فايبر ولا ميكروويف؟ ومين فيهم ينقذك لما تحتاج تربط نقطتين؟

Microwaves, Optical Fiber, Transmission /

فايبر ولا ميكروويف؟ ومين فيهم ينقذك لما تحتاج تربط نقطتين؟ لما تيجي تبني شبكة أو توصل داتا بين مكانين، قدامك اختيارين كبار: تمدد Fiber Optic Cable أو تركب Microwave Link تعال نفهمهم ببساطة: Fiber Optic Cable: كيبل بيعدي جواه ضوء (Light Signals) علشان ينقل بيانات بسرعات خرافية (نتكلم في Gbps). مش بيتأثر بالمطر ولا الرياح ولا حركات الطقس المفاجئة. ممتاز للمسافات الطويلة والمهام اللي لازم تكون فيها الداتا رايحة وجاية من غير غلطة. عيبه؟ بيكلفك حفر وشغل جامد (Civil Works) وكمان تصاريح وموافقات.. يعني فيلم طويل! Microwave Link: هنا مفيش كيابل، الموضوع كله بيتم بموجات راديوية (Radio Waves) بين هوائيات شايفين بعض (Line of Sight). تقدر تركبه بسرعة جدًا (ممكن خلال يومين تكون شغال). تكلفته أقل بكتير من الفايبر. بس خد بالك، الجو السيئ (زي المطر الكتير أو الشبورة) ممكن يعكنن عليك ويأثر على الإشارة. طيب أستخدم إيه بقى؟ لو عندك وقت وفلوس وحابب تنام مرتاح → روح لـ Fiber بدون تفكير. لو عايز حل سريع واقتصادي أو الطبيعة حوالينك عاملة تحديات (جبال، أنهار، نمل عملاق..) → Microwave هيكون اختيار عملي جدًا. الزتونة: Fiber = استثمار طويل المدى وجودة ملكية. Microwave = حل ذكي وسريع، بس محتاج رعاية ومراقبة أكتر. اختار اللي يناسب ظروفك، وشبك شبكتك وأنت مطمّن!#WaleedElsafoury#وليد_الصافوري

فايبر ولا ميكروويف؟ ومين فيهم ينقذك لما تحتاج تربط نقطتين؟ Read More »

WDM أيه حكاية ال?

Optical Fiber, Transmission /

WDM أيه حكاية ال تعالى كده نرَكّز مع بعض…زمان لما كان حد يبعَت داتا على فايبر، كان بياخد خط لوحده كأنه واخد أوتوبيس فاضي ومكلف الدولة ملايين!بس إحنا شُطار، واخترعنا تقنية اسمها WDM (Wavelength Division Multiplexing)، واللي ممكن نقول عليها كده ببساطة: “نعمل حفلة على نفس الفايبر، وكل واحد يبعت الداتا بتاعته لوحده!” طب يعني إيه WDM؟ WDM ببساطة هو إننا بنبعت كذا إشارة ضوئية على نفس الشعيرة الفايبر، بس كل إشارة بلون (طول موجي) مختلف.زي ما تكون ماشغل في الراديو كذا محطة، وكل واحدة بتبث على تردد غير التانية.النتيجة؟ بنمكس إشارات كتير جدًا على خط واحد بدل ما نمُد كابلات لكل حاجة! أنواع WDM: CWDM → Coarse WDM:يعني المسافات بين الأطوال الموجية كبيرة شوية (عشان الأجهزة أبسط وأرخص)، ومثالي لمسافات قصيرة/متوسطة. DWDM → Dense WDM:يعني بنزحم الإشارات جنب بعض بطريقة رهيبة (المسافات بين الأطوال صغيرة جدًا)، وعشان كده مناسب لمسافات بعيدة وكميات داتا مهولة. مثال حياتي لذيذ: تخيل عندك طريق كبير: مع WDM بقى عندك 40 حارة مش حارة واحدة! وكل عربية ماشية في حارتها بلون مختلف، محدش بيخبط في حد. معلومة كده ع الماشي: في DWDM، ساعات بنوصل لـ 80 أو حتى 160 طول موجي شغالين مع بعض! وبتبقى السعة مهولة ممكن توصل لـ Tbps (تيرابت في الثانية)… يعني تبعت فيلم كامل بجودة 4K في جزء من الثانية كده وانت بتشرب شاي. الزتونة: لو عندك فايبر وعايز تزود الداتا اللي تمشي عليه بدون ما تمدد كابلات تانية → استخدم WDM.وحدد نوعه حسب المسافة والميزانية اللي معاك: مسافات قصيرة أو فلوس قليلة → CWDM. مسافات طويلة وداتا تقيلة → DWDM. بس كده البوست خلص.. أشوفكم بكرة باذن الله في بوست جديد#Fiber#WDM#وليد_الصافوري#WaleedElsafoury

