Waleed Elsafoury

عايز إنترنت يوصل لحد البيت بسرعات خيالية؟ تعال ندردش عن FTTH!

Optical Fiber /

عايز إنترنت يوصل لحد البيت بسرعات خيالية؟ تعال ندردش عن FTTH! لو سمعت حد بيقولك “أنا شغال على FTTH” وأفتكرت أنه طباخ وبيعمل فتة  … أحب أطمنك، ده اختصار لـ Fiber To The Home، يعني الإنترنت بيجيلك على جناح سلك فايبر لحد عندك في البيت، من غير ما يركب تاكسي نحاس! طيب، الشبكة دي بتتكوّن من إيه؟ خلينا نفكها سوا: 1. OLT (Optical Line Terminal):ده زي المدير العام الموجود في السنترال. بيبعت ويستقبل البيانات من وإلى المشتركين، ومش بيتأخر في الرد 2. ODN (Optical Distribution Network):شبكة التوزيع اللي بتنقل الإشارة من OLT لحد بيتك، ودي بتتكوّن من: كابلات الفايبر الأساسية. الـ Splitters: دول شبه “التفريعة” بتاعة الشاي… بيفرّق الإشارة من خط رئيسي لعدة بيوت. النسبة المشهورة: 1:32. وصِلات وكبائن التوزيع (FDH / FAT): محطات استراحة الإشارة قبل ما توصللك، بيكون فيها تنظيم وتوصيل الفايبرات. 3. ONT أو ONU (Optical Network Terminal / Unit):ده الجهاز اللي بيتحط في بيتك وبيحوّل الإشارة الضوئية لإشارة كهربائية يفهمها الراوتر… يعني لو الـ OLT هو السنترال، الـ ONT هو التليفون اللي عندك في البيت. 4. الراوتر (Router):بعد ما الـ ONT يحوّل الإشارة، الراوتر بيوزّع الإنترنت لأجهزتك، سلكي ولا واي فاي… حسب مزاجك. الزتونة: شبكة الـ FTTH عبارة عن طريق سريع من الفايبر، بيبدأ من OLT في السنترال، يعدي على شبكة توزيع فيها splitters وكبائن، ويوصل لحد عندك بجهاز ONT… علشان تتفرج على فيديوهات القطط بجودة 4K من غير لاج! #WaleedElsafoury#وليد_الصافوري#FTTH

عايز إنترنت يوصل لحد البيت بسرعات خيالية؟ تعال ندردش عن FTTH! Read More »

يعني إيه Open RAN؟ وليه بقى الترند الجديد في عالم الموبايل؟

5G /

يعني إيه Open RAN؟ وليه بقى الترند الجديد في عالم الموبايل؟ تعالوا نرجع خطوتين ورا: زمان – ولسه للأسف في أماكن كتير – شركات الموبايل كانت بتشتري كل مكونات الشبكة اللاسلكية (الهاردوير، وحدات التحكم، السوفت وير) من شركة واحدة. زي ما تشتري عربية من شركة وتكتشف إن حتى الكاسيت بتاعها مينفعش غير بـCD من نفس الشركة! هنا بييجي بطل القصة: Open RAN – Open Radio Access Networkالاسم شكله جامد، بس فكرته بسيطة:نفتح المكونات دي على بعضها، ونخلي الشركات المختلفة تقدر تشتغل سوا… كل واحد يجيب أحسن ما عنده!يعني تركب راديو من شركة X، ووحدة تحكم من Y، وسوفت وير من Z، وكلهم يشتغلوا زي الساعة. طيب إزاي ده بيحصل؟ عن طريق واجهات مفتوحة ومعايير موحدة زي: Open Fronthaul: علشان الراديو يتكلم مع وحدة المعالجة. RIC (RAN Intelligent Controller): وحدة ذكية بتتحكم في الأداء وتتعلم من الشبكة. CU/DU split: فصل المعالجة المركزية (CU) عن المعالجة القريبة من الراديو (DU) لتوزيع الأحمال بذكاء. طب وده يفيدنا في إيه بقى؟ توفير فلوس: لأن المنافسة زادت، والأسعار قلت. مرونة أكتر: تقدر تعمل Upgrade أو تبدل مكون من غير ما تغير السيستم كله. تشجيع الابتكار: شركات صغيرة بتدخل الساحة بأفكار جديدة. أمان أكتر: لأنك تقدر تراجع كل مكون لوحده. بس خد بالك… التكامل بين شركات مختلفة مش دايمًا سهل، وعايز خبرة في الـ Integration. الأداء أحيانًا بيحتاج ضبط أكتر علشان توصل للكفاءة المطلوبة. فيه تحديات في الأمان لأنك بتتعامل مع أكتر من طرف. الزتونة:Open RAN مش موضة، ده تحول جذري بيخلي شبكات الموبايل أكثر انفتاحًا ومرونة وابتكار. بس زيه زي أي حاجة مفتوحة، محتاج سيطرة، تنسيق، وتفكير ذكي. وافتكر دايمًا: مش كل واجهة مفتوحة معناها إن الطريق سالك!#WaleedElsafoury#وليد_الصافوري

