Career

عايز تشتغل في الترانسمشن؟ تعالى أقولك من الآخر. لو اتخيلنا شبكة الموبايل زي جسم الإنسان، فالتَرانسمشن (Transmission) هو “الدورة الدموية” اللي بتنقل الدم (البيانات) من القلب (الـ Core) لباقي الأعضاء (الأبراج والمستخدمين) والعكس. يعني من غير ترانسمشن شغال بكفاءة، الشبكة كلها تبقى بتنهج، أو أسوأ… تموت! طب يعني الترانسمشن ده بيعمل إيه بالظبط؟ بيربط الـ Radio Sites (الأبراج) ببعضها وبالـ Core Network. بيشيل الـ voice والـ data traffic رايح جاي. بيستخدم تقنيات زي: Microwave Links Fiber Optics وأحيانًا Satellite في الأماكن النائية. طيب اللي عايز يشتغل في الترانسمشن يبدأ منين؟ الطريق واضح، بس عايز تركيز. شوف الـ Roadmap دي: Transmission Engineer Roadmap: المرحلة 1: الأساسيات (Foundation) مبادئ الاتصالات: Analog vs Digital OSI Layers وخصوصًا Layer 1 و2 Network Topologies (Point-to-Point, Ring, Mesh) مفهوم Bandwidth – Latency – Jitter – Packet Loss المرحلة 2: الفايبر والمايكروويف (Core Knowledge) Fiber Optics Basics Types (Single Mode vs Multi Mode) Splicing – OTDR Testing Microwave Systems LOS (Line of Sight) Link Budget Calculations Frequency Bands (مثلاً: 7GHz, 15GHz, E-band) المرحلة 3: أدوات الشغل (Tools & Protocols) SDH/PDH basics IP/MPLS overview Synchronization concepts (GPS, PTP, Sync-E) Transmission Planning Tools: Pathloss Ubiquiti AirLink Google Earth + Link Budget Sheets المرحلة 4: الـ Hands-On شوف تدريب في شركات زي ZTE / Huawei / Ericsson MW مارس على NMS (Network Management Systems) اتعلم: Basic Fiber Optics Microwave Link Planning CCNA (للـ IP Part) الزتونة: لو عايز تبقى Transmission Engineer تقيل، ركز على الأساس، افهم الفايبر والمايكروويف، وخد بالك إنك هتشتغل مع الكل: الراديو، الكور، وحتى الـ IT. ابدأ من النهارده، وافتكر إن الشبكة القوية بتبدأ من ترانسمشن مظبوط. وأنتطروا كورس الترانسمشن باكدج في اخر شهر ٥ باذن الله#WaleedElsafoury#وليد_الصافوري

حابب تشتغل في مجال الـ Mobile Radio؟ تعالى أقولك تبدأ منين وتمشي إزاي! لو نفسك تدخل عالم الـ Mobile Radio وتشتغل كـ RF Engineer أو planner أو حتى تبقى Optimization Specialist… فالمجال ده فيه فرص كتير جوه وبره مصر، بس محتاج تبني نفسك صح خطوة بخطوة. وده الـ Roadmap اللي هتساعدك توصّل لهدفك: الخطوة 1: افهم الأساسيات (2G – 3G – 4G – 5G) لازم تبقى فاهم كل جيل من أجيال الموبايل بيشتغل إزاي، إيه المكونات، البروتوكولات، والـ KPIs الأساسية.وهنا بنرشح لك كورس Mobile Package للمهندس وليد الصافوري – اللي هو أنا   – وده شامل جدًا وبيغطي: Mobile Communication Architecture (من 2G لـ 5G) Drive Test Tools & Techniques Post Processing Tools and skills Planning tools and skills الكورس ده يعتبر حجر الأساس لأي حد حابب يبدأ. الخطوة 2: التدريب العملي – Drive Testing هنا هتتعلم إزاي تنزل تعمل اختبارات ميدانية للشبكة (DT)، وتجمع بيانات الإشارة، وتحللها بشكل مبدئي. تعلم استخدام أدوات مثل TEMS اعرف الفرق بين أنواع التيست (Single Site, Cluster, Benchmarking) إزاي تحضر الـ Log Files وتجهزها للتحليل الخطوة 3: Post Processing & Analysis بعد ما تجمع البيانات، تيجي خطوة التحليل.هنا بتستخدم أدوات TEMS or sctix علشان تطلع Insights مفيدة: تغطية الشبكة جودة الإشارة مشاكل الـ Handover تحليل Drop Calls & Blocked Calls رسم خرائط التغطية الخطوة 4: Network Planning هنا تبدأ تفكر في مرحلة التصميم: إزاي تخطط لتوزيع الأبراج تغطية المناطق Traffic Forecast استخدام أدوات زي Atoll كل إللي فات لحد هنا في كورس الموبيل باكدج اللي بيغطي الأساسيات دي ويديك لمحة كويسة نظريا وعمليا و تقدر تبدأ منها. الخطوة 5 (اختياري بس مهم): Optimization Level لو عايز تطور أكتر وتبقى Optimization Engineer – هنا تبدأ تدخل في: Parameter Tuning KPI Analysis بشكل متقدم Feature Activation Interference Mitigation Troubleshooting for Call Drops, Low Throughput, Congestion المهندس وليد الصافوري – برده اللي هو أنا   – عنده كورسات متقدمة للأوبتميزيشن برضه، وهتكون مناسبة جدًا للمرحلة دي. الزتونة: ابدأ صح، امشي واحدة واحدة، وركز على التطبيق مش الفهم النظري بس.واشتغل على نفسك في الـ Tools المطلوبة وابقى جاهز لأي Interview أو Job في المجال ده. #WaleedElsafoury#وليد_الصافوري

مين الأفضل في شغل الموبايل؟ Radio ولا Transmission ولا Core؟ السؤال ده بيتكرر كتير من الناس اللي لسه داخلة مجال الاتصالات أو حتى بتفكر تغير تراكها، والإجابة ببساطة: مافيش حاجة اسمها مين “أفضل”… لأن كل تراك فيهم ليه دور أساسي ومكمل للتاني. الـRadio هو اللي بيخلينا أصلاً نلقط الشبكة… من تغطية وجودة وسعة. الـTransmission هو اللي شايل الـRadio والـCore على ضهره، بيربط كل حاجة ببعض. الـCore هو عقل الشبكة، مسؤول عن إدارة المكالمات والبيانات والـservices. يعني من غير Radio مفيش شبكة، من غير Transmission الشبكة مش هتوصل، ومن غير Core الشبكة ملهاش دماغ تفكر! وعلى فكرة، الشغل موجود في التلاتة، بس عملياً، الـRadio والـTransmission بيبقوا مطلوبين أكتر شوية لأنهم مرتبطين بكل موقع على الأرض. الـCore شغله centralized أكتر وممكن يكون أقل عددياً. بالنسبة للمرتب؟آه، الـRadio والـTransmission ممكن يبقوا أقل في الأول، بس مع الخبرة والمعرفة والـtools، المرتب بيزيد كويس جدًا، وفرص السفر في التراكات دي ممتازة، خاصة في المشاريع والدول اللي لسه بتبني أو بتطور شبكاتها. الزتونة؟لو بتحب التنقل، التحدي، والشغل العملي… الـRadio أو الـTransmission هيكونوا مناسبين ليك. لو بتميل للتحليل، النظم، والإدارة… الـCore هيكون مكانك.لكن في كل الأحوال: كلهم مهمين، وكلهم ليهم فرص، والمهم تبدأ وتتعلم صح. #WaleedElsafoury#وليد_الصافوري