WDM أيه حكاية ال? Read More »

يعني إيه IoT؟ وليه الموضوع بقى تريند جامد؟

IOT /

يعني إيه IoT؟ وليه الموضوع بقى تريند جامد؟ الـ IoT أو “Internet of Things” ببساطة هو لما تخلي الأجهزة العادية بتاعتنا (زي التلاجة أو اللمبة أو الباب) تتوصل بالإنترنت وتتكلم مع بعض وتاخد قرارات لوحدها. يعني التلاجة تحس إن اللبن خلص… فتطلبه أونلاين وانت نايم! أو الساعة الذكية (Smart Watch) تحس إن نبضك مش طبيعي، تبعت تنبيه لدكتورك قبل ما تحس بحاجة. طيب مجالات شغل الـ IoT؟ Smart Homes: بيتك كله ذكي (الإضاءة – التكييف – القفل – الستائر). Industrial IoT (IIoT): مصانع ذكية تتابع الإنتاج أوتوماتيك. Healthcare: أجهزة تراقب صحتك لحظة بلحظة. Smart Cities: إشارات مرور ذكية – عدادات كهربا ومياه ذكية. Agriculture: مزارع بتتحكم أوتوماتيك في ري المحاصيل. Retail & Supply Chain: متابعة المخازن والشحنات لحظة بلحظة.اللي بيشتغل في IoT بيعمل إيه؟ Embedded Systems Engineer: بيبرمج العتاد (Hardware) زي Arduino و Raspberry Pi. IoT Developer: بيطور الـ Applications اللي بتتحكم في الأجهزة دي. Network Engineer: بيظبط الشبكات اللي بتخلي الأجهزة تتكلم مع بعض. Cloud Engineer: بيهندس الأنظمة اللي بتخزن وتعالج الداتا. Data Scientist: بيحلل الداتا اللي الأجهزة بتجمعها ويطلع منها insights. أشهر الشركات اللي بتشتغل في مجال IoT: Amazon (AWS IoT) Cisco (Industrial IoT solutions) Siemens (Smart Factories) Bosch (Connected Devices) Intel (IoT chips and platforms) Huawei (IoT Cloud Solutions) طيب عاوز أبقى شغال في IoT؟ أعمل إيه؟ Roadmap لطريقك في الـ IoT: 1. الأساسيات: اتعلم Networking Basics (IP, TCP/IP, MQTT, CoAP). خد فكرة عن Cloud Computing (AWS, Azure). أفهم Sensors and Actuators كويس. 2. Hardware Skills: اشتغل على Arduino, Raspberry Pi. افهم Microcontrollers و Communication Protocols (مثل I2C, SPI, UART). 3. Programming Skills: لغة أساسية زي C/C++ أو Python. اتعلم شوية Embedded C لو هتركز على الـ Hardware أكتر. 4. Security Basics: لازم تكون فاهم يعني إيه IoT Security عشان الأجهزة بتبقى targets سهلة للاختراق. 5. مشاريع عملية: Build مشاريع صغيرة (زي Smart Home System – Weather Station – Health Monitoring). 6. شهادات تفيدك: AWS Certified IoT Developer Cisco Industrial Networking Specialist الزتونة الـ IoT هو المستقبل… وبدل ما تفضل مستخدم للأجهزة الذكية، خليك أنت اللي بتصنعها وتبرمجها وتتحكم فيها. البداية بسيطة… مشروع صغير بـ Arduino وبعدها السماء حدودك!#WaleedElsafoury#وليد_الصافوري