يعني إيه Open RAN؟ وليه بقى الترند الجديد في عالم الموبايل؟ Read More »

ستاندر ألوان كابلات الفايبر – ليه في كابل فايبر بيشبه علبة فلوماستر؟

Optical Fiber, Transmission /

ستاندر ألوان كابلات الفايبر – ليه في كابل فايبر بيشبه علبة فلوماستر؟ لو فتحت كابل فايبر داخله 12 أو 24 كور، هتلاقي الدنيا مولعة ألوان: أزرق، برتقالي، أخضر، بني… لدرجة إنك هتفتكر إنك داخل على حصة رسم مش شغل فايبر! بس الحقيقة إن الألوان دي مش ديكور، دي ستاندر عالمي هدفه التنظيم وتسهيل التوصيل والفحص والصيانة. تخيل توصل 96 كور فايبر من غير ما يكون فيه ترتيب ألوان؟  الستاندر الرسمي؟ ANSI/TIA-598-C الستاندر ده بيحدد ترتيب الألوان للكورز (الألياف) جوا الكابل، والتكرار بيكون كل 12 لون. الترتيب كالتالي: 1. أزرق Blue 2. برتقالي Orange 3. أخضر Green 4. بني Brown 5. رمادي Slate 6. أبيض White 7. أحمر Red 8. أسود Black 9. أصفر Yellow 10. بنفسجي Violet 11. وردي Rose 12. فيروزي Aqua لو الكابل فيه أكتر من 12 كور؟ تبدأ المجموعة التانية بنفس الترتيب بس بماركر معين أو بلافة خارجية (Binder) بتوضح المجموعة. طب وفايدة الترتيب ده؟ أثناء اللحام (splicing)، الفني يعرف يوصل أنهي كور مع أنهي كور. أثناء الفحص، تقدر تحدد العطل في أنهي كور بسرعة. في التوسعات والصيانة، توفر وقت ومجهود كبير. الزتونة؟ ألوان كابلات الفايبر مش شغل أطفال، دي لغة تقنية متفق عليها عالميًا علشان الدنيا ما تبقاش كركبة في كركبة. واحفظ الترتيب كويس، لأنه هيكون صاحبك في أي مشروع فايبر، من أول الباتش كورد لحد الراوتر الكبير في السنترال!#WaleedElsafoury#وليد_الصافوري

ستاندر ألوان كابلات الفايبر – ليه في كابل فايبر بيشبه علبة فلوماستر؟ Read More »

