General

أنواع الانتنات في شبكات الموبايل: ليه فيه أشكال كتير؟

General, Telecom basics /

أنواع الانتنات في شبكات الموبايل: ليه فيه أشكال كتير؟ لو مشيت جنب أي برج موبايل هتلاحظ إن فيه أكتر من نوع انتنة، وكل واحدة شكلها مختلف شوية. وده مش صدفة! ده لأن كل نوع له وظيفة حسب طبيعة الشبكة والمنطقة. خليني أشرحلك الأنواع الأساسية ببساطة: Omni antenna دي بتوزع الإشارة في كل الاتجاهات زي المصباح اللي بينور أوضة. غالبًا بتستخدم في محطات Micro أو Small cells. مفيدة في الأماكن اللي محتاجة تغطية شاملة ومفيش اتجاه رئيسي محدد Sector Antenna الأشهر والأكتر استخدامًا على الأبراج. بتغطي زاوية معينة (زي 65° أو 90°). البرج بيتقسم 3 أو 6 قطاعات، وكل انتنة بتخدم اتجاه مختلف. بتديك تغطية مركزة، وبتركز الباور في الاتجاه ده، يعني إشارة أقوى ومسافة أبعد. Panel Antenna دي النوع التقليدي اللي بنشوفه على الأبراج، وغالبًا بيكون Multi-band. ممكن تلاقيها فيها 4T4R أو 8T8R (يعني عدد التوصيلات بيسمح بتكنولوجيا متقدمة زي MIMO). مسؤولة عن نقل الداونلينك والآبلينك في نفس الوقت. MIMO Antennas MIMO = Multiple Input Multiple Output. بتشتغل بـ أكتر من انتنة في نفس الجهاز لنقل أكتر من بيانات في نفس الوقت. ضرورية في شبكات 4G و 5G علشان السرعات العالية والـ throughput. Massive MIMO انتنة فيها عشرات العناصر (up to 64 أو أكتر). بتستخدم Beamforming علشان توصل الإشارة باتجاه المستخدم بدقة. بتحسن الكفاءة، وتقلل التداخل، وبتفتح باب لـ ultra-capacity. TMA / RRU Integrated Antennas في شبكات 4G/5G، بقينا نشوف إنتنات مدمج فيها Remote Radio Unit (RRU). بتقلل الفقد في الكابل، وبتسرّع التركيب، وبتخلي التصميم افضل الزتونة: كل انتنة ليها دور، والمُهندس الشاطر هو اللي يختار النوع المناسب حسب السيناريو: هل أنا في مدينة مزدحمة؟ قطاعية. هل بعمل تغطية عامة؟ Omni. هل عايز throughput عالي؟ MIMO / Massive MIMO. كل اختيار له تأثير مباشر على التغطية والجودة والأداء. #WaleedElsafoury#وليد_الصافوري

أنواع الانتنات في شبكات الموبايل: ليه فيه أشكال كتير؟ Read More »

الـ Cloud والـ 5G: علاقة تكامل مش رفاهية

5G, General /

الـ Cloud والـ 5G: علاقة تكامل مش رفاهية لو بصينا على بنية شبكات 5G هنلاقي إن الاعتماد على الـ Cloud مش مجرد اختيار، لكنه أساس لنجاح التجربة. السبب إن الـ 5G مش بس إنترنت أسرع، لكنه بيستهدف تقديم خدمات متنوعة زي الـ IoT، الواقع المعزز، السيارات ذاتية القيادة، والتطبيقات اللي محتاجة Latency قليل جداً. الـ Cloud بيساعد 5G في كذا نقطة: الـ Edge Computing بدل ما كل البيانات تتبعت لمراكز بيانات بعيدة، ممكن يتعمل معالجة قريبة من المستخدم عند الـ edge. ده بيقلل الـ latency وبيخلي التطبيقات التفاعلية (زي الـ AR/VR أو الجراحة عن بعد) عملية وواقعية. الـ Scalability والمرونة الخدمات اللي مبنية على Cloud تقدر تتوسع أو تتقلص بسهولة حسب الحمل على الشبكة. وده مهم جداً مع الاستخدامات المتغيرة لـ 5G من IoT لغاية بث الفيديو بجودة عالية. دعم الـ Network Slicing من خلال الـ Cloud، ممكن نخصص موارد افتراضية لكل Slice بطريقة ديناميكية وفعالة. كل Slice بياخد الـ compute والـ storage اللي محتاجه من غير ما نحتاج نغيّر في البنية المادية. Automation & Orchestration باستخدام منصات سحابية، إدارة الشبكة والخدمات بتتم أوتوماتيكياً من خلال APIs وـ AI/ML. ده بيخلي الشبكة أكثر ذكاءً وقدرة على التكيف. الخلاصة: الـ Cloud هو الذراع اللي بيخلي 5G يقدر يحقق وعوده. من غير Cloud، 5G كان هيبقى مجرد زيادة سرعة. لكن مع Cloud وEdge Computing، بقى عندنا شبكة مرنة، ذكية، وقابلة تخدم تطبيقات مستقبلية معقدة. #WaleedElsafoury#5G#وليد_الصافوري