يعني إيه IoT؟ وليه الموضوع بقى تريند جامد؟ Read More »

يعني إيه VSAT؟ وبيشتغلوا في إيه في مصر والوطن العربي؟

Satellite /

يعني إيه VSAT؟ وبيشتغلوا في إيه في مصر والوطن العربي؟ تخيل إنك في مكان نائي، لا فيه كابلات نت، ولا شبكة موبايل… ومع ذلك فيه إنترنت وشبكات شغالة عادي كأنك في وسط القاهرة! السر هنا هو: VSAT! إيه هو الـ VSAT؟ كلمة VSAT اختصار لـ Very Small Aperture Terminal، وده نوع من أنظمة الاتصالات بالأقمار الصناعية، بيستخدم أطباق صغيرة (عادة أقل من 3 متر) علشان يوصلك بشبكة الإنترنت أو بنقطة مركزية عبر الستالايت. VSAT بيشتغل فين؟ المناطق الصحراوية والريفية البعيدة. مواقع شركات البترول والتعدين. محطات كهرباء وسدود. فروع البنوك في مناطق نائية. الشركات العالمية اللي محتاجة Backup دائم. شبكات الـ ATM. السفن والطائرات (بنسخة بحرية وجوية من التقنية). وظايف مجال VSAT شكلها إيه؟ 1. VSAT Field Engineer بيعمل تركيب وصيانة أطباق VSAT. بيظبط الزوايا والاتجاهات وبيعمل alignment مع الستالايت. بيشتغل في مواقع بعيدة كتير (لو بتحب السفر، دي فرصتك!). 2. NOC Engineer (Network Operation Center) بيراقب الشبكة من غرفة مركزية. بيحل المشاكل عن بُعد. شغل مكتبي (شيفتات). 3. Satellite Link Engineer بيشتغل على ضبط وتحسين جودة الربط مع الستالايت. شغل أكتر عمقًا في الـ RF و modulation. 4. Project Manager (في المشاريع الكبيرة) بينسق بين الفرق، الموردين، والعميل. لازم يكون فاهم تكنيكال + عنده soft skills قوية. Roadmap بسيطة لمجال VSAT المرحلة الأولى: التأسيس افهم أساسيات الاتصالات (Analog, Digital, Modulation). اتعلم شوية RF Basics. خد كورس صغير عن Satellite Communication. المرحلة التانية: التخصص في VSAT VSAT System Architecture. Antenna pointing & Alignment. IP Basics (لأن معظم الشبكات عبر VSAT بتشتغل IP). Tools زي: iDirect, Hughes, Comtech. المرحلة التالتة: الاحتراف والتوسع تعلم إدارة الـ NMS (Network Management Systems). اتعمق في الـ TCP Optimization over Satellite. دراسة شهادات زي GVF Certified VSAT Installer. Networking+ و CCNA هيساعدوك كتير. الشغل متوفر فين؟ في مصر والوطن العربي، الشركات دي بتشتغل في الـ VSAT: شركات بترول: زي خالدة، عجيبة، أرامكو، ADNOC. شركات اتصالات: Orange Business، Inmarsat، NileSat. شركات متخصصة في الـ VSAT: مثل Gulfsat، IEC Telecom، Hughes. هيئات حكومية: وزارة البترول، الكهرباء، الدفاع. الزتونة: لو بتحب الشغل الميداني، عندك استعداد تتنقل كتير، وعايز تدخل مجال فيه طلب في الأماكن النائية… الـ VSAT هو سكتك. المجال فيه تكنيكال عالي + practical experience ، وفرص حلوة للسفر وللشغل في الخليج وأفريقيا. بس الفرص مش كتير مقارنة مجالات تانية#WaleedElsafoury#وليد_الصافوري