مين الأفضل في شغل الموبايل؟ Radio ولا Transmission ولا Core؟

Career /

مين الأفضل في شغل الموبايل؟ Radio ولا Transmission ولا Core؟ السؤال ده بيتكرر كتير من الناس اللي لسه داخلة مجال الاتصالات أو حتى بتفكر تغير تراكها، والإجابة ببساطة: مافيش حاجة اسمها مين “أفضل”… لأن كل تراك فيهم ليه دور أساسي ومكمل للتاني. الـRadio هو اللي بيخلينا أصلاً نلقط الشبكة… من تغطية وجودة وسعة. الـTransmission هو اللي شايل الـRadio والـCore على ضهره، بيربط كل حاجة ببعض. الـCore هو عقل الشبكة، مسؤول عن إدارة المكالمات والبيانات والـservices. يعني من غير Radio مفيش شبكة، من غير Transmission الشبكة مش هتوصل، ومن غير Core الشبكة ملهاش دماغ تفكر! وعلى فكرة، الشغل موجود في التلاتة، بس عملياً، الـRadio والـTransmission بيبقوا مطلوبين أكتر شوية لأنهم مرتبطين بكل موقع على الأرض. الـCore شغله centralized أكتر وممكن يكون أقل عددياً. بالنسبة للمرتب؟آه، الـRadio والـTransmission ممكن يبقوا أقل في الأول، بس مع الخبرة والمعرفة والـtools، المرتب بيزيد كويس جدًا، وفرص السفر في التراكات دي ممتازة، خاصة في المشاريع والدول اللي لسه بتبني أو بتطور شبكاتها. الزتونة؟لو بتحب التنقل، التحدي، والشغل العملي… الـRadio أو الـTransmission هيكونوا مناسبين ليك. لو بتميل للتحليل، النظم، والإدارة… الـCore هيكون مكانك.لكن في كل الأحوال: كلهم مهمين، وكلهم ليهم فرص، والمهم تبدأ وتتعلم صح. #WaleedElsafoury#وليد_الصافوري

مين الأفضل في شغل الموبايل؟ Radio ولا Transmission ولا Core؟ Read More »

الذكاء الاصطناعي وOptimization في 4G و5G: لما الشبكة تبقى أذكى من المستخدم!

4G, 5G, AI /

الذكاء الاصطناعي وOptimization في 4G و5G: لما الشبكة تبقى أذكى من المستخدم! زمان كنا بنشتغل Optimization بالورقة والقلم (نوعًا ما!)… بنقيس KPI، نشوف الـ Drive Test، نعمل تحليل يدوي، وبعدها نقرر نعدّل باراميتر هنا، نغيّر حاجة هناك، نزبط هاند أوفر ولا نزوّد الـ PRB. بس مع تطور الشبكات، وخاصة في الجيل الرابع والخامس، الدنيا اتعقدت… وكل ما الشبكة توسعت وبقت أكتر ديناميكية، احتجنا لعقل أكبر يربط كل الخيوط: وهنا دخل الذكاء الاصطناعي. AI بيعمل إيه؟ 1. يتوقع المشاكل قبل ما تحصل: من خلال تحليل التريندات والـ KPIs التاريخية، AI يقدر يتوقع congestion، drop، أو handover failure، وياخد action استباقي (زي Dynamic Load Balancing). 2. يزبط الباراميترز في الوقت الحقيقي: بدل ما تقعد تضبط الـ Mobility Parameters يدويًا، AI بيشتغل بطريقة Self-Optimizing Network (SON) ويزبط كل حاجة لحظيًا based on traffic behavior. 3. يعرف يميز بين الزحمة والمشكلة: مش كل drop معناه مشكلة، ومش كل delay معناه congestion. AI يقدر يميّز لو المشكلة بسبب hardware ولا coverage ولا interference، ويوجه الفريق لحلها صح. 4. يتعلم ويتطور: كل ما يدخل data أكتر، بيتعلم أكتر. يعني Optimization بيبقى أسرع، أدق، وبيوفّر وقت ومجهود مهندسين الشبكة. طب وفي 5G؟ الموضوع بقى أعقد وأجمد. في 5G عندك Massive MIMO، Beamforming، Network Slicing… كلها features محتاجة decision making لحظي. AI هنا مش بس مساعد، ده بقى رُكن أساسي في إدارة الشبكة. الزتونة: الذكاء الاصطناعي مش جاي ياخد مكان مهندس الـ RF، لكنه جاي يخلي شغله أسرع وأذكى. هو المساعد اللي بيفهم الشبكة، بيتعلّم منها، وبيساعدك توصل لأداء ممتاز في عالم مليان داتا وتحديات. #WaleedElsafoury#وليد_الصافوري

