داخل على امتحان؟ خد بالك من دول!

General /

داخل على امتحان؟ خد بالك من دول! الامتحان مش بس ورقة وقلم، ده معركة نفسية كمان! عشان كده، جبتلك شوية نصائح كده من القلب للقلب، قبل وأثناء الامتحان: قبل دخول الامتحان: نام كويس. بلاش تدخل الامتحان وانت شايف السؤال بيتكلم معاك! راجع قبل دخول اللجنة بسرعة كأنك بتقرأ قصة، مش تحفظ كتاب تاريخ. ركّز على العناوين، المفاتيح، واللي كنت بتنساه دايمًا. ابعد عن أصحابك اللي بيقولوا “مذاكرتش حاجة خالص” وهوبا تلاقيه مقفل الأمتحان! حضّر أدواتك الليلة اللي قبلها (أقلام، آلة حاسبة، بطاقة)، بلاش تصحى الصبح تعمل treasure hunt. وأثناء الامتحان: اقرا الأسئلة بهدوء، ما تتحمسش وتجاوب سؤال غير اللي مقصود. لو نسيت إجابة، خليك هادي. المخ زي الواي فاي، بيشتغل أبطأ تحت الضغط! جاوب السهل الأول، واركن الصعب. ده مش تحدي شطرنج. راجع إجاباتك لو فيه وقت. أوقات الغلط بيكون في تسرع مش في المعلومة. وإياك ثم إياك تسيب سؤال فاضي… حتى لو هتكتب “أنا حاولت”. الزتونة: الامتحان محطة مش نهاية العالم. خليك رايق، وادخل بثقة، وافتكر إنك أذكى من ورقة أسئلة!#وليد_الصافوري#WaleedElsafoury#الزتونة

داخل على امتحان؟ خد بالك من دول! Read More »

ناس كتير بتقول ال Ai هيقعدنا في البيت أقرأ الأول و هجاوبك على السؤال ده في الأخر

5G, 6G, AI /

ناس كتير بتقول ال Ai هيقعدنا في البيتأقرأ الأول و هجاوبك على السؤال ده في الأخر زمان كنا بنقول “الاتصالات هتقلب الدنيا”، ودلوقتي بنقول “الـ AI بيقلب الدنيا والاتصالات معاه!”بس تعالى نبص بعيون مهندس اتصالات: إزاي فعليًا نركب الموجة دي ونستفيد من الذكاء الاصطناعي بدل ما نفضل نتفرج؟ 1. تحليل اللوجز والألارمات: تخيل معايا عندك آلاف الـ Alarms طالعين من BTSs وشبكة الـ Core. بدل ما تغرق فيهم، ممكن تستخدم AI models زي الـ Anomaly Detection علشان تكتشف المشاكل قبل ما تقع وتعمل تنبؤ بالأعطال قبل ما العميل يرن ويزعق. 2. الـ Drive Test Analysis: بدل ما تقعد تحلل الـ KPIs واحدة واحدة، استخدم الـ ML علشان يربطلك بين الـ drops والـ handovers الفاشلة ويقترح حلول (Optimization Assistant). 3. Smart Network Planning: تخطيط الشبكات مش مجرد رسم على Atoll وخلاص. الـ AI ممكن يساعدك تقرر أماكن المواقع الجديدة بناءً على كثافة السكان، حركة المستخدمين، وسلوك البيانات. وده بيقلل الكلفة ويزود التغطية. 4. Chatbots للدعم الفني: لو شغال في TAC أو NOC، ممكن تبني chatbot ذكي يجاوب على الأسئلة المتكررة أو حتى يساعدك في تصعيد الأعطال بناء على الـ keywords من التذاكر. 5. التدريب الذكي: كمهندس، لو عايز تطور نفسك، استخدم أدوات الـ AI زي ChatGPT علشان تتعلم تقنيات جديدة، تشرحلك بروتوكول غامض، أو حتى تساعدك تكتب سكريبت بايثون يحلل ملفات XML من الشبكة. 6. الأتمتة Automation: استخدم AI مع Python وExcel علشان تعمل سكريبتات تخلص بيها شغل يومين في نص ساعة. من أول تحليل الـ CDRs لحد فلترة التذاكر اللي لسه مفتوحة بقالها قرن! الزتونة؟ الـ AI مش جاى ياخد مكانك كمهندس، بالعكس… جاى يخلّيك مهندس أذكى، أسرع، وأخف دم  !#WaleedElsafoury#وليد_الصافوري

ناس كتير بتقول ال Ai هيقعدنا في البيت أقرأ الأول و هجاوبك على السؤال ده في الأخر Read More »

ليه 5G محتاجة SDN؟!