يعني إيه VSAT؟ وبيشتغلوا في إيه في مصر والوطن العربي؟ Read More »

يعني إيه Handover في 5G؟

5G /

يعني إيه Handover في 5G؟ تخيل إنك ماشي بعربيتك وسامع محطة على الراديو، وكل شوية تنتقل من برج إرسال للتاني، من غير ما الصوت يقطع ولا مرة. ده بالظبط اللي بيحصل لما موبايلك يتحرك بين خلايا الشبكة، ودي العملية اللي بنسميها Handover. في شبكات 5G, الـ Handover بقى أكثر تعقيدًا وذكاءً مقارنة بالجيلات اللي قبل كده. ليه؟ لأن عندنا أنواع مختلفة من الـ Nodes، وSpeeds أعلى، وUse Cases زي الـ URLLC و الـ mMTC بتطلب استجابة لحظية تقريبًا. طيب إزاي الـ Handover بيشتغل؟ الموبايل (UE) بيبعت Measurement Reports للـ gNB اللي هو متصل بيه. الـ gNB يبدأ يعمل Handover Preparation لو لقى إن خلية تانية (Target Cell) عندها Signal أقوى أو مناسبة أكتر. يتم إرسال Handover Command للموبايل، وساعتها الـ UE ينقل الاتصال للخلية الجديدة. لو كل حاجة مشت تمام، بيتم Handover Complete. وفيه نوعين أساسيين من الـ Handover: 1. Intra-gNB Handover: لما يكون التحويل جوه نفس الجي إن بي (يعني نفس المحطة الأساسية). 2. Inter-gNB Handover: وده لما يحصل التحويل بين gNBs مختلفة، وغالبًا بيكون فيه تدخل من الـ 5G Core. ولو الشبكة بتدعم Dual Connectivity، الموبايل ممكن يكون متصل بـ Master gNB (MgNB) و Secondary gNB (SgNB) في نفس الوقت، وساعتها في حاجات زي SgNB Addition بدل الـ Handover التقليدي. الزتونة؟الـ Handover في 5G مش بس علشان الإشارة، ده كمان بيتحسب فيه الـ Latency، نوع الخدمة، وسيناريو الحركة. كل ده علشان تفضل متصل بأعلى جودة ممكنة من غير ما تحس بأي انقطاع… حتى وإنت بتجري على التراك أو بتسوق بسرعة على الدائري!#WaleedElsafoury#وليد_الصافوري#5G

يعني إيه Handover في 5G؟ Read More »

الفرق بين Static وSemi-Static وDynamic TDD في 5G – ببساطة وبدون صداع!

5G /

الفرق بين Static وSemi-Static وDynamic TDD في 5G – ببساطة وبدون صداع! في شبكات 5G، خاصة في الـ TDD (Time Division Duplex)، عندنا تحدي بسيط: إزاي نقسم الزمن بين uplink وdownlink؟ هنا بييجي دور الـ TDD Configurations بأنواعها:Static وSemi-Static وDynamic.يلا نفهم الفرق بينهم بلُغة بسيطة: 1. Static TDDيعني الجدول معروف ومحفور في الصخر! بيتم تحديد نسبة الـ DL وUL بشكل ثابت ومسبق. مفيش تغيير أثناء التشغيل. مناسب للشبكات اللي الترافيك فيها متوازن أو متوقع. مثال: 7 رموز DL و3 UL طول اليوم! المميزات؟بسيط وسهل في التزامن.العيوب؟مافيش مرونة.. الترافيك لو اتغير، الشبكة مش هتعرف تتكيف. 2. Semi-Static TDDنفس الفكرة بس بإضافة شوية مرونة. الجدول بيتحدد من ضمن مجموعة Configs جاهزة (pre-defined patterns). ممكن نغير الـ Config من وقت للتاني بناءً على ظروف الترافيك، بس مش on-the-fly. التغيير بيحصل عبر signaling (مثلاً RRC reconfiguration). المميزات؟توازن بين الثبات والمرونة.العيوب؟لسه فيه تأخير في التكيّف. 3. Dynamic TDDده بقى اللعب الجامد! الجدول بيتغير في كل slot أو subframe حسب الترافيك اللحظي. مثلاً لو الداونلينك عليه ضغط، الشبكة تزود DL Slots فوراً. بيتطلب coordination جامدة بين الخلايا (عشان نتفادى التداخل بين UL/DL). لازم تكون الأجهزة والـ scheduler شغالين بكفاءة. المميزات؟مرونة مطلقة وتوظيف ذكي للموارد.العيوب؟معقد ويتطلب hardware/software متطور، وتنسيق بين الخلايا. الزتونة؟ لو شبكتك predictable، استخدم Static. لو عايز شوية مرونة، Semi-Static كفاية. لو بتخدم مدينة شغالة 24/7 على فيديوهات وتطبيقات، روح لـ Dynamic TDD. #WaleedElsafoury#وليد_الصافوري#5G

