4G

الـ Handover Events في الـ 4G: لما الشبكة تبقى عايزة تبدل مكانك بس بذكاء! عارف لما تبقى ماشي في الشارع ومستمتع بالمكالمة أو الفيديو، وفجأة الشبكة تعمل “نطّة” وانت مش واخد بالك؟ ده بسبب Handover Events، اللي هي زي إشارات المرور اللي بتنظم حركة الموبايل بين الأبراج علشان تفضل متصل بأحسن إشارة ممكنة. أهم أحداث الـ Handover في الـ LTE:  Event A1 – “الدنيا تمام”  لما الإشارة تبقى فوق مستوى معين لفترة، الموبايل بيقول للشبكة: “أنا مبسوط هنا، مفيش داعي للنقل.”  Event A2 – “الشبكة بتنهار!”  لو الإشارة وقعت تحت حد معين، الموبايل يصرخ: “الحقوني، الإشارة ضعيفة!” وده ممكن يكون تمهيدًا للـ Handover.  Event A3 – “لقينا برج أحسن!”  لما إشارة برج تاني تبقى أقوى من البرج الحالي بمقدار معين، الموبايل يبلغ الشبكة: “أنا شايف شبكة أحسن، نعمل ترانسفير؟”  Event A4 – “في برج جديد داخل على الخط”  الموبايل يكتشف برج جديد بإشارة كويسة ويقول: “ممكن أضمه للخيارات المتاحة؟” الشبكة تقرر إذا كان يستاهل ولا لأ.  Event A5 – “ده البرج الحالي بيضيع!”  مزيج من A2 وA3 مع بعض: الإشارة بتقل عن حد معين، وفي نفس الوقت، برج تاني إشارته أقوى بفرق معين. يعني، “الشبكة اللي أنا فيها وحشة، وفي واحدة تانية أحسن!” ليه كل ده مهم؟ من غير الأحداث دي، الموبايل كان ممكن يفضل متصل ببرج ضعيف، أو يبدّل بشكل غير منطقي، فتلاقي نفسك بتقطع وانت بتكلم، أو الفيديو يهنّج. الشبكة بتستخدم الـ Events دي عشان تاخد قرارات ذكية تحافظ على جودة الاتصال بدون ما تحس. الزتونة  الـ Handover Events هي العقل المدبر وراء التنقل السلس بين الأبراج في الـ LTE. كل Event له وظيفة محددة، والشبكة بتقرر متى وكيف تعمل الـ Handover علشان تضمن أفضل أداء للمستخدم. فالمرة الجاية لما تلاقي نفسك ماشي واتصالك مستقر، اعرف إن في سلسلة قرارات ذكية بتحصل في الخلفية، وانت مش حاسس! #WaleedElsafoury#وليد_الصافوري

إيه الفرق بين RSSI و RSRP و RSRQ و SINR؟وإمتى أستخدم كل واحد في التقييم والتحليل؟ القياسات دي بتطلع قدامك طول الوقت في الـ Drive Test والـ KPIs،بس كل واحدة منهم بتحكي قصة مختلفة عن الشبكة. أولاً: RSSI (Received Signal Strength Indicator) ده إجمالي القدرة المستقبلة عند الموبايل.يعني:إشارة مفيدة + تداخل + Noise RSSI ما بيفرقش بين الإشارة الصح والغلط.هو بس بيقولك “فيه طاقة قد إيه واصلة”. يُستخدم في:• تقييم عام لقوة الإشارة مش مفضل لوحده لأنه مضلل. ثانيًا: RSRP (Reference Signal Received Power) ده أهم مقياس للتغطية في 4G و5G.بيقيس قدرة الإشارة المرجعية بسمن غير تداخل ولا Noise. يعني:RSRP = قوة التغطية الحقيقية للخلية. يُستخدم في:• Coverage Analysis• تحديد Cell Edge• تخطيط الشبكة• تقييم قوة الإشارة RSRP عالي = تغطية كويسةRSRP منخفض = مشكلة Coverage ثالثًا: RSRQ (Reference Signal Received Quality) RSRQ بيجمع بينهم:N*RSRP / RSSI يعني هو مقياس جودة الإشارةمش قوتها بس. RSRQ بيطلع وحش لما:• التداخل عالي• الخلية زحمة• فيه Overlapping كبير يُستخدم في:• تقييم جودة الشبكة• اكتشاف Congestion• مشاكل التداخل ممكن تلاقي RSRP كويسبس RSRQ وحش…وده معناه الشبكة موجودة بس متداخلة أو زحمة. رابعًا: SINR (Signal to Interference plus Noise Ratio) ده أقوى مقياس للأداء الفعلي.بيقيس نسبة:الإشارة المفيدةمقارنة بالتداخل + الضوضاء. SINR هو اللي بيحدد:• Modulation• Coding Rate• Throughput• سرعة الداتا SINR عالي = سرعة عاليةSINR منخفض = داتا بطيئة حتى لو الإشارة قوية نستخدم كل واحد إمتى؟ • RSSI: نظرة عامة (مش دقيق في LTE/5G)• RSRP: تقييم التغطية• RSRQ: تقييم الجودة والازدحام• SINR: تقييم الأداء والسرعة الزتونة:RSRP يقولك الشبكة واصلة ولا لأRSRQ يقولك الشبكة نظيفة ولا متداخلةSINR يقولك هتطلع سرعة قد إيهRSSI رقم عام… ما تعتمدش عليه لوحده التحليل الصحمش إنك تبص على رقم واحد،لكن تفهم العلاقة بينهم كلهم. #RF #RSRP #RSRQ #SINR #DriveTest #Optimization #WaleedElsafoury #وليد_الصافوري #الزتونة

