571449466 1355856512574491 9116723229345120663 n.webp

هو ليه أحيانًا بيظهر عندي علامة الـ 5G في الموبايل

5G /

هو ليه أحيانًا بيظهر عندي علامة الـ 5G في الموبايل وفي موبيلات تاني بتدعم برده ولكن بتدي 4G السؤال ده بيتكرر كتير، والإجابة بسيطة بس محتاجة نفهم إزاي الموبايل بيتعامل مع الـ 4G والـ 5G مع بعض. أولاً: الوضع اللي اسمه EN-DC (Dual Connectivity) في الوضع ده الموبايل بيكون متصل بشبكتين في نفس الوقت: 4G eNB → هي الشبكة الأساسية (Master Node). 5G gNB → شبكة تانية إضافية (Secondary Node). الـ Control and data (الإشارات والتحكم والداتا ) بيعدي من خلال الـ 4G، لكن الـ Data ممكن تمشي من الـ 5G عشان السرعة العالية. طب ليه بيظهر 5G فوق الشاشة؟ اللي بيقرر العلامة دي مش الشبكة… ده الموبايل نفسه! كل موبايل بيستخدم Policy مختلفة من الشركة المصنعة: في موبايلات تظهر 5G أول ما تعمل Setup مع gNB حتى لو الـ Control شغال من 4G. وموبايلات تانية تفضل تعرض 4G+ أو LTE إلا لو الموبايل شغال على شبكة 5G خالصة (Standalone). يعني الموضوع مش “الشبكة” اللي بتخدعك… هو مجرد Display Logic حسب نوع الموبايل والشركة (زي Samsung، Apple، Xiaomi…). ده غير ال. وإنت idle أصلا ممكن تبقى لاقط 4G لكن الموبيل كاتب 5G عشان إنت في مكان بيدعم لكن برده في موبيلات بتكتب 4G برده الزتونة: العلامة اللي فوق الموبايل مش دايمًا معناها إنك على شبكة 5G كاملة، هي بس “إشارة تسويقية” بتعتمد على نوع الموبايل وطريقة عرض الشركة. اللي يهم فعلاً هو هل الـ Data بتعدي من الـ 5G ولا لأ، مش مجرد الأيقونة اللي فوق.

هو ليه أحيانًا بيظهر عندي علامة الـ 5G في الموبايل Read More »

575177403 1362509921909150 4195104122801775664 n.webp

هو إيه أشهر Interfaces في شبكة الـ 5G؟

5G /

هو إيه أشهر Interfaces في شبكة الـ 5G؟ شبكة الـ 5G فيها مجموعة Interfaces أساسية بتربط مكونات الـ RAN والـ Core ببعض. كل Interface ليه دور محدد، وبيحدد إزاي العناصر دي بتتواصل مع بعض. أولاً: RAN Interfaces 1. NG Interface بتربط بين الـ gNB (الـ 5G Base Station) والـ 5G Core. NG-C: للـ Control Plane (الإشارات والتحكم). NG-U: للـ User Plane (البيانات). 2. Xn Interface بتربط بين محطتين 5G (gNBs) ببعض. مهمة جدًا في عملية الـ Handover بين خلايا 5G المختلفة، وبيتم من خلالها تبادل معلومات المستخدمين والـ measurements. ثانيًا: Internal gNB Interfaces الـ gNB نفسه ممكن يكون متقسم إلى جزئين: CU (Central Unit) DU (Distributed Unit) الاتصال بينهم اسمه F1 Interface وده اللي بيخلي المعمارية مرنة (Centralized أو Cloud-based RAN). ثالثًا: Core Network Interfaces 1. N2 Interface بين الـ gNB والـ AMF، خاص بالـ Control Plane. 2. N3 Interface بين الـ gNB والـ UPF، خاص بالـ User Plane. 3. N4 Interface بين الـ SMF والـ UPF، بيستخدم لإدارة الـ User Plane sessions. 4. N6 Interface من الـ UPF إلى الإنترنت أو الشبكات الخارجية. الزتونة: الـ 5G مبنية على مجموعة Interfaces مرنة وواضحة: NG بين الـ RAN والـ Core Xn بين المحطات F1 داخل الـ gNB N2/N3/N4/N6 داخل الـ Core النتيجة: شبكة مرنة، قابلة للتوسع، وجاهزة تدعم أي Use Case جديد.

