، AUSF، UDM…) بقت خدمة مستقلة، تقدر تتكلم مع أي مكون تاني باستخدام HTTP/2 و RESTful APIs مفيش communication “مقصورة” بين نود ونود… كله بقى dynamic ده خلى الشبكة تقدر: تعمل scaling لكل مكون لوحده حسب اللود تحقق high availability و resiliency تدعم network slicing: نفس الشبكة تقدر تخدم عربية ذاتية القيادة وفي نفس الوقت جيمر بيلعب cloud gaming من غير ما يقفلو على بعض يعني إيه الكلام ده بقى؟ يعني الشبكة بقت شبه microservices architecture بتاع الـ Web Services، وده خلاها: أذكى: decisions أسرع، وأكتر دقة أكثر مرونة: تقدر تتأقلم مع كل use-case على حدة جاهزة للمستقبل: AR/VR، IoT، automation… كله متخططله من جوه الكور الزتونة: الـ EPC كان شغال زي موظف حكومة: كل واحد عارف شغلته ومبيعديش حدوده.الـ 5GC بقى شغال زي ستارتاب: كل خدمة مستقلة، مرنة، وقابلة للتطوير حسب الظروف.وده الفرق بين شبكة “تنقل” بيانات وشبكة “تفهم” البيانات وتخدمك حسب احتياجك. #WaleedElsafoury#وليد_الصافوري

MME vs AMF – نفس الدور… ولا تغيير اللعبة؟ في شبكات 4G، الـ MME (Mobility Management Entity) كان نجم الـ Signaling بلا منازع.بيستقبل الـ Attach Request من الموبايل، يحددلك مين ال SGW المناسب، يتعامل مع HSS، ويهندل حاجات زي handover والـ paging…يعني باختصار: الراجل ده كان عامل كل حاجة ما عدا نقل البيانات نفسها. لكن لما دخلت 5G، الشبكة قالت: احنا عايزين كل حد يركز في تخصصه… وظهر AMF – Access and Mobility Function. الفرق الجوهري؟ الـ MME كان مسؤول عن حاجات كتير في نفس الوقت (signaling + control + session)، فكان شبه مدير شغال في كل الأقسام. الـ AMF في 5G بقى جزء من الـ Service-Based Architecture، يعني ما بيشتغلش لوحده… كل حاجة بتتم بالتنسيق مع باقي ال functions: الـ AMF بقى متخصص في mobility management و access control فقط أما session management فبقت شغلانة SMF – Session Management Function الـ authentication اتنقلت للـ AUSF والـ subscription data بقت مع UDM + UDR طيب إيه فايدة التقسيم ده؟ كل component يقدر يتعمله scaling على حدة لما يحصل مشكلة، مش لازم الكور كله يقع والـ update لأي خدمة بقى أسهل (microservices style) وبيديك حرية تكامل رهيبة مع الـ Cloud والـ Edge Computing من الآخر: الـ MME كان جندي مجهول بيشيل كتير…لكن الـ AMF في 5G بقى team player: بيركّز في اللي بيعرف يعمله كويس، ويسيب الباقي للزملاء. الزتونة: الفرق بين MME و AMF مش مجرد أسامي جديدة…ده shift كامل في الـ mindset:من “كيان واحد بيعمل كل حاجة” إلى “نظام موزع ذكي بيشتغل كأنك في بيئة DevOps وCloud Native”. #WaleedElsafoury#وليد_الصافوري