الذكاء الاصطناعي وOptimization في 4G و5G: لما الشبكة تبقى أذكى من المستخدم! Read More »

من GMSK لـ QAM256 — قصة تطور الـ Modulation في شبكات الموبايل

Telecom basics /

من GMSK لـ QAM256 — قصة تطور الـ Modulation في شبكات الموبايل لو الموبايل كان بيغني، فالـ modulation هي نوع المايك اللي بيغني فيه. وكل ما الجيل بيتطور، بنغير المايك ونظبط الصوت عشان نحسن الجودة.تعال نغنيها سوا: 2G (GSM): Modulation: GMSK (Gaussian Minimum Shift Keying) ليه؟ بسيطة، موفرة في الطاقة، ومناسبة للـ narrowband (200 kHz). العيب؟ بطيئة — بتشيل bit واحد بس لكل symbol. EDGE (2.75G): Modulation: 8-PSK (بتشيل 3 bits per symbol) ليه؟ ندي دفعة سرعات أعلى للـ 2G. العيب؟ محتاجة SNR أعلى. 3G (UMTS): Modulation: QPSK في البداية، وبعدين HSPA جابت 16-QAM ليه؟ CDMA system، فـ نبدأ بتعديل ثابت، وبعدين نزوّد السرعة مع الـ HSPA. العيب؟ زودنا السرعة، لكن limited بالـ interference العالي في CDMA. 4G (LTE): Modulation: QPSK، 16-QAM، 64-QAM (adaptive) ليه؟ LTE بيستخدم OFDMA، فبنختار modulation حسب حالة القناة (AMC – Adaptive Modulation and Coding).وفي 256QAM في ال 4G+ كمانالعيب؟ عايز SNR محترم عشان تستفيد من QAM العالي. يعني في أطراف الخلية، غالبًا QPSK بس. 5G (NR): Modulation: QPSK، 16-QAM، 64-QAM، ووصلنا لـ 256-QAM ليه؟ محتاجين throughput أعلى عشان الفيديوهات 4K و AR/VR، وNR بيسمح بـ higher spectral efficiency. العيب؟ 256-QAM حساس جدًا، محتاج SNR عالي وثبات في القناة، وده صعب شوية في القنوات المتحركة. ليه بنغيّر؟ عشان نزود Data Rate نحسن Spectral Efficiency نواكب التطبيقات الحديثة بس دايمًا في توازن:كل ما modulation تعلى = data rate تعلىبس كمان: احتمالية الخطأ بتزيد الزتونة:كل جيل في الموبايل بيحاول يعصر أكتر data من نفس الشبكة.فبنبدأ بـ GMSK المتواضعة، لحد ما نوصل لـ 256-QAM اللي بتغني راب بسرعة الضوء… بس بتتأثر من أقل دوشة في القناة!#WaleedElsafoury#وليد_الصافوري

من GMSK لـ QAM256 — قصة تطور الـ Modulation في شبكات الموبايل Read More »

لو عندك امتحانات ودماغك مش راضية تشتغل… تعالى هنا شوية!