هو إيه أشهر Interfaces في شبكة الـ 5G؟ Read More »

584727737 1371646067662202 970104820834866671 n.webp

هو إيه مميزات وعيوب الـ Microwave Links في الشبكات؟

Transmission /

هو إيه مميزات وعيوب الـ Microwave Links في الشبكات؟ الـ Microwave من أكتر وسائل الربط استخدامًا بين المواقع (Sites) في شبكات الموبايل، خصوصًا لما ما يكونش فيه كابل فايبر متاح. بس زيه زي أي تكنولوجيا… ليه مميزات وليه حدود. مميزات الـ Microwave 1. سرعة في التنفيذ مش محتاج حفر أو تمديد كابلات، مجرد تركيب هوائيات (Dishes) وضبط الاتجاه. ممكن تربط موقعين في يوم واحد. 2. تكلفة أقل مقارنة بالفايبر، الـ Microwave أرخص في التركيب، خصوصًا في المناطق البعيدة أو الجبلية. 3. مرونة عالية سهل تنقله أو تغير اتجاهه لو حصل تعديل في خطة الشبكة. 4. أداء جيد الروابط الحديثة بتوصل لسرعات عالية (جيجابت أو أكتر)، خصوصًا في الترددات العالية زي 18GHz و 23GHz. 5. اعتماد كبير عليه في الـ Backhaul بيستخدم في ربط الـ eNB/gNB بالـ Core أو الـ Transmission Hub، خصوصًا في المناطق اللي الفايبر مش متوفر فيها. عيوب الـ Microwave 1. التأثر بالعوامل الجوية المطر الكثيف أو الضباب ممكن يقلل من كفاءة الإشارة، خصوصًا في الترددات العالية (زي الـ 80GHz). 2. مدى محدود كل ما التردد يزيد، المسافة المضمونة تقل. يعني ممكن تحتاج أكتر من Hop عشان تغطي مسافة طويلة. 3. محتاج Line of Sight لازم يكون في رؤية مباشرة بين الهوائيات، أي مبنى أو جبل في النص هيأثر على الربط. 4. سعة محدودة مقارنة بالفايبر مهما كانت التكنولوجيا متطورة، الفايبر دايمًا هيقدر يشيل ترافيك أكتر بثبات أعلى. الزتونة: الـ Microwave حل عملي وسريع لربط المواقع لما الفايبر مش متاح، لكن يفضل استخدامه كحل تكميلي مش أساسي في الشبكات الكبيرة. سريع في التركيب، مرن في التشغيل، بس لازم يتحسب صح في التصميم عشان تضمن ثبات الربط.

هو إيه مميزات وعيوب الـ Microwave Links في الشبكات؟ Read More »

