General

 على أي أساس بنختار مكان برج الاتصالات؟ الموضوع مش عشوائي، ومش أي أرض فاضية تنفع، اختيار الموقع بيتم بناءً على مجموعة عوامل تقنية ولوجستية عشان نحقق أفضل تغطية بأقل تكلفة. تعالوا نفهم القصة:  1. التغطية الجغرافية (Coverage)أول حاجة بنبص عليها هي الفجوة في التغطية. هل في منطقة فيها ضعف إشارة؟ هل في طلب عالي على الخدمة ومفيش سعة كافية؟الهدف إننا نغطي بأقل عدد من الأبراج، بس بكفاءة.  2. الكثافة السكانية (Population Density)المكان اللي فيه ناس أكتر = استهلاك بيانات أعلى = لازم سعة أكبر.يعني بنفضل نركّب أبراج في مناطق شغل بالنسبة لنا لكن لو صحرا مفيهاش حد خالص تغطيها ليه؟  3. ارتفاع الموقع (Height Advantage)لو عندك نقطة مرتفعة (سطح عمارة، جبل، هضبة)، فدي كنز!كل ما كانت الهوائيات أعلى، كل ما زادت زاوية الرؤية (Line of Sight) .  4. تداخل الترددات (Interference)ما ينفعش تحط برج في مكان هيبقى فيه Overlap كبير مع خلايا تانية شغالة على نفس التردد، وإلا الإشارة هتتضرب.عشان كده بنستخدم أدوات Planning زي Atoll أو Asset عشان نعمل Simulation قبل التنفيذ.  5. سهولة الوصول والصيانة (Accessibility)فيه مواقع ممتازة فنياً، بس لو العربية مش عارفة توصلها أو مش آمنة للصيانة، بنستبعدها.البرج محتاج كهرباء، مصدر Backup، وصيانة دورية.  6. الموافقات والتراخيصحتى لو الموقع مثالي، لازم ناخد موافقة من مالك الأرض، والمحافظة، وهيئة الاتصالات…يعني فيه شوية ورق لازم يتظبط قبل ما نبدأ.  7. الربط بالشبكة (Transmission Availability)الموقع لازم يكون فيه طريقة نربطه بالشبكة سواء عن طريق فايبر أو مايكروويف.مالوش لازمة برج يشتغل كويس بس مش متوصل بالـ Core Network!  الزتونة؟اختيار الموقع = مزيج من science + experience.مش بس بنفكر في “فين نحط البرج؟”… لأ، بنسأل: “هل المكان ده هيدينا أقصى استفادة بأقل تكلفة وبأعلى كفاءة؟” #WaleedElsafoury#وليد_الصافوري#شبكات_الموبايل#اتصالات#Wireless_Planning#Telecom_Engineering

يعني إيه Drive Test؟ وإيه الفرق بين TEMS و Nemo؟ لو حبيت تعرف صحة الشبكة بعينك، مش هتكتفي بتقارير الـ KPIs. هنا بييجي دور الـ Drive Test، كأنه كشف دوري للشبكة على الأرض، مش على الورق. إيه هو الـ Drive Test؟ ببساطة، بنركب أجهزة قياس (مثل الموبايلات الاحترافية أو الـ scanners) في عربية، ونلف في المناطق المختلفة بنقيس الإشارة، الجودة، التغطية، سرعة الداتا، الهاند أوفر، إلخ الهدف: نشوف المستخدم بيحس بإيه فعلياً، ونحدد مناطق الضعف أو الـ Black Spots TEMS vs Nemo – مين فيهم أحسن؟ 