الـ Cloud والـ 5G: علاقة تكامل مش رفاهية Read More »

أنواع الـ Security في شبكات الموبايل

4G, 5G, General /

أنواع الـ Security في شبكات الموبايل شبكات الموبايل من أول 2G لحد 5G اتطورت مش بس في السرعة والخدمات، لكن كمان في مستوى الحماية والأمان. ولو قسمنا أنواع الـ Security هنلاقيها بتغطي مجموعة محاور رئيسية: Authentication & Access Control الهدف: التأكد إن الشخص أو الجهاز اللي داخل على الشبكة هو فعلاً مصرح له. أمثلة: استخدام الـ SIM card كهوية فريدة، بروتوكولات زي AKA (Authentication and Key Agreement). Confidentiality (التشفير) الهدف: حماية البيانات من التنصت أو السرقة أثناء انتقالها. بيتم عن طريق تشفير الـ voice والـ data باستخدام خوارزميات زي AES وSNOW 3G. في 5G بقى التشفير أقوى وأكثر شمولاً (يشمل مش بس الـ air interface لكن كمان أجزاء من الـ core network). Integrity Protection الهدف: التأكد إن البيانات اللي واصلة ما اتغيرتش أو اتلعب فيها أثناء النقل. ده بيتم باستخدام مفاتيح تشفير خاصة لضمان إن الرسائل أصلية وغير معدلة. Privacy Protection الهدف: حماية هوية المستخدم (IMSI) عشان ما يتمش تعقبه أو التجسس عليه. في 5G بقى فيه استخدام لمعرفات مؤقتة (SUCI) بدل الـ IMSI المباشر. Network Security الهدف: حماية البنية التحتية نفسها من هجمات DDoS أو محاولات الاختراق. بيعتمد على Firewalls، أنظمة كشف التسلل، وحماية الـ signaling. الخلاصة: أمن شبكات الموبايل مش مجرد تشفير المكالمات، لكنه منظومة كاملة بتغطي هوية المستخدم، سرية البيانات، سلامة الرسائل، خصوصية الهوية، وأمان البنية التحتية. وكل جيل جديد من الشبكات بيزود طبقات أمان إضافية لمواجهة التهديدات المتطورة. #WaleedElsafoury#5G#وليد_الصافوري

أنواع الـ Security في شبكات الموبايل Read More »

أهم مهارات مهندس الاتصالات

Career, General /

لو انت مهندس اتصالات لسه في الكلية او حتى متخرج جديد، في شوية skills مهم جدا تبدأ تركز عليهم من بدري علشان يفرقوا معاك في الشغل: 1- Networking basics لازم تبقى فاهم كويس ازاي الشبكات بتشتغل، من اول ال IP لحد ال routing وال switching. 2- Programming حتى لو مش هتشتغل مبرمج، هتحتاج لغة زي Python علشان تعمل automation وتفهم ال scripts. 3- Communication skills الموضوع مش كله تكنيكال، محتاج تعرف توصل فكرتك لزمايلك والمديرين والعميل. 4- Problem solving اللي يفرق المهندس الشاطر انه يعرف يحل مشاكل مش موجود ليها حل جاهز. 5- Basics of telecom systems من اول 2G و3G لحد 4G و5 لازم تبقى عارف الشبكة والمكونات الاساسية. الخلاصة انك لو ركزت على الحاجات دي وانت في الكلية، هتسهل على نفسك جدا اول ما تدخل سوق العمل.