575157237 1361752608651548 3853831616358979948 n.webp

هو إيه فكرة الـ Conditional Handover في الـ 5G؟

5G /

هو إيه فكرة الـ Conditional Handover في الـ 5G؟ الـ 5G جابت فكرة جديدة ومختلفة في طريقة تنفيذ الـ Handover اسمها Conditional Handover (CHO) هدفها إنها تقلل زمن الانتقال بين الخلايا، وتخلي التجربة أنعم وأسرع. الفكرة ببساطة في الـ Handover التقليدي، الموبايل بيقيس الخلايا اللي حواليه، ولما واحدة منهم تبقى أفضل من الخلية الحالية، بيبعت Report، وبعدها الشبكة تبدأ تحضّر الهاند أوفر وتبعت الأوامر. العيب؟ العملية دي بتاخد وقت، والمستخدم ممكن يكون اتحرك أصلاً قبل ما كل ده يخلص. هنا بييجي دور الـ Conditional Handover الـ Source gNB بيجهز مجموعة من أوامر الـ Handover مسبقًا وبيبعتهـا للموبايل مع شروط معينة (Conditions) — زي مثلاً: لو الـ RSRP بتاع الخلية الجديدة زاد عن مستوى معين الموبايل يحتفظ بالأوامر دي، وأول ما الشرط يتحقق فعليًا… ينفذ الهاند أوفر فورًا من غير ما يستنى أوامر جديدة من الشبكة. الميزة 1. تقليل الـ Handover latency. 2. تحسين تجربة المستخدم أثناء الحركة العالية (زي القطارات أو العربيات السريعة). 3. تقليل حالات فشل الهاند أوفر (HOF). 4. مرونة أكتر في اتخاذ القرار على مستوى الموبايل نفسه. العيب محتاجة إعداد دقيق جدًا للـ Conditions عشان ما يحصلش تنفيذ خاطئ. بتعتمد على إن الموبايل يدعم الميزة دي (مش كل الأجهزة حالياً بتدعمها). الزتونة: الـ Conditional Handover خلت الهاند أوفر في الـ 5G يبقى Smart & Predictive بدل ما يستنى يحصل ضعف في الإشارة، الشبكة والموبايل بقوا يجهزوا للانتقال من بدري. النتيجة: تجربة أسرع، أنعم، ومستقرة أكتر.

هو إيه فكرة الـ Conditional Handover في الـ 5G؟ Read More »

575177403 1362509921909150 4195104122801775664 n.webp

هو ليه مهم تدرس الـ 5G؟

5G /

هو ليه مهم تدرس الـ 5G؟ وايه الفرق بين إنك تفهم أساسياته، أو تركز على الـ Planning، أو الـ Optimization؟ الـ 5G مش مجرد “جيل جديد أسرع” من اللي قبله، ده نظام متكامل بيجمع بين التكنولوجيا، التصميم، والتحليل. عشان كده اللي عايز يشتغل فيه لازم يعرف هو داخل منين بالضبط. أولاً: أساسيات الـ 5G (5G Fundamentals) دي البداية اللي من غيرها صعب تكمل. هتفهم فيها: الشبكة العامة (5G RAN + 5G Core). وتفاصيل ال air interface الفرق بين SA و NSA. وال بروتوكولات مفاهيم زي Beamforming, Massive MIMO, 5QI. وكمان إزاي الـ 5G بيحقق السرعة والـ latency المنخفضة. اللي بيدرس الأساسيات هو اللي بيبني أرض صلبة لأي تخصص بعد كده. ثانيًا: 5G Planning ده المجال اللي بيحول النظرية لتصميم حقيقي. هتتعلم: إزاي تختار الترددات المناسبة (Bands & NR carriers). تصميم الـ coverage والـ capacity. استخدام أدوات التخطيط (Planning Tools). وتحليل الخرائط والـ propagation models. الـ Planning هو الأساس لأي شبكة ناجحة قبل ما تتبني أصلًا. ثالثًا: 5G Optimization بعد ما الشبكة تقوم، هنا بييجي دور الأوبتميزيشن. هتتعلم: تحليل الـ KPIs ومؤشرات الأداء. التعامل مع مشاكل الـ Handover والـ Throughput. ضبط البارامترات لتحسين التجربة الفعلية للمستخدم. وفهم أدوات التحليل (Drive Test & Post Processing Tools). ده التخصص اللي بيخلي الشبكة “تحس إنها 5G بجد”. الزتونة: لو لسه بتبدأ، ابتدي بـ الأساسيات. لو عايز تدخل في التصميم، روح ناحية الـ Planning. ولو عايز تشتغل على الأداء والتحسين، يبقى Optimization هو مجالك. والمفاجأة إن يوم الجمعة الجاية بإذن الله هيكون في خصومات قوية جدًا على كل كورسات الـ 5G بمناسبة الإطلاق الجديد لكورس ال 5G optimization — فرصة ممتازة تبدأ فيها وتختار طريقك بنفسك.