5G, 6G /

ليه 5G محتاجة SDN؟! زمان الشبكات كانت ماشية بنظام “كل جهاز وليه دماغه”، يعني كل جهاز في الشبكة بيقرر لوحده، وبالكتير بيتشاور مع جاره. لكن مع 5G؟ الوضع مختلف تماما! ال 5G مش مجرد سرعة أعلى… ده نظام مرن وذكي، بيخدم: عربيات ذاتية القيادة  عمليات جراحية عن بُعد  ألعاب أونلاين بدون تأخير  يعني لازم شبكة تتصرف بسرعة البرق وبذكاء غير طبيعي! وهنا ييجي دور الـ SDN (Software-Defined Networking)اللي ببساطة فصلت مخ الشبكة (control plane) عن عضلات الشبكة (data plane). يعني إيه؟يعني بدل ما كل جهاز يفكر لوحده، عندك “مخ مركزي” (SDN Controller) بياخد قرارات سريعة، مرنة، وذكية… ويقول للأجهزة تعمل إيه.  إزاي SDN خلت 5G أقوى؟ 1. Network Slicing: ممكن تقطع الشبكة كأنها بيتزا  ! شريحة للعربيات، شريحة للجيمرز، شريحة للطوارئ…وكل Slice ليه قوانينه وموارده. 2. المرونة والتحديث الفوري: تعدل في الشبكة وأنت قاعد على اللابتوب، مش محتاج تلف على الراوترات. 3. ذكاء وتوفير: لما تكون عارف الشبكة كلها في لحظة، تقدر توزع الحمل وتقلل الأعطال. بالمختصر:الـ 5G حلم، وSDN هو العقل اللي هيخليه يمشي صح. الزتونة:لو الشبكات قبل كده كانت “أوتوبيس”، فالـ 5G مع SDN بقت “أوبر”… ذكية، مرنة، وتوصلك على مزاجك!  #WaleedElsafoury#وليد_الصافوري#5G#SDN#Telecom#Networking#NetworkSlicing

ليه 5G محتاجة SDN؟! Read More »

بتخطط لـ Microwave Link؟ تعالى نراجع سوا أهم الحاجات اللي لازم تحطها في بالك وانت بتعمل Microwave Planning!