الفرق بين CQI و QCI في الـ 4G بأسلوب سهل ومبسط  لو كنت بتشتغل في مجال شبكات الـ 4G أو مهتم بالـ LTE، أكيد سمعت عن CQI و QCI، والاثنين يبدوا كأنهم حاجة واحدة، لكن في الحقيقة كل واحد ليه شغلته الخاصة. خليني أوضح الفرق بينهم بمثال بسيط: CQI (Channel Quality Indicator) – جودة الطريق تخيل إنك رايح مشوار بالعربية، والطريق اللي هتمشي عليه ممكن يكون زحمة، واسع، مكسر، أو ناعم وسريع. هنا CQI هو اللي بيقول لشبكة الـ LTE جودة “الطريق” اللي البيانات هتمشي عليه. كل جهاز (UE) بيبعت CQI report للأبراج (eNodeB) عشان يقولهم “أنا شايف الشبكة عاملة إزاي؟” لو الـ CQI عالي (مثلاً 15)، يبقى الطريق ناعم وسريع، فالشبكة تستخدم modulation عالي (مثل 64QAM) وتديك سرعة إنترنت أعلى. لو الـ CQI منخفض (مثلاً 5)، يبقى الطريق فيه مطبات، فالشبكة تستخدم modulation أقل (مثل QPSK) عشان تضمن إن الداتا توصل بدون أخطاء. يعني الـ CQI بيتحكم في سرعة الاتصال بناءً على جودة الشبكة اللي الجهاز شايفها. — QCI (QoS Class Identifier) – أولوية الحركة المرورية دلوقتي تخيل إنك على الطريق ومعاك عربيات إسعاف، أوبر، وشاحنات تقيلة. كل نوع له أولوية معينة في المرور، صح؟ هنا بقى دور QCI، لأنه هو اللي بيحدد أولوية الداتا اللي بتتنقل في الشبكة، بمعنى: مكالمات VoLTE تاخد QCI = 1 عشان لازم يكون عندها أقل تأخير (latency) وأعلى أولوية. مشاهدة فيديوهات يوتيوب ممكن تاخد QCI = 6 لأنها محتاجة سرعة كويسة لكن مش بنفس حساسية المكالمات. تحميل ملفات عادي ممكن ياخد QCI = 8 أو 9 لأنه مش مستعجل زيه زي الناس اللي ماشية براحتها في الشارع. باختصار: CQI = جودة الطريق (بتتحكم في السرعة). QCI = أولوية العربيات على الطريق (بتحدد من يعدي الأول).  الزتونة: لو الإنترنت عندك بطيء، ممكن يكون السبب إن CQI بتاعك ضعيف بسبب الشبكة، أو إن QCI الخاص بالخدمة اللي بتستخدمها مش له أولوية عالية. ولو عايز تتأكد، جرب خدمة مختلفة أو اقرب من البرج وشوف الفرق! قولوا لي، إيه أكبر مشكلة بتقابلكم مع الإنترنت على الموبيل؟  #WaleedElsafoury#وليد_الصافوري