General /

لو عندك امتحانات ودماغك مش راضية تشتغل… تعالى هنا شوية! الامتحانات قربت؟ والمذاكرة عاملة زي صديقك اللي مطنشه دايما بس من الأخر ملكمش غير بعض…. متقلقش… جايبلك شوية نصائح كده على الماشي، تساعدك تذاكر صح، تفتكر أسرع، وتنظم وقتك من غير ما تحس إنك في ماراثون: 1. ذاكر بذكاء مش بكمية:بدل ما تقعد 5 ساعات قدام الكتاب بتسرح وبتعدّ البلاط… ذاكر ساعة بتركيز، وريح 10 دقايق وارجع ذاكر ساعة وريح 10 دقايق وهكذا. اسمها Pomodoro technique، وفعالة جدًا للتركيز. 2. حرك مخك بمذاكرة نشطة:اسأل نفسك أسئلة، ارسم مخططات، أو اشرح الموضوع لصاحبك… دي حاجات بتقوي الذاكرة أكتر من الحفظ الصامت. 3. نام بضمير:أيوه والله! النوم الكويس مش رفاهية، ده بيخزن المعلومات في الذاكرة. نام 7 لـ 8 ساعات وخلّي دماغك تشتغل وانت نايم. 4. خليك صاحي بالأكل الصحي:ابعد عن الزيوت والمقليات وقت المذاكرة هتقل جسم وتحسسك بالخمول… وكل حاجات بتنشّط الدماغ زي المكسرات، الشوكولاتة الداكنة، والتونة. 5. جدولك هو صاحبك:نظم يومك بورقة وقلم أو أبلكيشن… حدد كل يوم هتذاكر فيه إيه، ومتنساش تحط وقت للراحة والخروجة… آه والله، الخروجة مهمة! بس خروجة خفيفة مش اربع ايام تلت ليالي. 6. قلل توتر الامتحانات:التوتر مش هينقذك، العكس تمامًا. جرّب تتنفس ببطء، مارس رياضة خفيفة، وافتكر إن ربنا مش بيضيع تعب حد. 7. أدعي كتير في صلاتك أن ربنا يرزقك الفهم والتفوق وتتوفق في الأمتحانات وفي حياتك. الزتونة:المذاكرة مش شبح… بس محتاجة شوية نظام، نوم، وتكنيكات ذكية. خليك هادي، حضر خطتك، وابدأ دلوقتي… وكل نجاح وإنت طيب!#WaleedElsafoury#وليد_الصافوري#الزتونة

لو عندك امتحانات ودماغك مش راضية تشتغل… تعالى هنا شوية! Read More »