Microwaves, Transmission /

بتخطط لـ Microwave Link؟ تعالى نراجع سوا أهم الحاجات اللي لازم تحطها في بالك وانت بتعمل Microwave Planning! لو شغال في مجال الـ telecom، أكيد عديت على مرحلة الـ Microwave Link Planning، ودي ببساطة عملية تخطيط الرابط اللاسلكي اللي هيوصل بين نقطتين (sites) باستخدام موجات المايكروويف بدل الكابل. طيب إيه الحاجات اللي بنحسبها ونفكر فيها قبل ما نركب الهوائيات؟ يلا نلخصهم سوا: 1. Line of Sight (LOS)أهم شرط لنجاح أي microwave link هو إن يكون في رؤية مباشرة بين النقطتين. أي مبنى، شجرة، أو حتى تبة صغيرة ممكن تبوظ الدنيا!عشان كده بنستخدم برامج بتعمل simulation للـ terrain وبتحدد لو في حاجة ممكن تعترض الإشارة.2. Frequency Bandبتختار التردد على حسب المسافة ونوع الخدمة. كل ما التردد زاد، السعة تزيد… بس كمان الـ attenuation بيزيد وبتتأثر الإشارة بالمطر أكتر.3. Link Budgetدي المعادلة السحرية اللي بنحسب بيها هل الإشارة هتوصل ولا هتتبخر في الجو  بنحسب فيها: قدرة الإرسال + كسب الهوائي – الفقد في الكابلات والمسافة – الـ fading margin… ولازم النتيجة تطلع موجبة.4. Fade Marginاحتياطي للطوارئ الجوية! الجو ساعات بيقلب، وعلشان الإشارة تفضل ثابتة حتى مع الضباب والمطر، بنزود شوية margin (عادة 20 لـ 30 ديسيبل). 5. Frequency Interferenceلازم نتأكد إن مفيش روابط قريبة بتشتغل على نفس التردد، وإلا هيحصل تداخل والداتا هتتقطع. هنا بييجي دور الترددات المتباعدة والفلاتر.6. Polarizationنختار الاتجاه (أفقي أو رأسي أو slant) عشان نقلل التداخل ونزود كفاءة الرابط. ومرات بنستخدم الـ XPIC لزيادة السعة باستخدام نفس التردد باتجاهين مختلفين.7. Antenna Type and Heightبنحدد ارتفاع الهوائي وكسبه حسب المسافة والعوائق، وبرضو نوع الهوائي نفسه: parabolic؟ flat panel؟ كل واحد ليه استخدامه. 8. Availability & Reliabilityبنحدد هل اللينك محتاج يكون متاح 99.9%؟ ولا 99.999%؟ كل رقم منهم ليه متطلبات تخطيط واحتياطيات مختلفة (redundancy – diversity – protection).  الزتونة؟الـ Microwave Planning مش مجرد توصيل نقطتين على الخريطة… دي عملية فيها رياضيات، جغرافيا، وفيزياء! كل قرار فيها بيأثر على جودة واستقرار الخدمة… فخطط صح، وراجع كل العوامل دي قبل ما تبدأ تنفيذ #WaleedElsafoury#وليد_الصافوري#microwave

بتخطط لـ Microwave Link؟ تعالى نراجع سوا أهم الحاجات اللي لازم تحطها في بالك وانت بتعمل Microwave Planning! Read More »

هو ليه أجيال الموبايل المختلفة مش بتستخدم ترددات عالية جدًا زي TeraHertz Bands

6G /

هو ليه أجيال الموبايل المختلفةمش بتستخدم ترددات عالية جدًا زي TeraHertz Bandsرغم إن فيها مساحات فاضية كبيرة تدي سرعات ضخمة؟السؤال منطقي…لو في Spectrum فاضي، ليه ما نستخدموش ونخلص؟الإجابة إن الموضوع مش Bandwidth بس.أولاً: مشكلة المدى (Coverage)كل ما التردد يعلى،المدى يقل.ترددات زي Sub-6 بتغطي كيلومترات قليلة.mmWave بالكاد مئات الأمتار.التيراهيرتز ممكن توصل لعشرات الأمتار فقط.شبكات الموبايل معمولة عشان تغطي مدن وطرق سريعة…مش أوضة أو شارع صغير.ثانيًا: الاختراق (Penetration)الترددات العالية جدًا ما بتعديش:• حيطان• زجاج• شجر• حتى جسم الإنسانيعني الموبايل في جيبكممكن يفصل الاتصال.وده غير مقبول في شبكة عامة.ثالثًا: الاستقرار (Reliability)شبكات الموبايل لازم تشتغل:• جوه المباني• في المطر• في الزحمة• أثناء الحركةالتيراهيرتز حساسة جدًا لأي تغير في البيئة.أبسط حركة ممكن تعمل Drop في اللينك.رابعًا: استهلاك الطاقةالإرسال والاستقبال على ترددات عالية جدًايحتاج طاقة كبيرة.وده معناه:• بطارية الموبايل تخلص بسرعة• سخونة عالية• تصميم أجهزة أعقدوده غير عملي للمستخدم العادي.خامسًا: البنية التحتية والتكلفةعشان تشغل شبكة بترددات زي THzمحتاج:• Massive Small Cells• مسافات قريبة جدًا• Fiber كثيف• صيانة أعلىالتكلفة هتبقى ضخمة جدًا مقارنة بالعائد.سادسًا: التنظيم والترخيصمعظم نطاقات التيراهيرتزلسه غير منظمة عالميًا.ومفيش Ecosystem كامل من أجهزة وشبكات يشتغل عليها.طيب ليه برضه التيراهيرتز تحت البحث في 6G؟لأن الـ 6G مش جاي يعتمد عليها لوحدها،لكن يستخدمها كـ طبقة إضافيةلـ Use Cases معينة:• XR• Holograms• Sensing• اتصالات قصيرة المدى بسرعة خرافيةمش بديل للترددات الحالية…لكن مكملة ليها.الزتونة:ترددات عالية جدًا زي التيراهيرتز فيها Bandwidth ضخمبس مشاكلها في المدى، الاختراق، الاستقرار، والطاقةخلّت أجيال الموبايل تعتمد دايمًا على ترددات أقل.والـ 6G جاي يفتح الباب للتيراهيرتزمش كحل عام…لكن كحل متخصص لتطبيقات مستقبلية محتاجة سرعات غير مسبوقة.#6G #TeraHertz #Spectrum #MobileNetworks #Wireless #WaleedElsafoury #وليد_الصافوري #الزتونة