الفرق بين Static وSemi-Static وDynamic TDD في 5G – ببساطة وبدون صداع! Read More »

خليني أحكي لك عن شوية نجوم في عالم شبكات WDM – وكل واحد فيهم عنده دور مهم في القصة دي!

Optical Fiber, Transmission /

خليني أحكي لك عن شوية نجوم في عالم شبكات WDM – وكل واحد فيهم عنده دور مهم في القصة دي! 1. OMT (Optical Multiplexer/Terminal):ده زي “موظف الاستقبال” في نهاية الشبكة، بيجمع إشارات ضوئية متعددة (كل واحدة بتردد مختلف) وبيبعتها على فيبر واحد. وبالعكس، بيفكها في الطرف التاني! يعني باختصار هو المسؤول عن بداية ونهاية الرحلة في شبكات WDM. 2. OLA (Optical Line Amplifier):لما الإشارة تمشي مسافة طويلة، قوتها بتقل، وبدل ما نضطر نرجعها لإشارة كهربائية ونعالجها، الـOLA بيجي يعمل شغل “مدرب اللياقة”! بيقوّي الإشارة الضوئية زي ما هي، بدون ما يحولها. هو Amplifier بيشتغل على طول الخط (inline)، ومش بيغير شكل الإشارة ولا بيصلح فيها، بس بيديها Boost محترم. 3. OADM (Optical Add/Drop Multiplexer):ده بقى عامل زي “محطة القطر” اللي بتسمح لبعض الركاب (الإشارات) ينزلوا من القطر، وتركب مكانهم إشارات جديدة، بدون ما نوقف القطر كله! بيستخدم علشان نضيف أو نسحب Channels معينة من الفايبر في نقاط مختلفة بدون ما نحول كل الترافيك لـElectrical. 4. Regenerator:لما الإشارة تمشي مسافات أطول من قدرة الـOLA، بتبدأ تتشوّه وتتأخر و”تتنفس صناعي”! هنا ييجي الـRegenerator، يعمل شغل “الطبيب”: يحول الإشارة من Optical لـElectrical، يصلحها (شكلها وتوقيتها وقوتها)، ويرجعها ضوئية من جديد. وده بنسميه عملية الـ3R: Reamplify, Reshape, Retime. الزتونة؟لو عندك شبكة WDM، هتلاقي OMT في الأطراف، OLA على الطريق كـBoosters، OADM في النص علشان نتحكم في الإشارات، وRegenerator بيرجع الروح لما الإشارة تنهار تمامًا. كل واحد فيهم ليه وظيفة محددة، والشبكة مش هتكمل من غيرهم! #WaleedElsafoury#وليد_الصافوري

خليني أحكي لك عن شوية نجوم في عالم شبكات WDM – وكل واحد فيهم عنده دور مهم في القصة دي! Read More »