أنواع باندات الميكروويف… وإمتى نستخدم إيه؟

Microwaves, Transmission /

أنواع باندات الميكروويف… وإمتى نستخدم إيه؟ في عالم الربط اللاسلكي، الميكروويف مش تردد واحد والسلام… لأ ده عالم من الباندات، وكل باند ليه شخصيته ومهامه. تعالوا نغوص سريعا في أشهر الباندات وإمتى تستخدم كل واحد: 1. L Band (1–2 GHz) – الجدع البطيء السرعة: منخفضة المدى: طويل جداً بيستخدم فين؟أنظمة الملاحة (زي GPS) وبعض أنظمة الرادار مميزاته:بيعدي من الحواجز والعوائق بسهولة، بس ما ينفعش في نقل الداتا التقيلة. 2. S Band (2–4 GHz) – بتاع الأقمار السرعة: متوسطة المدى: طويل نسبياً بيستخدم فين؟أنظمة الأقمار الصناعية، رادارات الطيران، وبعض الشبكات الريفية مميزاته:استقرار كويس في الأحوال الجوية، لكن مش الخيار الأول لنقل البيانات العالية. 3. C Band (4–8 GHz) – الرزين السرعة: كويسة المدى: محترم بيستخدم فين؟وصلات الـ Backhaul، وبعض البث الفضائي مميزاته:بيوازن بين الأداء والمدى، ومناسب في المناطق اللي فيها مطر كتير لأنه بيتأثر أقل من غيره. 4. X Band (8–12 GHz) – العسكري الهادي بيستخدم فين؟بشكل أساسي في التطبيقات العسكرية والرادارات نادر في الاستخدامات التجارية، بس مهم في بعض المشاريع الحكومية. 5. Ku Band (12–18 GHz) – بتاع الدش والشركات السرعة: عالية المدى: متوسط بيستخدم فين؟البث الفضائي، VSAT، وبعض حلول الشركات مميزاته:مناسب للأماكن البعيدة، لكن بيتأثر شوية بالمطر (Rain Fade). 6. K / Ka Band (18–40 GHz) – الفايف ستار Ka Band (26–40 GHz):نجم الأقمار الصناعية الحديثة (زي الإنترنت الفضائي) السرعة: ممتازة المدى: قصير عيبه؟حساس جدًا للجو والمطر، بس السرعة تعوض! 7. E Band (71–86 GHz) – الداونلود السريع السرعة: عالية جدًا (بتوصل لـ 10 Gbps وأكثر) المدى: قصير (2–3 كم غالبًا) بيستخدم فين؟الربط بين الأبراج بعضها البعض والكور ، خاصة في الجيل الرابع والخامس المميزات:مثالي لنقل داتا تقيلة، لكن لازم Line of Sight تام ومفيش مطر يزعله. ولازم منبه ان لما بنقول سرعة صغيرة لان الباندات المتاحة صغيرة مش عشان التردد قليل الزتونة: كل باند ليه استخدام حسب المسافة – حجم الداتا – البيئة.لو شغال في صحراء؟ روح لـ C Band.في مدينة مزدحمة؟ E Band و Ka Band هم أصحابك.عايز مدى بعيد وتضاريس صعبة؟ العب على L أو S Band.#WaleedElsafoury#وليد_الصافوري#الزتونة

أنواع باندات الميكروويف… وإمتى نستخدم إيه؟ Read More »

ليه دايمًا بنسمع عن أطوال موجية معينة في الفايبر؟ وإيه حكاية الـ 1310 والـ 1550؟

Optical Fiber, Transmission /

ليه دايمًا بنسمع عن أطوال موجية معينة في الفايبر؟ وإيه حكاية الـ 1310 والـ 1550؟ لما بنيجي نتكلم عن الألياف الضوئية (fiber optics)، أول حاجه لازم نعرفها إن الضوء اللي بيمشي جوه الفايبر هو ليزر أو LED شغال عند أطوال موجية محددة، مش أي ضوء كده وخلاص. وده لأن الفايبر ليه خصائص بصرية بتخليه “يرتاح” أكتر مع أطوال معينة… زي ما يكون فيه ترددات معينة بيحبها! أشهر 3 أطوال موجية مستخدمة هي: 1. 850 nm (نانو متر) ده بنشوفه في الفايبر المالتي مود (Multimode Fiber). ليه؟ لأنه مناسب للمسافات القصيرة، وسهل في التصنيع، وبيستخدم LED بدل الليزر، فالتكلفة أقل. بنشوفه في الشبكات الداخلية (LANs) مثلاً. 2. 1310 nm ده بنستخدمه مع سينجل مود (Singlemode Fiber). الميزة الكبيرة هنا إن فقد الإشارة (attenuation) بيكون قليل نسبيًا (حوالي 0.35 dB/km). كويس لمسافات متوسطة – زي كام كيلو كده – وبسعر معقول. 3. 1550 nm نجم الشباك في شبكات النقل الطويلة (Long Haul). ليه؟ علشان الفقد عنده أقل كمان (حوالي 0.2 dB/km)، وكمان هو قريب من منطقة اسمها C-band اللي بنستخدمها في أنظمة DWDM (كثافة تقسم الطول الموجي). ومعاه بنقدر ننقل داتا كتير جدًا على نفس الفايبر باستخدام أطوال موجية مختلفة (زي كأنك فتحت خط مواصلات فيه كذا لون!). ليه الأطوال دي بالذات؟ لأن الفايبر ليه استجابة مختلفة حسب الطول الموجي. فيه أطوال بيكون عندها الـ Attenuation أو الفقد عالي، وده بيخلي الإشارة تضعف بسرعة. وفيه أطوال بيحصل عندها Dispersion عالي، يعني الإشارة “تتفرفط” وهي ماشية. الـ 1310 و1550 هما sweet spots – يعني نقاط مريحة – للفايبر من حيث الفقد والتشوه. الزتونة: مش أي ضوء ينفع يمشي جوه الفايبر! بنختار الأطوال الموجية بعناية علشان نضمن إن الإشارة تمشي بعيد وبسرعة وبأقل خسارة ممكنة. وعلشان كده، الأطوال المشهورة (850 – 1310 – 1550) هي دايمًا اللي بتلاقيها في أي نظام فايبر محترم.#WaleedElsafoury#وليد_الصافوري