أهم مهارات مهندس الاتصالات Read More »

557605144 1335914267902049 585256719819518086 n.webp

ليه مهندس الموبايل المفروض يعرف برمجة؟

Career, General /

ليه مهندس الموبايل المفروض يعرف برمجة؟ أولاً: ليه البرمجة مهمة لمهندس الموبايل؟ 1. الأتمتة (Automation) كل مهندس موبايل بيتعامل مع ملفات ضخمة (KPIs، drive tests، traces، logs، configurations…). البرمجة بتخليك: تعمل Scripts لتحليل البيانات بدل ما تشتغل يدوي. تختصر وقت تحليل من ساعات → ثواني. تضمن دقة وConsistency في النتائج. مثلا بدل ما تفتح 50 ملف Excel لقياس الـ Call Drops، تكتب سكريبت Python يقرأهم كلهم ويحسب النسبة العامة ويطلع جراف. 2. تحليل البيانات (Data Analysis) الشبكات الحديثة (خاصة 4G/5G) بتطلع ضخامة رهيبة من البيانات (Big Data). لو تعرف برمجة (خصوصًا Python أو SQL) تقدر: تستخرج الـ KPIs من قواعد بيانات أو Logs. ترسم Visualization للـ coverage أو throughput. تكتشف Patterns أو مشاكل متكررة (مثلاً drops في ساعات معينة). 3. التحكم في الأجهزة (APIs / Network Automation) في الجيل الخامس، الشبكات بقت Software-based (مثل Open RAN, SDN, NFV). ده معناه إنك ممكن تتحكم في الشبكة عن طريق API Calls أو Python scripts. على سبيل المثال تبعت API للـ MME أو الـ gNodeB علشان تعمل Reset أو تاخد Counters. تعمل Tool داخلي في الشركة يراقب KPIs تلقائيًا. 4. Machine Learning في Optimization دلوقتي الشركات (زي Nokia, Ericsson, Huawei) بدأت تستخدم AI وML لتحسين الأداء. لو عندك خلفية في البرمجة، تقدر: تبني Model يتوقع الـ Call Drop قبل ما تحصل. أو يختار أفضل Parameters تلقائيًا. 5. تطوير Tools داخل الفريق كثير من المهندسين اللي يعرفوا كود بيعملوا Tools بسيطة تحل مشاكل يومية للفريق: Tool لتحليل Drive Test Log. Dashboard لعرض KPIs. Script لتوليد Configurations تلقائيًا. ده بيميزك عن باقي زمايلك الزتونة خلي عندك فكرة عامة عن البرمجة عشان هتسهل عليك كتير

ليه مهندس الموبايل المفروض يعرف برمجة؟ Read More »

Modern digital illustration of telecom and software development concepts for training.

اللغات البرمجية اللي لازم أي مهندس موبايل يعرفها

Career, General /

اللغات البرمجية اللي لازم أي مهندس موبايل يعرفها في عصر الـ 4G / 5G والشبكات السحابية، المهندس اللي يعرف كود بقى أسرع، أدق، وأكثر طلبًا في السوق وده أهم اللغات اللي فعلاً هتفرق معاك في الشغل – Python تحليل بيانات الشبكة – أتمتة المهام (Automation) – التعامل مع الـ APIs – تطبيقات الـ Machine Learning – SQL استخراج وتحليل البيانات من قواعد الـ Core أو أنظمة الـ OSS – VBA / Excel Macros عمل تقارير سريعة وأتمتة العمليات داخل ملفات Excel – Shell / Linux scripting التعامل مع الـ MME و eNodeB logs وتشغيل أوامر على سيرفرات الشبكة – لو بدأت تتعلم واحدة بس من اللغات دي النهاردة، هتحس بفرق ضخم في كفاءتك وسرعتك بعد أسابيع قليلة!

اللغات البرمجية اللي لازم أي مهندس موبايل يعرفها Read More »

593867035 1383539659806176 9068482141929975038 n.webp

هو إيه أساسيات تنظيم الوقت؟

General /

هو إيه أساسيات تنظيم الوقت؟ وليه في ناس بتذاكر أو تشتغل ساعات طويلة… وبرضه الإنتاجية قليلة؟ السر مش في كمية الوقت… السر في طريقة تنظيمه. أولاً: اعرف انت بتعمل إيه فعلاً قبل ما تنظّم وقتك… لازم تعرف وقتك بيروح فين. تابع يومك لمدة يومين أو تلاتة: بتذاكر قد إيه؟ بتضيع وقت قد إيه؟ بتتشتت امتى؟ مجرد الوعي ده بيغيّر كتير. ثانيًا: الأولويات قبل المهام مش كل حاجة لازم تعملها دلوقتي. رتّب الأولويات حسب: • المهم والعاجل • المهم ومش عاجل • غير مهم وابدأ بالمهم… مش بالمريح. ثالثًا: حدد وقت لكل مهمة المهام اللي مالهاش وقت… بتفضل مفتوحة للأبد. اكتب: النهارده الساعة 7 – مذاكرة فصل معين الساعة 9 – فيديو الساعة 10 – مراجعة الوقت بيدي التزام. رابعًا: اشتغل بالبلوكات قسم وقتك لـ Blocks كل بلوك 45–60 دقيقة شغل مركز وبينهم 10 دقايق راحة ده أفضل من 3 ساعات ورا بعض من غير تركيز. خامسًا: قلّل المشتتات موبايلك… هو أكبر عدو للتركيز. قبل ما تذاكر أو تشتغل: • اقفل الإشعارات • استخدم وضع الطيران • أبعد الموبايل عنك التركيز مش مهارة، ده بيئة. سادسًا: خلّي الأسبوع ليه خطة اكتب كل أسبوع: • هتذاكر إيه • هتخلص قد إيه • إيه الأهداف الأساسية وخلي اليوم مجرد تنفيذ للخطة… مش ارتجال. سابعا: الترفيه خلي في وسط جدولك وقت الترفية والخروج والراحة مش كله جد في جد الزتونة: تنظيم الوقت مش ورقة و قلم… ده طريقة تفكير: اعرف يومك رايح فين… ركّز على المهم… حدد وقت… قلّل المشتتات… واشتغل بخطة. ساعتها هتنجز في ساعتين… اللي ناس تانية ما بتعملهوش في يوم كامل.