هو ليه مهم تدرس الـ 5G؟ Read More »

581134235 1365866841573458 5015439534889872767 n.webp

هو أمتى أستخدم الفايبر؟

Satellite, Transmission /

وأمتى أستخدم المايكروويف؟ وأمتى أضطر أروح لـ الستالايت في الـ Transmission؟ هو أمتى أستخدم الفايبر؟ وأمتى أستخدم المايكروويف؟ وأمتى أضطر أروح لـ الستالايت في الـ Transmission؟ كل تكنولوجيا من التلاتة ليها مكانها الطبيعي حسب طبيعة الموقع، المسافة، والتكلفة. تعالى نوضحها واحدة واحدة. أولاً: الفايبر (Fiber Optic) ده الحل الأفضل والأكثر استقرارًا في الربط بين المواقع. تستخدمه لما: الشبكة في منطقة حضرية أو فيها بنية تحتية متاحة. محتاج سرعة وسعة كبيرة جدًا (جيجابتات في الثانية). عايز أقل Latency ممكن. محتاج ربط دائم ومضمون بنسبة عالية جدًا (99.999%). المميزات: سرعة عالية جدًا. استقرار وثبات في الأداء. مش بيتأثر بالظروف الجوية. العيوب: تكلفة تمديد عالية. صعب التنفيذ في مناطق جبلية أو الوعرة ثانيًا: المايكروويف (Microwave Links) ده الخيار المثالي لما الفايبر مش متوفر أو مكلف. تستخدمه لما: محتاج ربط سريع بين مواقع قريبة (من 1 لـ 40 كم تقريبا). المنطقة بعيدة أو صعب تمد فيها كابلات. محتاج حل مؤقت أو مرن. المميزات: أسرع في التركيب من الفايبر. أقل تكلفة. أداء كويس وسرعة معقولة (بالجيجات). العيوب: محتاج Line of Sight (رؤية مباشرة بين الهوائيات). بيتأثر بالعوامل الجوية زي المطر. مدى محدود حسب التردد المستخدم. ثالثًا: الستالايت (Satellite Links) ده الحل الأخير لما لا فايبر ولا مايكروويف ينفعوا. تستخدمه لما: الموقع بعيد جدًا (صحراء، بحر، أو منطقة نائية). مفيش Line of Sight. محتاج تغطية فورية في أي مكان. المميزات: متاح في أي مكان على الأرض. سهل الانتشار. العيوب: Latency عالي (خصوصًا في GEO satellites). تكلفة التشغيل مرتفعة. سرعة محدودة مقارنة بالفايبر. الزتونة: Fiber: الأفضل من حيث السرعة والاستقرار — لما البنية التحتية متاحة. Microwave: حل عملي وسريع — لما الفايبر صعب أو مكلف. Satellite: آخر الحلول — لما الموقع معزول أو مستحيل توصله بوسائل أرضية. ببساطة: ابدأ بالفايبر لو تقدر، ارجع للمايكروويف لو مضطر، واستخدم الستالايت لما مفيش بديل.

هو أمتى أستخدم الفايبر؟ Read More »