هو ليه أجيال الموبايل المختلفة مش بتستخدم ترددات عالية جدًا زي TeraHertz Bands Read More »

عني إيه Antenna؟ وإيه أهم أنواعها وباراميتاراتها؟

Telecom basics /

عني إيه Antenna؟ وإيه أهم أنواعها وباراميتاراتها؟ الـ (Antenna) ببساطة هي زي السماعة اللي بتحول الإشارة من شكل كهربائي لشكل موجي صوتية والعكس للميكروفون. تقدر تقول عليها “البوابـة السحرية” بين الدائرة الإلكترونية والعالم الخارجي. في الإرسال: بتاخد الإشارة الكهربية وتحولها لموجات كهرومغناطيسية تطير في الهوا.وفي الاستقبال: بتلقط الموجات دي وترجعها لإشارة كهربائية تاني. طيب نخش بقى على المهم:  أنواع الأنتنات (حسب الشكل والاستخدام): 1. Dipole Antenna– أبسط شكل، زي سلكين طالعين من النُص.– شغالة حوالين الـ λ/2.– تستخدم في الراديو والإذاعة وكمان في الموبايل. 2. Monopole Antenna– زي الـ Dipole بس واقفة على أرضية معدنية (Ground Plane).– شائعة في محطات الموبايل. 3. Patch Antenna (Microstrip)– شكلها فلات ومستطيلة، شبه البادچ.– تستخدم في الموبايل، GPS، والـ IoT. 4. Yagi-Uda Antenna– فيها أكثر من عنصر (واحد Active والباقي Directors وReflector).– Directional، مناسبة للبث التلفزيوني. 5. Parabolic Reflector– زي طبق الدش، بيركّز الموجة في نقطة معينة.– تستخدم في الأقمار الصناعية والرادارات. 6. Helical Antenna– على شكل سوستة، مناسبة للتطبيقات اللي محتاجة استقطاب دائري (Circular Polarization).  أهم باراميتارات الأنتنا: 1. Gain– قد إيه الأنتنا بتقدر تركّز الطاقة في اتجاه معين.– يقاس بالـ dBi أو dBd. 2. Radiation Pattern– الشكل اللي بيوضح اتجاه توزيع الإشارة حوالين الأنتنا. 3. Polarization– اتجاه المجال الكهربي في الموجة (أفقي؟ عمودي؟ دائري؟). 4. Bandwidth– الرينچ اللي الأنتنا تقدر تشتغل فيه بكفاءة. 5. VSWR (Voltage Standing Wave Ratio)– مقياس لقد إيه الأنتنا “matched” مع خط التغذية.– VSWR قريب من 1 = تمام أوي. 6. Impedance– معظم الأنتنات مصممة تكون 50 أوم، عشان تتماشى مع الكابلات والمعدات.  الزتونة: الأنتنا مش مجرد “سلك بيبعت ويستقبل”، دي عنصر حساس بيأثر على كفاءة كل السيستم.اختيار الأنتنا الصح بيحدد تغطيتك، جودة الإشارة، وقدرتك على الوصول لأبعد نقطة. سواء بتصمم شبكة موبايل أو بتلعب بـ IoT Devices أو حتى بتصنع درونز، لازم تفهم الأنواع والباراميتارات عشان تعمل الصح. #WaleedElsafoury#وليد_الصافوري

عني إيه Antenna؟ وإيه أهم أنواعها وباراميتاراتها؟ Read More »

لو عندك أكتر من موقع وعايز توصلهم ببعض… تستخدم إيه؟!