أنواع كابلات الفايبر… واستخدامتها؟

Optical Fiber /

أنواع كابلات الفايبر… واستخدامتها؟ لو انت بتشتغل في الفايبر أو حتى بتتعلمه، أكيد سمعت مصطلحات زي:Loose Tube – Tight Buffer – Armored – Simplex – Duplex – Breakout – Distributionتعالى نفهمهم ببساطة كده: 1. Loose Tube Fiber الوصف: الألياف ماشية جوه أنابيب صغيرة (tubes) ولها مساحة تتحرك فيها.التميز: مقاومة عالية للشد والرطوبة.الاستخدام: دفن خارجي – شبكات طويلة المدى – الـ backbone.تشبيه حياتي: عامل زي واحد في عربية نقل واسعة… بيتنطط براحتك.2. Tight Buffered Fiber الوصف: الغلاف لازق في الليف نفسه، بدون فراغات.التميز: سهل في التوصيل والتركيب الداخلي.الاستخدام: الشبكات الداخلية – الباتش كورد – مراكز البيانات.تشبيه حياتي: زي واحد لابس تريننج ضيق… جاهز يجري فورًا. 3. Armored Cable الوصف: كابل عليه طبقة حديد أو معدن للحماية.التميز: مقاومة للقوارض والتكسير.الاستخدام: الأماكن الصعبة أو تحت الأرض من غير conduits.تشبيه حياتي: جندي لابس درع – ينزل أي معركة. 4. Simplex Cable الوصف: فايبر واحد فقط.الاستخدام: اتصال في اتجاه واحد (زي أجهزة القياس أو الـ sensors).تشبيه: خط واحد.. رايح بس، مفيش جاي. 5. Duplex Cable الوصف: اتنين فايبر – واحد إرسال، واحد استقبال.الاستخدام: أغلب الشبكات اللي فيها اتصال two-way.تشبيه: طريق رايح جاي – شغل communication صح. 6. Distribution Cable الوصف: كذا فايبر في كابل واحد، بغلاف مش سميك.التميز: خفيف ورخيص، مناسب للكابلات اللي مش بتتحرك كتير.الاستخدام: داخل البنايات – تمديدات رأسية وأفقية.تشبيه: شنطة ظهر مليانة أقلام… خفيفة وسهلة التنظيم. 7. Breakout Cable الوصف: كل فايبر ليه غلافه المستقل (كأنه كابل لوحده).التميز: أقوى وسهل التوزيع من غير بوكس توزيع.الاستخدام: لما تكون كل ليفة رايحة لمكان مختلف.تشبيه: شنطة سفر فيها شنط صغيرة جوهها. الزتونة:كل نوع كابل ليه شخصية واستخدام… متختارش الكابل على أساس اللون أو الشكل، اختاره على حسب المهمة اللي هينزلها!اللي ينفع في Data Center مش هو اللي ينفع يتدفن في الأرضاعرف احتياجك… واختار الصح

أنواع كابلات الفايبر… واستخدامتها؟ Read More »

لو فاكر إن الــ 5G مجرد سرعة إنترنت أعلى، يبقى فايتك كتير!