584727737 1371646067662202 970104820834866671 n.webp

هو إيه أشهر مشاكل المايكروويف؟

Transmission /

هو إيه أشهر مشاكل المايكروويف؟ وليه أحيانًا اللينك يبقى Up بس الأداء وحش، أو يقع في وقت المطر، أو الـ latency يعلى فجأة؟ المايكروويف ليه شوية مشاكل معروفة، وكل واحدة ليها سبب وحل منطقي. أولاً: ضعف الإشارة بسبب الـ Misalignment من أكتر المشاكل اللي بتحصل بعد تركيب اللينك بفترة. أي اهتزاز بسيط في الـ Dish أو تغيير في اتجاهه يقلل الـ RSL ويأثر على الـ throughput. الحل: إعادة ظبط الاتجاه (Fine Alignment). التأكد إن الـ Mount ثابت ومفيش اهتزاز. ثانيًا: تأثير المطر (Rain Fade) المطر الغزير يمتص جزء من الإشارة، خصوصًا في الترددات العالية زي 23GHz و E-Band. هتلاقي السعة بتقل، والـ BER يعلى. الحل: زيادة الـ Fade Margin في التصميم. استخدام تردد أقل لو المكان ممطر بشكل دائم. ثالثًا: عدم وجود Line of Sight كامل أي مبنى، شجرة، أو حتى انحناء بسيط في الأرض (Earth Bulge) ممكن يدخل في الـ Fresnel Zone ويعمل Attenuation. الحل: رفع الهوائيات. إعادة اختيار المسار. استخدام تردد مناسب. رابعًا: التداخل (Interference) يحصل لما تبقى شبكات كتير في نفس الباث أو نفس التردد، فتلاقي اللينك Up لكن السعة قليلة والـ thresholds بتتغير طول الوقت. الحل: تغيير التردد. استخدام هوائيات ذات عزل أعلى (High Isolation). تحسين الـ Filtering. خامسًا: مشاكل في الـ Power أو الـ IDU مرات يكون الـ Link نفسه سليم، لكن المشكلة في الباور، السوكت، أو الـ Indoor Unit. الحل: فحص الباور والـ grounding. تبديل الكابلات أو الـ IDU لو لازم. الزتونة: المايكروويف حساس للدقة: اتجاه الهوائي، التردد، الـ LOS، والظروف الجوية… كل حاجة بتأثر. ولو التصميم مضبوط من الأول، أكتر المشاكل هتتجنبها من غير ما تحتاج تزور الموقع كتير. كل المعلومات دي واكتر هتلاقيها في كورساتي عن الميكروويف ترانسمشن على منصة يوديمي

هو إيه أشهر مشاكل المايكروويف؟ Read More »

587028592 1374127994080676 5172529892030051871 n.webp

هو إيه أنواع الأقمار الصناعية؟

Satellite, Transmission /

هو إيه أنواع الأقمار الصناعية؟ وإزاي بنقسمها حسب الاستخدام والترددات والمدارات؟ عالم الستالايت كبير، وكل نوع معمول لغرض محدد… تعالى نرتّبهم بشكل مبسط وعملي. أولاً: حسب الاستخدام 1. أقمار الاتصالات (Communication Satellites) دي اللي بتستخدم في البث التلفزيوني، الإنترنت، الاتصالات الدولية، والـ VSAT. 2. أقمار الملاحة (Navigation Satellites) زي GPS، GLONASS، Galileo، BeiDou. وظيفتها تحديد المواقع والملاحة العالمية. 3. أقمار الاستشعار عن بعد (Earth Observation) بتستخدم للتصوير، الخرائط، مراقبة المناخ، تحليل الأراضي. 4. أقمار الطقس (Weather Satellites) متخصصة في متابعة السحب والعواصف وحالة الجو. 5. الأقمار العلمية والعسكرية زي أقمار التجسس وأقمار قياس الفضاء والمهمات البحثية. ثانيًا: حسب الترددات Frequency Bands 1. C-Band تردد منخفض نسبيًا، بيتحمل المطر، مناسب للبث في المناطق الاستوائية. 2. Ku-Band مستخدم في الطبق المنزلي والإنترنت. أسرع من C-Band ولكن حساس للمطر أكتر. 3. Ka-Band تردد أعلى وسرعات أكبر… مستخدم في الإنترنت السريع والـ VSAT الحديثة. 4. L-Band / S-Band تستخدم في الملاحة والاتصالات المتنقلة. ثابتة جدًا ومش بتتأثر بالمطر. ثالثًا: حسب المدار Satellite Orbits 1. GEO (Geostationary Orbit) ارتفاع 36,000 كم – ثابت فوق نفس النقطة. تغطية واسعة جدًا (تلت الأرض). مناسب للبث والاتصالات، لكن الـ latency عالي. 2. MEO (Medium Earth Orbit) من 2,000 لـ 20,000 كم. مستخدم في GPS وGalileo. Latency أقل من GEO وتغطية متوسطة. 3. LEO (Low Earth Orbit) من 500 لـ 2,000 كم. سرعات عالية وlatency منخفض جدًا (20–40 ms). زي Starlink وOneWeb. 4. HEO (Highly Elliptical Orbit) مدار بيضاوي يغطي المناطق القطبية. مفيد للدول اللي GEO مش بيغطيها كويس. الزتونة: لو هنقسم الأقمار الصناعية: حسب الاستخدام: اتصالات – ملاحة – تصوير – طقس – علمي/عسكري حسب التردد: C/KU/KA للميديا والإنترنت… وL/S للملاحة حسب المدار: GEO للتغطية الثابتة… MEO للملاحة… LEO للإنترنت السريع… HEO للمناطق القطبية كل نوع معمول بعقل… ومهم تفهمه كويس قبل ما تشتغل في أي مجال من مجالات الستالايت.