هو إيه أساسيات تنظيم الوقت؟ Read More »

ld2

بوست مجمع لكل الأسئلة المكررة

Career, General /

بوست مجمع لكل الأسئلة المكررة -أيه أحسن قسم وأحسم مجال ليه شغل في هندسة؟ -أيه مجالات شغل قسم الاتصالات؟ – فيلد الموبيل كويس ولا وحش؟ – أيه مجالات شغل البنات في قسم الاتصالات؟ – أيه مجالات شغل الموبيل؟ أيه الشهادات والكورسات المطلوبة لشغل الموبيل؟ – ال ITI كويسة ولا مضيعة وقت؟ – كل حاجة محتاج تعرفها عن مشاريع التخرج ” اختياره – فريق العمل – التنفيذ – العرض – ……” – أفتح بيزنس خاص بيا ولا أشتغل مهندس في شركة؟ – أزاي تعدي مناقشة مشروع التخرج بأمتياز؟ – ليه بنبعت ال CV كتير ومحدش بيرد علينا؟ – هل في فرق بين الجامعات الخاصة والحكومية في الشغل؟ – مهارات أساسية لازم تكون عندك عشان تلاقي وظيفة في شركة كبيرة وكويسة – ليه أعدادي هندسة أصعب سنة وأزاي أتغلب عليها؟ – من أفضل الطرق اللي تلاقي بيها وظيفة بسرعة – هل لازم يكون معايا واسطة عشان ألاقي شغل كويس في مجال الموبيل؟

بوست مجمع لكل الأسئلة المكررة Read More »

1000318907.webp

مين هو وليد الصافوري؟

General /

جالي من كام يوم حد بيسأل أنا مين عشان هو يعرفنيش يا سيدي أنا وليد الصافوري مهندس اتصالات خريج كلية الهندسة الألكترونية بمنوف دفعة 2004 بتقدير جيد جدا مع مرتبة الشرف وحاصل على ماجستير إدارة الأعمال تخصص تسويق من الجامعة المصرية اليابانية بتقدير أمتياز و ربنا أنعم عليا بموهبة توصيل المعلومة فبقيت بحب التدريس جدا وبقالي 19 سنة بدرس حاجات كتير تخص الموبيل بشكل خاص والاتصالات بشكل عام بفضل الله درست لآلاف الطلاب أونلاين وأوفلاين جوة مصر وبرة مصر في أكتر من 132 دولة حول العالم زي ما وضحنا في بوست منفصل من كذا يوم أكتر حاجة ممكن تفرحني لما بشوف الناس مبسوطة أن حاجة هو كان شايفها صعبة وقدر يفهمها بسهولة ويحب المجال واللي بيفرحني أكتر الرسايل اللي بتجيلي لما حد يشتغل بسبب دراسته معايا بحب الهزار جدا بس وقت الشغل شغل أهلاوي غير متعصب .. منوفي بس من المنايفة الطيبين مأظنش في شركة في مصر شغالة في مجال الموبيل مفيهاش ناس درسوا معايا وبضحك جدا لما بلاقي حد يقولي روحت أعمل أنترفيو لقيت اللي بيعملهولي يعرفك ويقولي دا أنا وأخد الكورس معاه فهسألك في تفاصيل الكورس لإني عارفها أخيرا أنا حاليا part time instructor في معاهد ال ITI وباخد مشاريع ريموتلي تخص الموبيل من بره مصر وبدرس Mobile radio and transmission courses بس كده

مين هو وليد الصافوري؟ Read More »