Transmission /

لو عندك أكتر من موقع وعايز توصلهم ببعض… تستخدم إيه؟! سواء شغال في شركة تليكوم، IT، أو حتى شركة عندها فروع كتير وعايزة تربطهم ببعض بشبكة داخلية (VPN)، لازم تفهم إمتى تستخدم كل وسيلة ربط. وخليني أبسطهالك خالص الفايبر – Fiber Opticsده لو انت في منطقة متحضرة وفيه بنية تحتية محترمة…أسرع، أكتر أمان، وبيديك استقرار عالي جدًا.مشكلته إنه غالي في التمديد، ومش متاح في كل حتة. استخدمه لما يكون عندك مواقع ثابتة، في مناطق فيها كابلات فايبر، وعايز سرعة وثبات يشرفوك الميكروويف – Microwave Linksده لو عندك Line of Sight (يعني المكانين شايفين بعض من غير عوائق)ممتاز للمسافات المتوسطة، سهل التركيب، أسرع من الانتظار لمد الفايبر.بيتأثر بالطقس شوية، والمباني الطويلة ممكن تعترض الإشارة. استخدمه لما الفايبر مش متاح، والموقعين قريبين (حدود 30-40 كم)، وفيه رؤية مباشرة بينهم. الستلايت – Satelliteده آخر أداة في شنطة الشبكات، نستخدمه لما “مفيش أمل”بيشتغل في أي مكان على الكوكب، حتى لو فوق جبل أو في الصحراء.بطيء، الـ latency عالي جدًا (خاصة في الأقمار الجيو-ثابتة)، وغالي. استخدمه في المواقع النائية جدًا، اللي لا فايبر هيوصلها ولا ميكروويف هينفع. الموبايل – 4G/5G Routersحل سريع وسهل لو عندك موقع مؤقت، أو لسه بتجهز البنية التحتية.Plug and play، مفيش تمديدات ولا تجهيزات.مش ثابت، السرعة والـ latency بيعتمدوا على التغطية وجودة الشبكة. استخدمه (Backup) أو حل مؤقت لحد ما توصل الفايبر أو تركب المايكروويف. الزتونة؟ فايبر لو متاح = الحل الأول. ميكروويف = بديل ممتاز في المسافات المتوسطة. ستلايت = للمواقع النائية جدًا. موبايل = حل سريع ومؤقت، أو كباكب.#WaleedElsafoury#وليد_الصافوري

لو عندك أكتر من موقع وعايز توصلهم ببعض… تستخدم إيه؟! Read More »

مشاكل الـ4G اللي بتطلعلنا من تحت السرير (وحلولها بقى عشان ما نفضلش مستخبين كتير )