هو إيه أنواع الأقمار الصناعية؟ Read More »

589581118 1377058123787663 2218768110175563785 n.webp

هو إيه الاطوال الموجية المستخدمة في الفايبر؟

Transmission /

هو إيه الاطوال الموجية المستخدمة في الفايبر؟ وليه كل شبكات الاتصالات في العالم بتستخدم 1310 و1550 و1625 نانومتر بالذات؟ الفكرة ببساطة إن الفايبر مصنوع من زجاج ليه مناطق معينة الفقد فيها قليل جدًا اسمها Optical Windows. ودول اللي بيحددوا الطوال الموجية اللي الشبكات تقدر تشتغل عليها بكفاءة. 1310 nm ده أول طول موجي اتبنى عليه الفايبر. الفقد فيه حوالي 0.35 dB/km. ممتاز للمسافات المتوسطة ومقارنة بباقي الطوال هو الأقل في الـ Dispersion. بيستخدم في الأنظمة القديمة وبعض الروابط قصيرة ومتوسطة المسافة. 1550 nm ده العمود الفقري الحقيقي لكل شبكات الترانسمشن الحالية. الفقد فيه قليل جدًا (حوالي 0.2 dB/km) وعشان كده مناسب لمسافات طويلة وسعات عالية جدًا. أغلب أنظمة 10G – 40G – 100G – DWDM شغالة على 1550 لأنه الأفضل عمليًا. 1625 nm الطول الموجي الخاص بالاختبار والـ Monitoring. بنستخدمه في OTDR لإنه بعيد عن الطوال الأساسية، وبالتالي تقدر تعمل Test من غير ما تقطع الخدمة أو تأثر على الترافيك. طيب ليه مش بنستخدم أطوال موجية تانية؟ لإن خارج الـ Windows دي الفايبر بيبقى الفقد فيه عالي جدًا، والإشارة بتضعف بسرعة ومش هتوصل لمسافة مفيدة. غير إن كل أجهزة الترانسمشن والـ optics العالمية مصممة على الثلاثة دول. الزتونة: 1310 للمسافات المتوسطة وقلة الـ Dispersion 1550 الأفضل على الإطلاق وأقل فقد 1625 للـ Testing ودول الطوال الموجية اللي مبني عليها معظم شبكات الفايبر في العالم

هو إيه الاطوال الموجية المستخدمة في الفايبر؟ Read More »