1. TEMS Investigation شركة Ascom (دلوقتي جزء من Infovista) أقدم وأشهر حل في السوق بيدعم كل السيناريوهات تقريباً: Voice, Data, VoLTE, 5G, Scanner واجهته كلاسيكية، وتقاريره قوية ومفصلة شائع جداً في معظم شركات الموبايل 2. Nemo Outdoor شركة Keysight (كانت Anite قبل كده) تصميم حديث ومرن في الإعدادات بيتميز في سهولة التعامل وسرعة التحديثات، خصوصاً مع تكنولوجيا 5G واجهته أسهل لبعض الفرق الميدانية، وفيه شوية Flexibility زيادة في التحكم مين الأفضل؟الحقيقة، مفيش “أحسن مطلق”، كل شركة بتختار حسب راحتها وخبرتها وسيناريو الشبكة.الاتنين بيطلعوا نفس البيانات الأساسية، لكن كل واحد ليه ستايله في التقارير والتفاصيل. الزتونة Drive Test مش رفاهية، ده عين الشبكة على الأرض TEMS: ملك السوق القديم، قوي وتفصيلي Nemo: واجهة حديثة وسريعة، وسهل في التعامل الأهم من الأداة هو مين اللي بيحلل الداتا وبيطلع القرارات الصح #WaleedElsafoury#وليد_الصافوري

يعني إيه VSWR وReturn Loss وCable Loss؟ لو تخيلنا الإشارة زي ميه ماشية في ماسورة، أي مقاومة أو تسريب في الطريق بيأثر على الكمية اللي بتوصل في الآخر. في عالم الترانسمشن، عندنا 3 مصطلحات أساسية بتوصف لنا الصحة دي. 1. VSWR – Voltage Standing Wave Ratio مقياس بيقولك قد إيه الإشارة بتترجع تاني من الهوائي أو من أي جزء في السيستم لو الرقم قريب من 1:1 → الوضع ممتاز، مفيش تقريباً إشارة راجعة القيمة المثالية أقل من 1.5:1 كل ما VSWR يعلى، معناه إن في Reflect كبير، وده بيقلل الكفاءة، وممكن يبوظ الترانسمتر 2. Return Loss بيقيس نفس فكرة الانعكاس، بس بطريقة مختلفة (بالـ dB) كل ما Return Loss يعلى (قيمة رقمية موجبة أكبر)، الوضع أحسن مثال: Return Loss 20 dB يعني انعكاس قليل جداً بيقولك بشكل مباشر قد إيه الإشارة راجعة بسبب عدم تطابق الـ Impedance 3. Cable Loss الإشارة وهي ماشية في الكابل بتفقد شوية من طاقتها بسبب مقاومة الكابل نفسه بيقاس بالـ dB لكل متر أو لكل طول معين مثال: لو عندك كابل طوله 50 متر بخسارة 0.3 dB لكل 10 متر، يبقى الإجمالي حوالي 1.5 dB Loss لازم ناخد بالنا منه خصوصاً في اللينكات الطويلة الزتونة VSWR قليل → انعكاس قليل → كفاءة أعلى Return Loss عالي → انعكاس قليل → كفاءة أعلى Cable Loss قليل → إشارة أقوى وEffective أكثر التلاتة دول شبه تحاليل الدم للشبكة، يقولولك لو في مشكلة قبل ما المستخدم يشتكي. #WaleedElsafoury #وليد_الصافوري #VSWR #ReturnLoss #CableLoss

البوست السنويخلاصة خبرات 19 سنة ونص شغل– ميزان نجاحك علاقتك بربنا وعلاقتك بأبوك وأمك– قيراط شو ولا فدان شطارة ” ده الواقع للاسف”– اللي بيحبك لله ويحب لك الخير عملة نادرة فلو وجدته حارب من اجله– أتعلم AI لشغلك– السوشيال ميديا صعب تغير قناعات فمتتعصبش قوي لرأيك وتقاتل عشانه بدون داعي– البلوك وال UNFOLLOW على السوشيال ميديا مريح نفسيا– والله لا يسوق لنا الله إلا الخير ولو رأينا بأعيننا غير ذلك– كم من فرص بكينا لأنها ضاعت منا والان نسجد شكرا لانها لم تكتب لنا– أبحث عن سلامك النفسي فهو أفضل ما تفوز به في الدنيا– الرزق من عند الله واجتهادك مجرد أسباب– المقارنة مفسدة للقلوب وسوء الظن مفسد الود– تعرف فلان؟ …. أعرفه ….. سافرت معاه أو أقمت معاه أو تاجرت معاه أو تعرضت مصالحك ومصالحه مع بعض …… لا …… يبقى متعرفوش– لو تعرف تعمل بيزنس لوحدك متشاركش حد بالذات لو بتحبه– متخليش حياتك كلها لايف على الفيسبوك خلي ليك شوية خصوصية– التوكل عبادة رهييييبة لو خليتها بقلبك مش بلسانك بس– العبادات القلبية أثرها أكبر من العبادات البدنية وكلاهما مطلوب– ربنا مخلقناش كلنا زي بعض فمتحاولش تحاسب غيرك بدماغك– عيش على قد اللي معاك لحد ما تبقى بتكسب اللي يعيشك زي ما أنت عايز– دايما حط لنفسك خطط مستقبلية و أعمل حسابك عليها قبلها– بلاش القسط وبلاش السلف كلاهما هم بالليل وذل بالنهار– هتفضل طول عمرك تتعلم وكل ما تتعلم أكتر هتعرف قد أيه كنت جاهل قبلها– متديش ودنك للناس هتتعب كتير وعمرك ما هتنجح بس خلي ليك ناصح أمين تثق فيه وفي رأيه ترجع ليه دايما وتستشيره– متخسرش حد ابدا اللي مش هتحتاجه النهارده ممكن تحتاجه بكرة– مفيش شغل مفيهوش ضغط عليك– الرضا بيهون عليك أحداث كتير فمرن نفسك عليه– الطموح ليس له حدود ولكن ليس كل ما يتمناه المرء يدركه– لا تكن دائما هينا فتعصر ولا تكن دائما صلبا فتكسر– كل واحد وليه دماغه.. متحاولش تخلي كل الناس زي دماغك هتتعب ومش هتوصل لحاجة– فرق كبير بين انك تكون متواضع وانك تكون ضعيف فكن الأولى ولا تكن الثانية– مهما كنت صالح لازم يكون في ناس مبتحبكش– الحرص مطلوب في جميع التعاملات فالحرص يحميك من الصدمات– عايز تنجح ساعد غيرك انه ينجح– الفلوس مش كل شئ بس ده ميمنعش أنها حاجات كتير برده– أتجوز بدرى ومتخلفش على طول– عشان تكون مدير ناجح لازم الناس تحبك بس في نفس الوقت تهابك– الاعتذار عن خطأ خير من ألف تبرير– محدش صالح كله بتاع مصالح .. هو مش كله بس كتير– ليس كل ما يتمناه المرء يدركه ولكن السعى مطلوب– أجعل يومك كله ” حسن ظن بالله”– عقل المرأة وقلبها في أذنيها.. لذلك أهم ما تعاملها به لسانك “مراتك يعني مش حد تاني”– البعض بيكلمك عشان يطمن عليك وكتير بيكلمك عشان يطمن أنه أحسن منك– ربي عيالك ومتخليش الشارع او التليفزيون او الموبيل هو اللي يربيهم– متبقاش في البيت مجرد ATM هتندم قدام– الدنيا وسيلة وليست غاية والقليل من يعمل بذلك– ولن تجد متعة أفضل من وقت تقضيه مع من تحب– أجعل في حياتك عمل لله– اسعى للتغير للأحسن بأستمرار وسواء وصلت أو لم تصل فما أنت فيه هو الخير– كل يوم جديد فرصة جديدة للعودة إلى الله فأغتنم الفرصة قبل أن تسحب منك– نص السعادة في الدنيا في التغافل والنص التاني في الرضا و التوكل– العاقل يتغير تفكيره وحكمه على الأشياء كلما كبر. ولو متغيرتش يبقى مبيتعلمش– العلاقات الكتير مطلوبة ولكن أنتقيها#الزتونة