4G /

مشاكل الـ4G اللي بتطلعلنا من تحت السرير (وحلولها بقى عشان ما نفضلش مستخبين كتير ) كلنا بنحب السرعة، بس أوقات 4G بيحسسنا إنه متخرج من مدرسة السلحفاة! وده بيحصل بسبب شوية مشاكل تقنية لازم نفهمها، عشان نحلها صح، خصوصًا لو انت بتشتغل في تخطيط الشبكات أو الـDrive Test أو حتى شغال Support في Operator. 1. التغطية (Coverage) مش ثابتة > ساعات تبقى واقف في البلكونة الشبكة تمام، تنزل السوبرماركت تلاقي نفسك Offline! ليه؟ لأن التغطية مش مظبوطة، أو في مناطق ميتة (Coverage Holes). الحل: استخدام أدوات التغطية زي الـCoverage Prediction Toolsبس بشكل كويس يعني كل ما تدينا معلومات اكتر نقدر نتنبأ أفضلتحسين توزيع الأبراج وزيادة كثافة الـSites في المناطق الزحمة 2. بطء في الداتا (Low Throughput) > أنت فاتح YouTube على 144p وبيقطع كمان الحل: التشييك على الـInterference تحسين الـLoad Balancing بين القطاعات وضبط الـParameter زي الـCQI Thresholds وMCS Configuration 3. مشاكل الـHandover > داخل مول؟ ماشي بالعربية؟ وفجأة الشبكة بتفصل؟ أهلاً بمشاكل الHandover ! الحل: ظبط الـHandover Margins شيك على الـX2 Interface بين الـeNodeBs واختبار الـDrive Test علشان تتأكد إن التنقل بين الأبراج سلس 4. الـHigh Latency > لما تدوس Send في واتساب وتلحق تعمّل شاي قبل ما الرسالة توصل الحل: تقليل الـCore Network Delay تحسين الـRLC وPDCP Parameters وضبط الـScheduler على الـeNB 5. Congestion في الشبكة > الشبكة بتنهار في الأعياد أو وقت الماتشات؟ أهلاً بزحمة الشبكة يا نجم! الحل: Dynamic Resource Allocation استخدام تقنيات زي eICIC وCarrier Aggregation وتوسيع الـBandwidth حسب الحاجة  الزتونة: شبكة الـ4G مش دايمًا المشكلة فيها من عند المستخدم، كتير من الأحيان العيب في التصميم أو الـoptimization. لازم تتابع مؤشرات الأداء، وتفهم المشكلة من جذورها!  لو بتحب البوستات اللي زي دي بكرة باذن الله في واحد كمان عن مشاكل ال 5G ومتنساش تعمل Save وShare مع زمايلك. #WaleedElsafoury#وليد_الصافوري#4G_Optimization#Telecom_Tips#RF_Engineer#DriveTest#شبكات_الموبايل#Wireless_Engineering

مشاكل الـ4G اللي بتطلعلنا من تحت السرير (وحلولها بقى عشان ما نفضلش مستخبين كتير ) Read More »

ناس كتير فاكرة إن الـ5G جاي ينقذ العالم من البطء، ده صحيح بس هو كمان جاي ومعاه شوية صداع لو ما اتعالجش صح. تعال نغوص في أشهر المشاكل اللي بتواجه مهندسين الشبكات مع الـ5G، وحلولها زي ما الكتاب بيقول.

5G /

ناس كتير فاكرة إن الـ5G جاي ينقذ العالم من البطء، ده صحيح بس هو كمان جاي ومعاه شوية صداع لو ما اتعالجش صح. تعال نغوص في أشهر المشاكل اللي بتواجه مهندسين الشبكات مع الـ5G، وحلولها زي ما الكتاب بيقول. 1. ضعف التغطية (Especially in mmWave) > ماسك موبايل 5G، بس الشبكة بتظهر وتختفي أسرع من رسائل الـSeen! الحل: استخدام ترددات Sub-6GHz جنب mmWave للتغطية الأوسع زيادة عدد الـSmall Cells واستخدام Massive MIMO بذكاء مش بكثرة 2. Latency مش بالحلاوة اللي كنا بنحلم بيها > المفروض 1ms، بس الواقع ساعات بيكون 20ms وأكتر! الحل: تحسين الـEdge Computing وتقريب الـCore من الـUser تفعيل Network Slicing حسب نوع الخدمة ظبط الـScheduling Algorithms في الـgNB 3. الـMobility Management معقدة > المستخدم بيتنقل بين خلايا بسرعة، خصوصًا مع الـBeamforming… والدنيا بتلخبط! الحل: تحسين الـBeam Management Algorithms استخدام Dual Connectivity مع LTE أثناء الحركة ومراقبة مؤشرات زي الـRLF وHO Failure Rate بشكل مستمر4. الـInterference في الـDense Deployments > لما يكون في مليون Cell في المتر المربع الواحد، الطبيعي يحصل تداخل! الحل: تطبيق تقنيات مثل Beam Steering وInterference Cancellation ضبط الخلايا باستخدام Self-Organizing Networks (SON) وتحليل الـPCI وSSB Planning كويس جدًا 5. التوافق مع الشبكات القديمة (Legacy Integration) > المستخدم بيبدأ على 5G، وفجأة يلاقي نفسه راجع لـ4G أو حتى 3G!الحل: ظبط الـInter-RAT Handover Parameters تحسين الـEN-DC Configuration والاعتماد على Dynamic Spectrum Sharing (DSS) لتقليل الفجوة الزتونة: الـ5G مش مجرد “نت سريع”، دي شبكة ذكية، بس عايزة مهندسين أذكى! حل مشاكلها محتاج مزيج من الفهم العميق للتقنيات الجديدة، وتحليل الأداء بشكل مستمر، وإيدك في أدوات الـAI وBig Data. الشبكة دي مش لعبة. #WaleedElsafoury#وليد_الصافوري#5G_Optimization#NextGen_Networks#RF_Troubleshooting#gNB#Beamforming#Telecom_Engineer