يعني إيه “interface” في شبكات الـ 4G؟ لو جينا نبسط الموضوع، فالـ Interface في شبكات الموبايل هو زي الكوبري اللي بيربط بين كيانين عشان يتفاهموا مع بعض. تخيل إن الشبكة عبارة عن مدينة كبيرة، وكل جزء فيها (الأبراج، السيرفرات، أجهزة التحكم، إلخ) محتاج يتواصل مع الأجزاء التانية بكباري خاصة، اللي هي الـ Interfaces. طيب، إيه أشهر الانترفيسيس في شبكات 4G؟ 1. Uu Interface  ده ببساطة الكوبري اللي بيربط بين الموبايل (UE) والبرج (eNodeB). أي حاجة بتبعتها أو تستقبلها على موبايلك (إنترنت، مكالمات، واتساب) بتعدي من هنا. 2. X2 Interface  الكوبري اللي بيربط بين أبراج الشبكة ببعضها (eNodeBs). يعني لما تتحرك من مكان لمكان، البيانات بتتنقل من برج لبرج بسرعة من غير ما المكالمة تقطع. 3. S1 Interface  ده بيربط الأبراج (eNodeBs) بالكور نِتوورك (EPC). وبيتقسم لـ: S1-U: مسئول عن نقل الداتا (الإنترنت). S1-MME: مسئول عن إدارة الاتصال والمصادقة على الأجهزة الجديدة. 4. S5/S8 Interface  ده مسئول عن توصيل الإنترنت للمستخدمين عبر بوابة (PGW)، سواء كنت داخل نفس الشبكة أو مشغل Roaming. 5. SGi Interface  آخر كوبري، ده اللي بيوصل الشبكة بالإنترنت الفعلي، يعني اللحظة اللي فيها تفتح يوتيوب وتشوف فيديو أو تبعت ميمز لصاحبك. الزتونة  الـ Interfaces في 4G هي الطرق اللي بتربط كل مكونات الشبكة ببعضها، عشان الإنترنت والمكالمات يشتغلوا بسلاسة. ولو حد سألك “ليه المكالمة ما بتقطعش لما تتحرك؟” قله: شكرًا للـ X2 Interface! تحبوا نتكلم عن إيه في البوست إللي جاي  #WaleedElsafoury#وليد_الصافوري

هو إيه الفرق بين Normal Handover و Conditional Handover؟ وليه الـ 5G قدم مفهوم جديد للهاند أوفر بدل الطريقة التقليدية؟ الهاند أوفر هو قلب تجربة الحركة في شبكات الموبايل، وأي تأخير أو فشل فيه بيبان فورًا على المستخدم. أولاً: Normal Handover (الطريقة التقليدية) اللي حصل في 2G و3G و4G: • الموبايل يقيس الخلايا المجاورة • يبعت Measurement Report • الشبكة تحلل القرار • تبعت أمر Handover • الموبايل ينفذ الانتقال الميزة: • بسيط • واضح • متطبق على كل الأجهزة العيب: • وقت تنفيذ أطول • حساس للحركة السريعة • ممكن يفشل لو ظروف الراديو اتغيرت فجأة ثانيًا: Conditional Handover (CHO) ده مفهوم اتقدّم مع 5G. الفكرة: • الشبكة تجهّز أكتر من أمر Handover مسبقًا • تربط كل واحد بشروط (Conditions) • تبعتهم للموبايل بدري الموبايل: • يراقب الشروط • أول ما الشرط يتحقق • ينفذ الهاند أوفر فورًا • من غير ما يستنى أمر جديد من الشبكة إيه هي الشروط دي؟ • RSRP / RSRQ • Timing Advance • Signal Quality Thresholds • Mobility Events الشروط دي بتخلي القرار أسرع وأذكى. ليه Conditional Handover أفضل؟ • تقليل الـ Latency • تقليل Handover Failure • أداء أفضل في السرعات العالية • تجربة مستخدم أنعم • مناسب للـ 5G Use Cases الحساسة للزمن عيوب Conditional Handover • إعداد أعقد • محتاج تخطيط دقيق للشروط • يعتمد على دعم الموبايل • استهلاك إشارات أعلى لو اتظبط غلط عشان كده مش بيتفعل بشكل عشوائي. مقارنة سريعة Normal Handover • القرار لحظي • تنفيذ أبطأ • اعتماد كامل على الشبكة Conditional Handover • القرار شبه استباقي • تنفيذ أسرع • مرونة أعلى للموبايل الزتونة: Normal Handover مناسب للشبكات التقليدية، لكن Conditional Handover هو اللي يخدم 5G الحقيقي. الهاند أوفر بقى ذكي واستباقي، مش مجرد رد فعل لضعف الإشارة. #5G#ConditionalHandover#Mobility#Optimization#WaleedElsafoury#وليد_الصافوري#الزتونة