589602359 1378493070310835 5343529372755280698 n.webp

هو إيه اللي لازم مهندس الاتصالات يعرفه عشان يشتغل في مجال شبكات الموبايل؟

Career /

هو إيه اللي لازم مهندس الاتصالات يعرفه عشان يشتغل في مجال شبكات الموبايل؟ الموضوع مش بس “شبكات” وخلاص… ده مسار كامل لازم تكون ماسكه خطوة بخطوة من أول الـ 2G لحد الـ 5G، ومن التخطيط لحد التحليل بعد التشغيل. تعالى نرتّب الصورة كاملة: أولاً: أساسيات شبكات الموبايل لازم تبقى فاهم المبادئ اللي كل الأجيال مبنية عليها: • Access – Core – Transmission • الفرق بين الـ Circuit Switching والـ Packet Switching • معنى Frequency – Bandwidth – Frame – Timeslot • والـ KPIs العامة اللي أي شبكة بتقاس بيها لو الأساسيات دي مش واضحة… لازم تتعلمها ثانيًا: الـ 2G (GSM) رغم إنه قديم… لكنه أساس. تعرف: • Structure: BTS – BSC – MSc…. • Channels: BCCH – TCH – SDCCH…. • Handover and call scenarios and its steps • أهم الـ KPIs • وازاي الشبكة بتتعامل مع الصوت ده بيفتحلك الطريق لفهم الـ Layers الأحدث. ثالثًا: الـ 3G (UMTS) جيل وسيط مهم جدًا. تعرف: • NodeB – RNC… and 3G bands • Codes – Scrambling – Spreading • Power Control • Handover types and scenarios • أهم الـ KPIs والـ Call Flow رابعًا: الـ 4G (LTE) أول جيل كلّه IP. هنا لازم تبقى ماسك: • eNB structure • OFDMA – SC-FDMA • LTE Frame Structure • Bearers و QCI • Scheduling • أنواع الهاند أوفر • الـ KPIs الأساسية (Attach – Throughput – ERAB – Drop) ده الجيل اللي عليه أغلب الشغل الحالي. خامسًا: الـ 5G (NR) لازم تبقى فاهم: • gNB • Subcarrier Spacing • Numerology • MIMO – Beamforming • NSA vs SA • 5QI • Call Flows الخاصة بالـ 5G • وأساسيات الـ Core الجديد (AMF – SMF – UPF) ده الجيل اللي الشركات بتجري عليه دلوقتي. سادسًا: Planning مهندس شبكات الموبايل مش بس بيتابع… لازم يعرف يخطّط. ده يشمل: • Link Budget • Coverage & Capacity Planning • الفروق بين Bands مختلفة • اختيار مواقع المحطات • Design Tools • وازاي تطلع خطة شبكة كاملة من A to Z سابعًا: Post Processing هنا الشغل الحقيقي بيبان. لازم تعرف: • Drive Test Tools • Post Processing Software • ازاي تقرأ الـ Maps والـ Layer Analysis • حل مشاكل التغطية والـ throughput • تحليل Handovers • تحسين الـ parameters • التعامل مع الـ KPIs على مستوى Cell وCluster ده اللي يحولك من مهندس بيعرف نظري… لمهندس يحل مشاكل بجد. الزتونة: عشان تشتغل في شبكات الموبايل لازم تمشي على 3 مراحل: فهم أساسيات كل جيل → التعرف على تخطيط الشبكة → احتراف التحليل والأوبتميزيشن. وكل النقاط اللي فوق دي… هي ببساطة المهارات اللي بتميز مهندس الشبكات المحترف عن أي حد تاني. واللي عايز يبدأ الطريق ده بشكل كامل، كل اللي محتاجه موجود في كورس الـ Mobile Package بتاعي: من 2G لحد 5G + Planning + Post Processing بأسلوب عملي ومباشر. لمعلوكمات أكتر تواصل معانا على واتساب w.me/201004066730

هو إيه اللي لازم مهندس الاتصالات يعرفه عشان يشتغل في مجال شبكات الموبايل؟ Read More »