5G /

لو فاكر إن الــ 5G مجرد سرعة إنترنت أعلى، يبقى فايتك كتير! اللي مش ظاهر في شبكة الـ 5G مختلف تمامًا عن أي جيل قبله، وخصوصًا في الــ 5G Core Network أو اختصارًا 5GC.الجيل ده مش بس بيقدملك High Throughput وLow Latency، لكنه بيغير طريقة إدارة الشبكة نفسها، وده بيبان في التكنولوجيا اللي جوّه الـ Core. تعال ناخد جولة سريعة في أهم العناصر: 1. Service-Based Architecture (SBA)نسيب ورا ظهرنا الشكل التقليدي اللي كل مكون فيه بيكلم التاني مباشرة (Point-to-Point Interfaces). دلوقتي بقى عندنا SBA، اللي فيها الـ Network Functions (NFs) بتتعامل مع بعضها عبر واجهات مبنية على HTTP/REST APIs. يعني الـ Core بقى شبه أنظمة الـ IT أكتر من كونه مجرد جهاز شبكات! 2. Control and User Plane Separation (CUPS)تم فصل جزء التحكم (Control Plane) عن جزء البيانات (User Plane) علشان نحقق مرونة أعلى ونوزع الـ User Plane Functions (UPFs) في أماكن أقرب للمستخدمين – وده بيخدم تطبيقات الـ Edge Computing جدًا. 3. Network Slicingممكن تعمل Slice مخصوص لتطبيق معين، زي Slice خاص لأجهزة الـ IoT وسلايس تاني لخدمات الفيديو. كل Slice ليه QoS ومعايير أمان مختلفة كأنه شبكة مستقلة! 4. Key Components في 5GC: AMF (Access and Mobility Management Function): بيدير التسجيل والتحرك في الشبكة. SMF (Session Management Function): مسؤول عن إدارة الجلسات وتهيئة الـ UPF. UPF (User Plane Function): بينقل الداتا بين الـ RAN والـ Data Network. PCF (Policy Control Function): بيطبق السياسات الخاصة بالجودة والاستخدام. UDM, AUSF, NRF: وكلهم مسؤولين عن الـ Authentication، الـ Subscription، وتسجيل الـ Network Functions. الزتونة؟الـ 5G Core مش مجرد تطوير، ده Revolution in Network Design. معماريته بقت أكثر مرونة وقابلة للبرمجة والتوسع، وده بيفتح الباب لعصر جديد من التطبيقات الذكية، الـ IoT، الـAI، وحتى القيادة الذاتية.#WaleedElsafoury#وليد_الصافوري#5G

لو فاكر إن الــ 5G مجرد سرعة إنترنت أعلى، يبقى فايتك كتير! Read More »

لو بتشتغل في الـ Core أو Radio أو حتى في Optimization، أكيد سمعت عن KPIs الـ VoLTE و ال CSFB، بس يا ترى فاهمها صح؟ تعال نبسطها سوا!

4G /

لو بتشتغل في الـ Core أو Radio أو حتى في Optimization، أكيد سمعت عن KPIs الـ VoLTE و ال CSFB، بس يا ترى فاهمها صح؟ تعال نبسطها سوا! أولاً: VoLTE KPIs – لما العميل يطلب كول، الشبكة لازم ترد بسرعة وبصوت نقي. إزاي نعرف ده؟ نتابع دول: CSSR (Call Setup Success Rate):يعني المكالمات اللي اتعملها Set-up بنجاح من أول مرة. CDR (Call Drop Rate):كل Drop بيجرح… النسبة دي لازم تبقى أقل ما يمكن! Call Setup Time:الزمن اللي بياخده الموبايل علشان يرن عند الطرف التاني. MOS (Mean Opinion Score):ده مقياس جودة الصوت زي ما المستخدم بيحسه، 5/5 = صوت نقي ومزاج عالي. Handover Success Rate:لما تتحرك من خلية للتانية والمكالمة تفضل شغالة من غير ما تقول “الو؟ الو؟” دي تبقى شبكة محترمة! ثانياً: CSFB KPIs – لما الشبكة تقول للمكالمة : معلش هرجعك للـ 3G/2G وأبدأي حياتك من هناك، لازم يحصل بشياكة ومن غير ما نحس. Fallback Success Rate:يعني المكالمة ترجعت للـ CS من غير ما تتقطع. Inter-RAT Handover Time:الوقت اللي الشبكة خدت فيه قرار التحويل، ونفذته. SRVCC Success Rate:دي لما يتم النقل من VoLTE لـ CS خلال المكالمة، بنشوف نجحت ولا لأ. Drop Rate during Fallback:لو المكالمة وقعت وقت التحويل، يبقى في مصيبة لازم تتصلح. الزتونة؟الـ KPIs دي مش أرقام والسلام، دي نبض الشبكة، وكل واحد فيهم بيقولك حاجة: “أنا تمام” أو “لحقني!”.تابعهم، حللهم، عدّل في الشبكة… عشان تخلّي المستخدم يحس إنه على شبكة VIP! #WaleedElsafoury#وليد_الصافوري

لو بتشتغل في الـ Core أو Radio أو حتى في Optimization، أكيد سمعت عن KPIs الـ VoLTE و ال CSFB، بس يا ترى فاهمها صح؟ تعال نبسطها سوا! Read More »