The Evolution of Core Networks: EPC vs 5GC –لما الشبكة بقت Platform مش مجرد Pipes في عالم الموبايل، الكور نتورك هو “المخ” اللي بيدير كل حاجة من أول ما تشغل الموبايل لحد ما تبعت ميم على واتساب.ومع كل جيل جديد من الشبكات، الكور بيتطور مش بس علشان يمشي البيانات أسرع… لكن علشان يفهم أكتر، ويتعامل بذكاء أكتر. خلينا نرجع خطوة ورا: إيه حكاية EPC؟ في شبكات 4G، الكور اسمه Evolved Packet Core – EPC، وده كان مبني على architecture واضح وتقليدي: كل وحدة (node) ليها وظيفة سابتة: MME: بيهندل الـ signaling SGW/PGW: بينقلوا البيانات HSS: مسؤول عن الـ subscriber data التواصل ما بينهم كان point-to-point، والبروتوكولات معظمها Diameter و GTP. الشغل كان linear… شبه خط إنتاج: كل حاجة ماشية في سكة معينة ومفيش مرونة كبيرة. دخلت 5G وقالت: لأ، احنا عايزين نعملها SaaS style! مع ظهور 5G Core – 5GC، الدنيا اتقلبت: بقى فيه حاجة اسمها Service-Based Architecture (SBA) كل وظيفة في الكور (زي الـ AMF، SMF، UPF، AUSF، UDM…) بقت خدمة مستقلة، تقدر تتكلم مع أي مكون تاني باستخدام HTTP/2 و RESTful APIs مفيش communication “مقصورة” بين نود ونود… كله بقى dynamic ده خلى الشبكة تقدر: تعمل scaling لكل مكون لوحده حسب اللود تحقق high availability و resiliency تدعم network slicing: نفس الشبكة تقدر تخدم عربية ذاتية القيادة وفي نفس الوقت جيمر بيلعب cloud gaming من غير ما يقفلو على بعض يعني إيه الكلام ده بقى؟ يعني الشبكة بقت شبه microservices architecture بتاع الـ Web Services، وده خلاها: أذكى: decisions أسرع، وأكتر دقة أكثر مرونة: تقدر تتأقلم مع كل use-case على حدة جاهزة للمستقبل: AR/VR، IoT، automation… كله متخططله من جوه الكور الزتونة: الـ EPC كان شغال زي موظف حكومة: كل واحد عارف شغلته ومبيعديش حدوده.الـ 5GC بقى شغال زي ستارتاب: كل خدمة مستقلة، مرنة، وقابلة للتطوير حسب الظروف.وده الفرق بين شبكة “تنقل” بيانات وشبكة “تفهم” البيانات وتخدمك حسب احتياجك. #WaleedElsafoury#وليد_الصافوري

MME vs AMF – نفس الدور… ولا تغيير اللعبة؟ في شبكات 4G، الـ MME (Mobility Management Entity) كان نجم الـ Signaling بلا منازع.بيستقبل الـ Attach Request من الموبايل، يحددلك مين ال SGW المناسب، يتعامل مع HSS، ويهندل حاجات زي handover والـ paging…يعني باختصار: الراجل ده كان عامل كل حاجة ما عدا نقل البيانات نفسها. لكن لما دخلت 5G، الشبكة قالت: احنا عايزين كل حد يركز في تخصصه… وظهر AMF – Access and Mobility Function. الفرق الجوهري؟ الـ MME كان مسؤول عن حاجات كتير في نفس الوقت (signaling + control + session)، فكان شبه مدير شغال في كل الأقسام. الـ AMF في 5G بقى جزء من الـ Service-Based Architecture، يعني ما بيشتغلش لوحده… كل حاجة بتتم بالتنسيق مع باقي ال functions: الـ AMF بقى متخصص في mobility management و access control فقط أما session management فبقت شغلانة SMF – Session Management Function الـ authentication اتنقلت للـ AUSF والـ subscription data بقت مع UDM + UDR طيب إيه فايدة التقسيم ده؟ كل component يقدر يتعمله scaling على حدة لما يحصل مشكلة، مش لازم الكور كله يقع والـ update لأي خدمة بقى أسهل (microservices style) وبيديك حرية تكامل رهيبة مع الـ Cloud والـ Edge Computing من الآخر: الـ MME كان جندي مجهول بيشيل كتير…لكن الـ AMF في 5G بقى team player: بيركّز في اللي بيعرف يعمله كويس، ويسيب الباقي للزملاء. الزتونة: الفرق بين MME و AMF مش مجرد أسامي جديدة…ده shift كامل في الـ mindset:من “كيان واحد بيعمل كل حاجة” إلى “نظام موزع ذكي بيشتغل كأنك في بيئة DevOps وCloud Native”. #WaleedElsafoury#وليد_الصافوري