ناس كتير فاكرة إن الـ5G جاي ينقذ العالم من البطء، ده صحيح بس هو كمان جاي ومعاه شوية صداع لو ما اتعالجش صح. تعال نغوص في أشهر المشاكل اللي بتواجه مهندسين الشبكات مع الـ5G، وحلولها زي ما الكتاب بيقول. Read More »

لو نفسك تتعلم برمجة ومحتار تبدأ بأنهي لغة، تعالى نفكك الحكاية ببساطة!

General /

لو نفسك تتعلم برمجة ومحتار تبدأ بأنهي لغة، تعالى نفكك الحكاية ببساطة! البرمجة عاملة زي العربيات… كل لغة لها “موتور” وطريقة تشغيل ومجال بتبدع فيه. تعالوا نفهم سوا الفرق بين أشهر لغات البرمجة، وإمتى تستخدم كل واحدة فيهم: Python أشهر واحدة دلوقتي تقريبا بسيطة وسهلة في الكتابة والقراءة. تستخدم في:تحليل البيانات والـ Data Scienceالذكاء الاصطناعي والـ Machine Learningبرمجة السكربتات وأتمتة المهامالويب (مع Django/Flask) أنسب اختيار لو لسه بادئ ومحتاج لغة مرنة وسهلة. Java قوية جدًا وبتشتغل في أي مكان تقريبا تستخدم في:تطبيقات الأندرويدالأنظمة البنكية والضخمةالـ Backend للويب (Spring)تطبيقات سطح المكتب لو ناوي تشتغل في شركات كبيرة أو في تطوير Android C / C++ لغات قديمة بس تقيلة. قريبة من الهاردوير وسريعة جدا تستخدم في:أنظمة التشغيلالألعاب القويةالميكروكنترولرزالشبكات وبرامج الحماية لو شغلك قريب من العتاد أو الأداء مهم جدا JavaScript لغة الويب الأولى بلا منازع! تشتغل في:تصميم المواقع التفاعلية (Front-end)سيرفرات الويب (Node.js)تطبيقات الموبايل (React Native) لو عايز تبقى Web Developer أو تبني مواقع وتطبيقات. SQL مش لغة برمجة تقليدية، بس أساسية. تشتغل على قواعد البيانات. تستخدم في:إدارة واستعلام البياناتتحليل البيانات أي مبرمج أو Data Analyst لازم يعدي عليها. PHP لسه ليها وجود في الويب. بتستخدم في:مواقع زي WordPressالـ Backend لبعض المواقع لو بتشتغل على مواقع جاهزة أو أنظمة CMS. الزتونة: لسه بادئ؟ ابدأ بـ Python، هتخليك تمشي في كذا سكة. عايز تدخل في عالم الويب؟ اتعلم HTML + CSS + JavaScript. بتفكر في أندرويد؟ روح على Java أو Kotlin. نفسك تبني ألعاب أو تشتغل في الروبوتات؟ جرب C++. لو بتدور على فلوس كتير في وقت قليل؟ شوف إيه المطلوب في السوق، وابدأ منه!#WaleedElsafoury#وليد_الصافوري

لو نفسك تتعلم برمجة ومحتار تبدأ بأنهي لغة، تعالى نفكك الحكاية ببساطة! Read More »