ليه دايمًا بنسمع عن أطوال موجية معينة في الفايبر؟ وإيه حكاية الـ 1310 والـ 1550؟ Read More »

في عالم الشبكات والتخطيط، الأوبتميزيشن بقى مش رفاهية، ده شرط أساسي عشان الشبكة تفضل واقفة على رجليها وسط الزحمة اللي حوالينا.

4G, 5G, Optimization /

في عالم الشبكات والتخطيط، الأوبتميزيشن بقى مش رفاهية، ده شرط أساسي عشان الشبكة تفضل واقفة على رجليها وسط الزحمة اللي حوالينا.بس يا ترى، نفضل نعمل Optimization مانيوال؟! ولا نسيب الشغل “للآلة” ونتفرج؟هنا بيدخل الأوتوميشن كبطل خارق بيشيل عننا حمل كبير! طيب نستخدمه في إيه؟ 1. Parameter Auditing: بدل ما تقعد تقارن باراميترز الموقع واحد واحد، الأدوات الأوتوماتيكية تقدر تجيبلك الاختلافات في لحظة، وتقولك كمان إيه اللي مخالف للـ baseline. 2. KPIs Monitoring & Alarms: الأوتوميشن بيراقب الـ KPIs لحظة بلحظة، وأول ما يشم ريحة degradation، يرن الجرس أو حتى يفتح تذكرة لوحده. 3. Automatic Root Cause Analysis: بعض الأنظمة بتقدر تعمل تحليل سببي تلقائي (RCA)، وتقولك إن الـ DL throughput مثلاً واقع بسبب interference أو handover failures. 4. Closed Loop Optimization: ودي قمة الذكاء! النظام مش بس بيكتشف المشكلة، لأ ده كمان بيعدل البراميترز أو يعيد ضبط الخلايا، ويشوف بعدها الأداء اتحسن ولا لأ، وكل ده من غير تدخل بشري. 5. Energy Optimization: الأوتوميشن بيقدر يطفي الخلايا اللي مش عليها حمل وقت معين (Cell Sleeping)، ويوفر في الطاقة. 6. Traffic Load Balancing: عن طريق أدوات أوتوماتيكية، ممكن توزع الحمل بين الخلايا (Load Sharing) أو حتى بين التكنولوجيات (مثلاً من 4G إلى 5G). 7. SON – Self Organizing Networks: دي بقى الحتة اللي بتحس فيها إن الشبكة عندها عقل…Auto Configuration، Auto Optimization، Auto Healing – وكل ده شغال في الخلفية. الزتونة؟الأوتوميشن في الأوبتميزيشن مش بس بيوفر وقت ومجهود، ده كمان بيخلي الشبكة أكثر مرونة وقدرة على التكيف مع التغيرات.وسواء كنت بتشتغل على RF أو Core أو Transport، دايمًا فيه طريقة تخلّي الماكينة تشتغل عنك… وأنت تركز على الحِتة التقيلة! #WaleedElsafoury#وليد_الصافوري

في عالم الشبكات والتخطيط، الأوبتميزيشن بقى مش رفاهية، ده شرط أساسي عشان الشبكة تفضل واقفة على رجليها وسط الزحمة اللي حوالينا. Read More »